Monday, October 1, 2012

မုသား




            လိုက်ကာစလေးကို အသာဆွဲကာ အခန်းထဲကို တစ်ချက်ချောင်းကြည့်လိုက်တယ်။ ခုတင်ပေါ်မှာ အိပ်တစ်ဝက် နိုးတစ်ဝက် ဖြစ်နေပုံရသော သူမဟာ လူးလိမ့်နေတယ်။ ဘာအသံမှ မကြားရပေမယ့် သူမ ရှိုက်နေပုံရပြီး ပခုံးလေးတွေက နိမ့်တစ်လှည့် မြင့်တစ်လှည့်။ တစ်ချက် တစ်ချက် ဆံပင်တွေထဲ လက်တွေကို ခပ်ကြမ်းကြမ်း ထိုးသွင်းပစ်တယ်။
            ဆေး သေချာဆိုးထားတာ မဟုတ်တဲ့ နီညိုရောင် ဆံနွယ်တွေက ကျောပြင်မှာ ယိမ်းခွေကျနေတယ်။ နောက်ကျောက မြင်ရတဲ့ သူမကိုယ်လုံးလေးဟာ ဖူးပွင့်စ ပန်းလေးတစ်ပွင့်လို တင်းရင်းကျစ်လစ်ပြီး လှပပြေပြစ်နေတယ်။ အပေါ်လေးကို ခေါက်ပြီးတင်နေတဲ့ ပါတိတ်ထဘီလေးအောက်က ခြေသလုံးသားက ဝင်းဝါနေတယ်။
            သူမကို စ,တွေ့ခါစကတည်းက သူမအလှနဲ့ ဘာမှမဆိုင်တဲ့ ဘဝတစ်ခုက ပါခဲ့ပြီးသား။ မျက်ဝန်းတစ်ချက် ဖျတ်ခနဲ ကြည့်တိုင်း မျက်တောင်ရှည်ရှည်တွေအောက်က မျက်ဆံမည်းမည်း မျက်ဝန်းတစ်စုံက အတော့်ကို လှပပြီး ဆွဲဆောင်မှု ရှိလှတယ်။ ပြူးတာလည်းမဟုတ်။ မျက်ဝန်းတွေက ရီပြီး ညှို့နေတယ်။ ဒါပေမဲ့ အဲဒီနေ့ကတော့ မျက်ဝန်းအိမ်မှာ မျက်ရည်တွေအပြည့်နဲ့ တွေ့ရတယ်။ သူမက အသားအရေလည်း လှတယ်။ နောက်မှ သူမက ရှမ်းဓနုစပ်လူမျိုးဖြစ်ပြီး အသားမစားဘဲ အသီးအရွက်တွေပဲ စားတယ်။ ဒါကြောင့် သူမ အသားအရေ လှတာပဲလို့ တွေးမိတယ်။
            သူမနာမည်က ခင်မေ…။ အသက်က နှစ်ဆယ့်နှစ်။ စတွေ့တုန်းက ခင်မေ့ နှုတ်ခမ်းတွေ ပွန်းပဲ့ပြီး သွေးလေးများပင် စို့နေပြီး ပြဲနေတဲ့အင်္ကျီစအောက်က ပေါ်နေတဲ့ ပခုံးသား၊ ဆံပင်တွေက ဖရိုဖရဲ။ ရှေ့အင်္ကျီ အပေါ် ကြယ်သီးနှစ်လုံးပင် မရှိတော့။ ခင်မေ့ပုံစံ ရုပ်ပျက်ဆင်းပျက်နဲ့ ရင်ဘတ်တွေ ဆူဝေလှုပ်ခတ်နေသလိုပဲ။ ရေအေးတစ်ခွက်တိုက်ပြီး ကျွန်မအင်္ကျီနဲ့ လုံချည်ကို လဲဝတ်ခိုင်းလိုက်တယ်။ ခင်မေ့စိတ်တွေ နည်းနည်းငြိမ်သွားပြီးမှ ကျွန်မ မေးရတော့တယ်။ ခင်မေ့ကို ကျွန်မထံ လာအပ်သွားတာက ဆွေမျိုးနီးစပ်လေးတော်ရုံပဲတော်တဲ့ ဒေါ်ကြီးတစ်ယောက်။ နာမည်က ဒေါ်မြ…။ အကူအညီလိုတဲ့ အိမ်တွေမှာ ညမအိပ်ပဲ အဝတ်လျှော်၊ ထမင်းချက် လိုက်လုပ်တယ်။ ကျွန်မဆီမှာ နှစ်ခါ အဝတ်လာလျှော်ပေးဖူးတယ်။
            "သမီးရယ် ကူပါကွယ်… ဒီကောင်မလေး မဟုတ်ရင် သေတော့မယ်… သမီးလည်း မိန်းကလေးတစ်ယောက် လိုချင်တယ်ဆိုတော့… သူ ချက်တတ် ပြုတ်တတ်ပါတယ်… အသိဥာဏ်ကတော့ နည်းတယ်… သင်ပေးရမှာပေါ့လေ… နို့မို့ ပထွေးလက်ထဲမှာ ဒုက္ခလှလှရောက်တော့မယ်… ခုလည်း…"
            အဒေါ်ကြီးက ဆက်မပြောဘဲ စိတ်မကောင်းဖြစ်သွားဟန်နဲ့ -
            "ခု… ပထွေးရဲ့ လက်ချက် မိသွားပြီလား"
            "ညက မှောင်မှောင်နဲ့ အလုပ်ကပြန်လာတဲ့ ခင်မေကို ငှက်ပျောပင်နောက်ကနေ ဘွားခနဲထွက်လာပြီး မုဒိမ်းကြံတော့တာပဲ… ဒေါ်ကြီးတွေ့လို့ ဒီကောင်မလေး အသက်ရှင်တာပေါ့"
            "ခင်မေ့ အမေကရော…"
            "သူ့အမေက သူ့ယောက်ျားအကြောင်း သိပုံရတယ်… ဒေါ်ကြီးကို တစ်ခါခေါ်ပြောဖူးတယ်… သူလည်း မနိုင်ဘူးထင်ပါတယ်… နောက်ပြီး ဒီကောင်မလေးအတွက် အန္တရာယ်ရှိတယ်.. ဝင်ငွေကနည်းတော့ ဟင်းစားလည်း မနိုင်ပါဘူး… သူ့ကိုလည်း လမ်းမှာ ဒေါ်ကြီး ပြောလာတယ်… သမီးဆီမှာနေဖို့ သူ ခေါင်းညိတ်တယ်"
            "အင်းပေါ့လေ သနားစရာပါပဲ… ဒါနဲ့ ဒေါ်ကြီး… ခင်မေ ဟိုဒင်းတော့ မဖြစ်ခံရတာ သေချာပါတယ်နော်"
            "သြော် ဟို..ဟုတ်…မဖြစ်ပါဘူး… ရုန်းရင်းကန်ရင်း ဖြစ်နေတဲ့ အချိန်မှာ ဒေါ်ကြီးနဲ့ တွေ့တာ"
            "ကောင်းပြီလေ.. သူ့ အမေလည်း သိလား… ကျွန်မဆီမှာ ထားမှာ…"
            "ဒေါ်ကြီးပြောလိုက်မယ်… သူလည်း ဝမ်းသာမှာပါ… သမီးဆီဆိုတော့ ဒေါ်ကြီးလည်း စိတ်ချပါတယ်"
            ဒေါ်ကြီးက နောက်နေ့ ခင်မေ့ရဲ့ အဝတ်အစားထုပ်တွေ လာပေးသွားတယ်။
            ကျွန်မ မန္တလေးဆေးရုံကြီးကနေ ဒီနယ်မြို့လေးကို ပြောင်းရွှေ့တာဝန်ထမ်းဆောင်ရတော့ ကျွန်မနေဖို့ သီးသန့် တိုက်ခန်းလေး ရတယ်။ တသီးတသန့်လေးဖြစ်နေတဲ့ ကျွန်မနေရာမှာ မလာရဲလို့ပဲ ထင်ပါတယ်၊ လူသူ အလာနည်းတယ်။ ဒီနယ်ကလူတွေ လူစိမ်း အင်မတန်ကြောက်ကြတယ်။ ဆရာမနှစ်ယောက်ရှိတယ်။ ကျွန်မရောက်ပြီး သိပ်မကြာခင်မှာ ဒေါ်ကြီးနဲ့ တွေ့တယ်။ သူ့ကို မိန်းကလေးတစ်ယောက် လိုချင်ကြောင်း ပြောလိုက်တယ်။ ဒီနေ့ ဒေါ်ကြီးခေါ်လာတဲ့ ခင်မေကတော့ အားကိုးရာမဲ့ပုံစံ။ သူ့ရဲ့ အခြေအနေကို မသိရသေးပေမယ့် လက်ခံခေါ်ထားဖို့ ဆုံးဖြတ်လိုက်တယ်။ ဒဏ်ရာရခဲ့တဲ့ ခင်မေ့ကို ဆေးထည့်ပေးပြီး ဘာမှ မစဉ်းစားတော့ဘဲ ကောင်းကောင်းအနားယူပြီး အိပ်ဖို့ ပြောထားတယ်။ ခင်မေ့ပုံစံက ကောင်းကောင်းတော့ အိပ်ပျော်မယ့်ပုံ မပေါ်ဘူး။ ခုတင်ပေါ်မှာ ဟိုလှိမ့် ဒီလှိမ့်နဲ့။

*          *          *

            ဧည့်ခန်းမှာ မလှုပ်မယှက်ထိုင်နေတဲ့ ခင်မေကို စိတ်ပြေရာပြေကြောင်း လျှောက်ပြောပြီး ဘာတွေလုပ်ရမယ်ဆိုတာ ပြောပြဖြစ်တယ်။
            "ခင်မေ… ခုချိန်မှာ စိတ်တွေငြိမ်ဦးမှာ မဟုတ်ဘူးဆိုတာ ကျွန်မသိတယ်… ဒါပေမဲ့ နောက်ကြောင်းပြန်ပြီး ဘာမှမတွေးနဲ့… အမေ့ကို လွမ်းနေလား"
            "မလွမ်းဘူး"
            "သြော်… ကျောင်းရော ဘယ်နှတန်းထိ သင်ခဲ့ရလဲ"
            "ခြောက်တန်း"
            "သြော်… မဆိုးဘူးပဲ… ဟိုက စာအုပ်စင်မှာ မဂ္ဂဇင်းတွေ၊ စာအုပ်တွေ ရှိတယ်… ယူဖတ်… ပြီးရင် သေချာ သပ်သပ်ရပ်ရပ် ပြန်ထားနော်… စာဖတ်တာ ကောင်းတယ်… ကျွန်မက ဆေးခန်း လူနာသွားကြည့်ချိန်မှာ ခင်မေက ဒီအိမ်ကို စောင့်ရှောက်ရမယ်… ကျွန်မ မှာတာတွေကို လုပ်ထားပြီးရင် နားပေါ့… နေ့လယ် အိပ်ချင်တယ်ဆိုရင် တံခါးပိတ်အိပ်နော်…"
            "ဆရာမ… ကျွန်မ အိမ်ခဏပြန်ချင်တယ်"
            "ဟင်… ဘာဖြစ်လို့လဲ"
            "ခဏပါ… ကျွန်မ ပစ္စည်းတွေ ကျန်ခဲ့သေးတယ်… သွားယူပြီး ပြန်လာမယ်… အမေ့ကိုလည်း ကန်တော့ခဲ့ချင်သေးတယ်"
            "ဒါဆိုလည်း နေ့လယ် တံခါးသော့ခတ်ပြီး ပြန်လိုက် ခင်မေ… ကျွန်မ စိတ်ချမယ်နော်…ပထွေးနဲ့ တွေ့နေဦးမယ်"
            "ကျွန်မ ဒေါ်ကြီး ခေါ်သွားမယ်.. ညနေကျ ဒီကို ကျွန်မရောက်အောင် ပြန်လာမှာပါ"
            "အေး…အေး…"
            ကိုယ်ကခေါ်ထားပြီဆိုမှတော့ ကိုယ့်လက်ထဲ တစ်ခုခုဖြစ်မှာကိုတော့ စိုးရိမ်မိတယ်။
            ညနေ အိမ်ပြန်ရောက်တော့ ခင်မေ့ကို တွေ့ရတယ်။ ထမင်းဟင်းချက်ထားပြီး ကျွန်မ အဝတ်တွေလည်း လျှော်ထားတယ်။ ပန်းပင်တွေလည်း ရေလောင်းထားတယ်ဆိုတော့ မဆိုးဘူးပဲ။ ရေချိုးပြီးထားပုံပဲ။ သနပ်ခါးခပ်ကျဲကျဲ တင်ထားတာ တွေ့ရတယ်။
            "ခင်မေ အိမ်ပြန်တာ အဆင်ပြေခဲ့လား… အမေနဲ့ရော တွေ့ခဲ့လား"
            "တွေ့ခဲ့တယ် ဆရာမ… သေချာလည်း ပြောခဲ့တယ်"
            "အေး…အေး… ကောင်းတယ်… ဒီမှာတော့ အန္တရာယ်မရှိဘူး… လိုအပ်တာရှိရင်ပြော… ဘာမဆိုတိုင်ပင်… ပွင့်ပွင့်လင်းလင်းပြော… ဟုတ်လား"
            "ဟုတ်ကဲ့ ဆရာမ"
            "ခုရော ခင်မေ့စိတ်တွေ ဘယ်လိုလဲ အဆင်ပြေလား… ဘုရားစာအုပ်တွေ ပေးဖတ်ဦးမယ်"
            ခင်မေက ခေါင်းညိတ်ပေမယ့် စိတ်ဝင်စားလား၊ မဝင်စားလားတော့ မသိနိုင်။ သူမမျက်နှာ ခပ်မှုန်မှုန်ဖြစ်နေပြီး မတက်ကြွတာကတော့ ကြာရင် မကောင်းနိုင်။ ငယ်ရွယ်သေးတဲ့ မိန်းကလေးတစ်ယောက်ရဲ့ ဒဏ်ရာအမာရွတ်ကို တဖြည်းဖြည်းကုစားဖို့ လိုအပ်တယ်။ ဒီအမာရွတ်ဟာ ခင်မေ့ရင်ထဲ အမြဲရှိမနေစေချင်။ ဘာပဲဖြစ်ဖြစ် စိတ်ပိုင်းဆိုင်ရာ ခံစားမှုတွေကို ရင်ဆိုင်နိုင်အောင် ပြုပြင်ဖို့ လိုအပ်တယ်။ ကိုယ့်ကိုယ်ကိုယ်ရော ယုံကြည်စိတ်ရှိသေးရဲ့လား။ ဒီလို ကိစ္စမျိုးမှာ ကြုံတွေ့သူတိုင်း တဇွတ်ထိုးနဲ့ လုပ်ချင်ရာလုပ်သွားတတ်တဲ့ အပြုအမူတွေက ရှိခဲ့ဖူးကြတယ် မဟုတ်လား။
            ခင်မေ့အနေနဲ့ ကိုယ့်စိတ်ကို သေချာနားမလည်နိုင်ရင် စိတ်ပိုင်းဆိုင်ရာ ပြန်လည်ပြုပြင်နိုင်ဖို့ ခဲယဉ်းလိမ့်မယ်။ လက်ရှိဘဝကို စနစ်တကျ လက်ခံနိင်ဖို့၊ ကျေနပ်ယုံကြည်နိုင်ဖို့ အချိန်တော့ လိုအပ်မယ်။
            ခင်မေက အလုပ်တွေတော့ လုပ်ပါရဲ့။ စိတ်နဲ့လူနဲ့ မကပ်တာကြောင့် စိတ်အလျဉ်လှိုင်းတွေကို တစ်နေရာတည်း စုစည်းနိုင်ပုံတော့ မရပါ။ ခင်မေ့စိတ်ထဲ နာကျင်မှုကို ကျွန်မရဲ့ ခွဲစိတ်အတတ်ပညာနဲ့ ဘယ်လိုမှ ခွဲစိတ်ကုသလို့ ရနိုင်မှာ မဟုတ်ဘူးဆိုတာကို ယုံကြည်မိတယ်။

*         *          *

            ခင်မေ ကျွန်မဆီရောက်တာ တစ်လနီးနီး ရှိသွားပြီ။ သူ့အမေလာတာ မတွေ့သလို၊ ဒေါ်ကြီးလည်း ပျောက်သွားတာ ကြာခဲ့ပြီ။ ခင်မေ့ကို ကျွန်မဆီမှာ စိတ်ချလက်ချ အပ်နှံလိုက်ပုံရတယ်။ ခင်မေက သူ့အလုပ်သူ ပုံမှန်လုပ်နေပေမယ့် သူ့အခြေအနေက normal ပုံစံတော့ မဟုတ်သေးဘူးလို့ ကျွန်မ ထင်တယ်။ စိတ်ကူးယဉ်လွန်းတယ်လို့ ခင်မေ့ကို ကျွန်မမြင်မိတယ်။ တစ်ခုခုကို ကြည့်ပြီးရင် ပြန်ပြီး အတွေးနယ်ချဲ့နေတာ တမေ့တမော။ TV ဇာတ်လမ်းတွဲတချို့ထဲက မင်းသမီးနေရာမှာ သူက ဝင်ခံစားချင် ခံစားနေတတ်တယ်။ ခင်မေက ရုပ်သံတွေကို ပိုသဘောကျတတ်ပြီး စာဖတ်စေချင်ပေမယ့် စာဖတ်တာတော့ သိပ်မတွေ့ရတတ်ပါ။
            တစ်ခါတစ်ခါ မဂ္ဂဇင်းထဲက မင်းသား၊ မင်းသမီးပုံတွေကို စိတ်လိုလက်ရကြည့်ရင်း အသံတိုးတိုးနဲ့ ပြောနေတတ်တယ်။ ကျွန်မနဲ့ နေရတာကို မပျော်လှပေမယ့် စိတ်မညစ်နိုင်ဘူးလို့ ကျွန်မထင်တယ်။
            အလုပ်ကို သေသေသပ်သပ် လုပ်တတ်ပေမယ့် စိတ်မပါတော့ရင် မှာထားတာတွေ မကြာခဏ မေ့တတ်ပြီး၊ ရေချိုး ဖြီးလိမ်း ပြင်ဆင်မှုတွေ ရံဖန်ရံခါတော့ လုပ်တတ်တယ်။ ကျွန်မကိုတော့ ဂရုစိုက်တတ်တယ်။ ညဆိုရင် နှိပ်ပေးတတ်တယ်။ ခင်မေက ပထွေးရော အမေ့ကိုရော နှိပ်ပေးရတယ်တဲ့။ ကျွန်မက အမေ့ကို သတိမရဘူးလား မေးတိုင်း မရဘူးပဲ သူမ ဖြေတတ်တယ်။ အနေကြာလာတော့မှ သူမ အရိပ်အကဲကိုကြည့်ရင်း -
            "ခင်မေ အဲဒီနေ့က အကြောင်း ပြောပြပါဦး… ပထွေးက အမြဲ အဲဒီလို ခင်မေ့အပေါ် မရိုးမသား ကြံစည်နေတာ ကြာပြီလား"
            "သိပ်တော့လည်း မကြာသေးပါဘူး… ပထွေးက ဒီလိုပါပဲ… ကျွန်မကို ခိုးကြောင်ခိုးဝှက် ကြည့်ကြည့်နေတာ ကြာပြီပေါ့… သူက အရက်မသောက်ရင် မဆိုးပါဘူး… အရက်သောက်ထားလို့…"
            "ခင်မေက ချောလည်းချော…ကိုယ်လုံးကိုယ်ပေါက် အသားအရေက အစ လှတယ်ဆိုတော့ ချောင်းနေမှာပဲ… ဆက်ပါဦး"
            "အဲဒီနေ့ ကျွန်မ အလုပ်က ပြန်လာတော့ ငှက်ပျောပင်ကြားကနေ လက်ကို လှမ်းဆွဲပြီး မြေကြီးပေါ် လှိမ့်ချပစ်တာ… ရုန်းရင်း ဆွဲရင်းနဲ့ အင်္ကျီတွေလည်း စုတ်ကန်တယ်… နောက် ဒေါ်ကြီးက လက်နှိပ်ဓာတ်မီးနဲ့ လာပြီး ထိုးတာ တွေ့သွားတာ… ပထွေးက ဒေါ်ကြီးကို တောင်းပန်ပြီး အိမ်ဘက်ထွက်သွားတာ"
            "ခုလိုမျိုးက ဒီတစ်ကြိမ်ပဲလား"
            "အိမ်မှာ အမေမရှိတုန်း နှစ်ကြိမ် သုံးကြိမ်ထိ ကြိုးစားဖူးတယ်"
            "သြော်… ခင်မေက အမေ့ကို တိုင်မပြောဘူးလား"
            "အမေလား…သူ ရိပ်မိတယ်… ပထွေးကိုတော့ ကြိတ်ပြောမှာပေါ့"
            "သြော်… အေး အေး… စိတ်ထဲ ထားမနေနဲ့တော့… ကဲ ခင်မေ… တံခါးတွေ သေချာစစ်ပြီး အိပ်တော့… ဆရာမ ဘုရားရှိခိုးလိုက်ဦးမယ်"
            အပြင်မှာတော့ တကျစ်ကျစ်အော်မြည်နေတဲ့ ပုစဉ်းရင်ကွဲသံ ကြားနေရတယ်။ ပုစဉ်းရင်ကွဲသံက တစ်ချိန်လုံး ရင်ကွဲမတတ် အော်လို့။ ပြတင်းပေါက်က ဝင်လာတဲ့လေက စိမ့်ခနဲ။ ပြတင်းပေါက်ကို အသာဆွဲပိတ်လိုက်ပြီး ဘုရားရှိခိုး မေတ္တာပို့ ဆုတောင်း။ ခေါင်းအုံးနဲ့ခေါင်း မိတ်ဆက်ပြီးချိန်မှာ ဘယ်လောက်မှ မကြာသေး အိပ်မောကျသွားတော့တယ်။

*          *          *
            
 ဘဝမှာ တစ်ခါတလေ မထင်မှတ်ထားတဲ့ မိုးကြိုးတွေဟာ နွေခေါင်ခေါင် ခေါင်းပေါ်ပစ်ချလိုက်သလိုပါပဲ။ ကျွန်မ ခေါင်းတွေ သိသိသာသာ တဒိန်းဒိန်း ထိုးကိုက်လာတယ်။ မောဟိုက်တုန်ယင်နေတဲ့ ရင်အစုံကိုဖိရင်း ရေအေးအေး တစ်ဖန်ခွက်သောက်အပြီးမှာကို မောဟိုက်နေတုန်း။ လက်ထဲမှာ ကျစ်လိမ်နေအောင် ပါလာတဲ့ စာရွက်ခေါက်လေးကို ပြန်ဖြန့်ရင်း ဒုတိယအကြိမ် ပြန်ဖတ်မိတယ်။
            'မသိစိတ်တွေနဲ့ ခိုတွယ်ဖူးတဲ့ အမြစ်တစ်ခုကို အချစ်လို့သိရှိပြီးချိန်မှာ ကျွန်မ နောက်ဆုတ်ဖို့ ခက်သွားခဲ့ပြီ။ ကျွန်မက နွံထဲကကြာတစ်ပွင့်ကို လွန်စွာမှ မက်မောတွယ်တာနေမိပြီ…
ကျွန်မရဲ့ မလွယ်ကူလှသော ခံစားချက်တွေကို ကြမ်းတမ်းမှုနဲ့ အတူ ရစ်ပတ်ချုပ်နှောင်ထားရတာ ခက်ခဲလိုက်ပါဘိ…'
အလင်းရောင် ဖျော့ဖျော့အောက်မှာ ဆုံစည်းဖို့ ဖြစ်လာတော့ ကျွန်မ ငြင်းဆန်ဖို့ ခွန်အားတွေ ကိုယ်တိုင် ပျောက်ဆုံးခဲ့ပါပြီ။ ကျွန်မနှလုံးသားကို ကျွန်မကိုယ်တိုင် ဘယ်လိုအရာမျိုးနဲ့ ဆွဲနုတ်ထုတ်ပစ်ရမလဲ… မဖြစ်နိုင်ခဲ့ပြီ။
သူ့ရဲ့ ရင်ခွင်ထဲကို ကျွန်မကိုယ်တိုင် ကျေကျေနပ်နပ် သက်ဆင်းခဲ့တာပါဆိုရင် ဘယ်သူယုံကြမလဲ… ခင်မေလေ… အစ်ကိုကြီးကို သိပ်ချစ်တာပဲ… မခွဲချင်ပါဘူး အစ်ကိုကြီးရယ်…'
အို… ကျွန်မ နှလုံးသားတွေ တဒိတ်ဒိတ်မြန်လာပြန်တယ်။ ဝတ္ထုထဲက စာသားတွေလိုပါပဲလား။ ဒီထဲက အစ်ကိုကြီးဆိုတာ ပထွေးပေါ့။ ခင်မေ့မှာ အပြင်ချစ်သူ မရှိတာ သေချာလှတယ်။ မိုက်လိုက်တာ ခင်မေရယ်။ ဖျက်ရာတွေ ဗရပွဖြစ်နေပေမယ့် အရေးအသားတွေကလည်း တကယ့်ကို အံ့သြစရာ။ သူကြည့်နေကျ ရုပ်သံဇာတ်လမ်းတွဲတွေထဲက မင်သား၊ မင်းသမီးတွေ ပြောကြတဲ့ စကားတွေကို အတုယူပြီး ပေါင်းရေးထားပုံရတယ်။ ဒါဆို ခင်မေနဲ့ သူ့ပထွေးဟာ သဘောတူ ကြည်ဖြူစွာပေါ့။ ဘာကြောင့် ကျွန်မဆီကို ပုံစံတစ်မျိုးနဲ့ ရောက်လာခဲ့တာလဲ။ သူတို့နှစ်ယောက် တိတ်တိတ်လေး ဇာတ်လမ်းရှိနေတာကို ဘယ်သူမှ ရိပ်မိပုံ မပေါ်ဘူးလား။ အဲဒီနေ့ ငှက်ပျောပင်နားက ကိစ္စက သွေးရိုးသားရိုးမှ ဟုတ်ရဲ့လား။ ဒေါ်ကြီးနဲ့ ပက်ပင်းတိုးသွားလို့ အကွက်ဆင်လိုက်တာလား။
ကျွန်မ သူပြန်ယူလာတယ်ဆိုတဲ့အိတ်ကို ဖွင့်ကြည့်ဖို့ စဉ်းစားမိတယ်။ ဒီစာကို ညကရေးပြီး ခေါင်းအုံးအောက် ထားခဲ့တာ။ သူ့အခန်းကို ကျွန်မ မဝင်နိုင်ဘူး ထင်ခဲ့တာ။ ကျွန်မမှာ သော့တစ်ချောင်း အပိုရှိသလို၊ ဘယ်မှမသွားရင်၊ အိမ်မှာ ကျွန်မ မရှိရင် အခန်းတံခါး မပိတ်ခိုင်းဘူး။
အိတ်ထဲက ကြွတ်ကြွတ်အိတ်လေးနဲ့ တဘီအသစ် သုံးထည်၊ သနပ်ခါးဘူးခွံတချို့၊ အင်္ကျီ လက်ရှည် အနွေးထည်နှစ်ထည်၊ အနွေးထည်အင်္ကျီ ကြားက စာအုပ်လေးတစ်အုပ်။ အထဲမှာ မှတ်ထားတာက စာရင်းတချို့။ ဈေးသုံးစာရင်းတွေ ဖြစ်ပုံရတယ်။ ရက်စွဲတစ်ခုကိုတော့ သေသေချာချာ မှင်နဲ့ ဝိုင်းထားတယ်။ ခုနှစ်က တစ်ထောင့်ကိုးရာကိုးဆယ့်ကိုးခုနှစ်။ ဘာလဲတော့မသိ။ စာအုပ်တွေကြားက ထွက်ကျလာတဲ့ စာအုပ်တစ်အုပ်ကြောင့် ကျွန်မ မျက်လုံးတွေ မူးဝေပြာမိုက်သွားတယ်။
ကြည့်စမ်း ဒီစာအုပ်…။ ဒီစာအုပ်ကို သူ ဘယ်ကရတာလဲ။ ဒီလိုစာအုပ်မျိုးတွေဟာ ပေါက်လွှတ်ပဲစား အောက်တန်းကျကျစာတွေ။ ဒါတွေကို ခင်မေဖတ်ဖို့ ဟိုပထွေးက ပေးထားတာလား။ ခင်မေလို အရိုင်းမိန်းကလေးအတွက် ဆွဲဆောင်သိမ်းသွင်းနေတာလား။ ကြည့်စမ်း ဒီကလေးမ တော်တော့်ကို လက်လွန် ခြေလွန် ရှိထားပြီးပုံပဲ…။ သူ့မျက်နှာ မအီမလည်ဖြစ်နေတာကို ကျွန်မကတော့ စိတ်နာကျင်မှုတွေနဲ့ ဒဏ်ရာရနေတယ်လို့ ထင်ထားတာ။ ခုတော့ သူက စိတ်အတွေ့တွေထဲ မျောပါနေတာပေါ့။
ကျွန်မ စေတနာတွေတောင် အလကားဖြစ်သွားပြီ။ ခင်မေဟာ ဒီလိုဆိုရင် တစ်ချိန်ချိန်မှာ ကိုယ်ဝန်တွေဘာတွေတောင် ရှိလာနိုင်တယ်။ ကျွန်မ သူ့ကို စိတ်ချလက်ချ ထားသွားတဲ့ရက်တွေမှာ ခိုးမထွက်ဘူးလို့ မပြောနိုင်ဘူး။ ဒီကိစ္စမှာ တာဝန်အရှိဆုံးသူဖြစ်တဲ့ ဒေါ်ကြီးကိုလည်း ခေါ်မေးရမယ်။
ဒီနေ့ ဈေးလေးသွားပါရစေဆိုတဲ့ တောင်းဆိုမှုနဲ့ ကျွန်မ နားရက်လည်း ဖြစ်လို့ လွှတ်လိုက်တာ၊ ဘယ်တွေများ သွားနေပြီလဲ။ ရင်တွေပူလာတယ်။ ကျွန်မ ကယ်တင်သင့်တယ်ထင်လို့ ကယ်တင်လိုက်မိတဲ့ ခြေနှစ်ချောင်းဟာ…။ တွေးရင်းနဲ့ တကယ်ပဲ ဦးနှောက်တွေ ရှုပ်ထွေးလာသလို၊ စိတ်ထဲမှာ စပ်ဖျဉ်းဖျဉ်းခံစားမှုတွေ ဖြစ်လာတယ်။
ခင်မေ ပြန်လာတော့ သူ ဈေးထဲက  ဝယ်ခဲ့တဲ့ အတွင်းခံ အဝတ်အစား တချို့ကို ပြတယ်။ နောက် စနိုးတစ်ဘူး ပြတယ်။
ကျွန်မ သူ ထုတ်ပြနေတဲ့ ပစ္စည်းတွေအပေါ် လုံးဝ စိတ်ဝင်စားမှု မရှိတော့။
"ခင်မေ… ဟိုတစ်နေ့က အမေ့အိမ်သွားတာ ဒေါ်ကြီးပါလား…"
"ပါတယ် ဆရာမ…"
"ခင်မေ့ကို … ဆရာမ ဘာကြောင့် ခေါ်ထားတယ်ဆိုတာ… ခင်မေ သိတယ်နော်…"
"ဟုတ်"
"ဆရာမ ယုံကြည်လို့ရမှပဲ အလုပ်တစ်ခုကို ဆက်လုပ်ချင်တယ်… ခင်မေ ကိုယ့်ဟာကိုယ် စဉ်းစားပေါ့… ပြီးရင် ဆရာမကို ပြောစရာစကား ရှိလာလိမ့်မယ်လို့ ထင်တယ်…"
ခင်မေ မျက်ဝန်းတွေ ပိုပြီး ပြူးကျယ်ဝိုင်းစက်သွားသလို မျက်နှာတွေ ပျက်နေပြီ… သူများသိတာထက် ကိုယ့်ကိုယ်ကို သိဖို့က ပိုလိုအပ်တယ်…

*          *          *

 

"ကျွန်မ အံ့သြတယ် ဒေါ်ကြီး ခင်မေ့ကို ကူညီတယ်ဆိုတာ စေတနာ သန့်သန့်နဲ့ မိန်းကလေးတစ်ယောက် ပထွေးလက်မှာ ဒုက္ခမရောက်စေချင်လို့…. ခုတော့ ဒီအတိုင်းဆို ကျွန်မ ဆက်ထိန်းသိမ်းဖို့ဆိုတာ ဘယ်လိုမှ မဖြစ်နိုင်ဘူး… ခင်မေ့ဆီကလည်း အကုန်သိပြီးခဲ့ပြီ… ကျွန်မ ကျန်တဲ့ အကူအညီ တောင်းချင်သလောက်တောင်း ပေးနိုင်ပေမယ့်… ကျွန်မ အပေါ် လိမ်တာကိုတော့ လုံးဝမကြိုက်ဘူး… ဒါ မလိမ်သင့်တဲ့ ကိစ္စတစ်ခုပဲ… ဒေါ်ကြီးရော ဘယ်အတိုင်းအတာအထိ သိထားပြီးပြီလဲ… တကယ်ပဲ အမှန်ကို မသိခဲ့ဘူးလား… မဖြစ်နိုင်ဘူး ထင်တယ်နော်…"
"ဆရာမရယ် အားလုံးဟာ ဒေါ်ကြီးအပြစ်ပါပဲ… ဒေါ်ကြီးကို ကြိုက်သလိုသာ အပြစ်ပေးပါ.. ဒီကလေးမလေးဟာ သူ့အမေ ခင်ပုံ့ရဲ့သမီး မဟုတ်ပါဘူး… ဒေါ်ကြီး ဧရာဝတီမြစ်ဝကျွန်းပေါ်ဘက် ငါးခြောက်အရောင်းအဝယ် သွားလုပ်တုန်းက ခင်မေတို့ မိသားစုကို တွေ့ခဲ့တာ… သူ့အမေက ပြင်းထန်တဲ့ ရောဂါတစ်ခုနဲ့ ဆုံးသွားတယ်… ခင်မေနဲ့ ပထွေးပဲ ကျန်ခဲ့တာ… အဲဒီပထွေးက အမူးသမား နေ့ရှိသရွေ့ဆဲဆိုပြီး ခင်မေ့ကို ရိုက်နှက်နေတာ… ထမင်းလည်း နပ်မှန်အောင် မစားရနဲ့… ဒေါ်ကြီးနောက်လိုက်လာပြီး သူ လိုက်ခဲ့ပါရစေလို့ ငိုယိုပြောလို့ သနားတာနဲ့ မတတ်နိုင်ဘဲ ခေါ်ခဲ့ရတယ်…။
ခင်ပုံ့က ဒေါ်ကြီးတူမပါ… သူတို့မှာလည်း သားသမီးမရှိတော့ မွေးစားဖို့ ပေးလိုက်တယ်… အဲဒီတုန်းက ခင်မေက ခပ်ငယ်ငယ်ရယ် အရွယ်လေးရလာတော့ စိတ်ဓာတ်က သူ့အမေလိုပဲ… ခင်ပုံ့ယောက်ျားနဲ့ မရိုးမသား ရှိလာတာကို ဒေါ်ကြီးရော ခင်ပုံ့ရော သိလာတယ်… ဘယ်လိုလုပ်ရမလဲဆိုတာ မစဉ်းစားတတ်အောင်ဘဲ… ခင်ပုံ့က သူ့ယောက်ျားကို သိပ်ချစ်တယ်… နေ့တိုင်း မျက်ရည်နဲ့ မျက်ခွက်…။
ငှက်ပျောပင်တွေဘက်မှာ သူတို့တွေ့ကြတာကို ဒေါ်ကြီးနဲ့ မိသွားတယ်… ခင်ပုံ့ယောက်ျားဆီက ခင်မေနဲ့ ဘယ်တော့မှ မပတ်သက်တော့ပါဘူးဆိုတဲ့ ကတိတောင်းထားတယ်… ခင်မေကိုတော့ ဒီအိမ်မှာ ဘယ်လိုမှ ဆက်ထားလို့ မဖြစ်တော့ဘူး… ဒေါ်ကြီးလည်း ခင်မေ့ကို စိတ်တိုတိုနဲ့ ရိုက်နှက်ခဲ့တယ်… ခင်ပုံ့ယောက်ျားက ဒေါ်ကြီးကို ကြောက်တယ်… ကန်တော့ပြီး တောင်းပန်တယ်… ခင်မေ့ကိစ္စကို ဒေါ်ကြီး ခေါင်းခဲရတယ်… ဒီလိုအဖြစ်သာ ခင်ပုံ့သိလို့ကတော့ လူသတ်မှုဖြစ်ပြီး မဖြစ်သင့်တာတွေ ဖြစ်ကုန်မယ်… ဒါကြောင့် ဒေါ်ကြီးကပဲ အားလုံးကိုစီစဉ်ပြီး ဆရာမဆီ ရောက်လာတာပါ… ဒေါ်ကြီး အပြစ်ပါ ဆရာမရယ်"
ကျွန်မ မျက်လုံးတွေကို မှိတ်လိုက်ပြီး သက်ပြင်းကို အရှည်ကြီးချလိုက်မိတယ်။ တတ်လည်းတတ်နိုင်ကြပါပေမယ်။ အမှိုက်ပုံကို ကျွန်မ ခေါင်းပေါ်လာတင်ရတယ်လို့။ ခင်မေ့ကို လာပို့စဉ်က ပုံရိပ်ကို ပြန်မြင်ရောင်မိတယ်။ ခင်မေ့ မျက်နှာက ဒဏ်ရာတွေဟာ ဒေါ်ကြီးလက်ချက်ပေါ့။ အင်္ကျီတွေ ဖြဲထားပြီး မလုံ့တလုံ့ ပုံစံတွေကို ဖန်တီးလာတဲ့ ဒေါ်ကြီးရဲ့ ဥာဏ်ရည်ကို အံ့သြမိတယ်။ ဒါပေမဲ့ ခင်မေ့ရင်ထဲက ဖြစ်နေတဲ့ အချစ်စိတ်တွေကိုတော့ ကြာရှည်ဖုံးထားနိုင်ခဲ့လို့လား။ ကျွန်မမှာတော့ ကိုယ်ချင်းစာနာစိတ်တွေနဲ့ အသနားပိုနေမိတဲ့အဖြစ်။ ကျွန်မအတွက် ဝန်ပိစေမယ့် ခြေနှစ်ချောင်းကို ကိုယ့်တူမဆိုတဲ့ အတ္တနဲ့ မလုပ်သင့်တာကို လုပ်ခဲ့တယ်။
"ဒေါ်ကြီး"
"ပြောပါ ဆရာမ… ဒေါ်ကြီး နားထောင်ပါ့မယ်"
"ခင်မေဟာ အခုအတိုင်း နေမယ်ထင်သလား… ကျွန်မဆီမှာ နေပေမယ့် စိတ်တွေက ဖြစ်ချင်ရာဖြစ်နေတာ… ဒီတော့ ခင်မေ့ကိစ္စ ဒေါ်ကြီးကိစ္စပဲ… ညနေ အိမ်ကို လာခေါ်လှည့်ပါ… ကျွန်မက အဖြစ်မှန်ကို ဖွင့်ပြောပြီး အကူအညီ တောင်းရင်တောင် ပေးနိုင်ပေမယ့် ခုလို စည်းဝါးရိုက် လိမ်ပြီး ကျွန်မခေါင်းပေါ် အမှိုက်ပုံတင်လိုက်တဲ့ အဖြစ်မျိုးကို လုံးဝ လက်မခံနိုင်ပါဘူး… ကျွန်မ ထားခဲ့တဲ့ စေတနာတွေ အလကား ဖြစ်စေတယ်…။
ဒေါ်ကြီး ခင်မေနဲ့ သင့်တော်တဲ့ အမျိုးသားတစ်ယောက်တွေ့အောင်ရှာပြီး အိမ်ထောင်ချပေးလိုက်ပါ… ကျွန်မ သိသလောက် သူ့ပထွေး… အင်း… ပထွေးပဲ ထားပါတော့… သူကိုယ်တိုင် သဘောကျ တိမ်းညွတ်နေတယ်… ဒါကြောင့် ကြာရှည်ဆိုရင် ဘယ်လိုမှ မကောင်းနိုင်ဘူး"
"ဟုတ်ပါတယ် ဆရာမရယ်… ဒီကလေးကို ဒေါ်ကြီး သနားလိုမိတာ ဒေါ်ကြီးပဲ ဒုက္ခလှလှ ရောက်ရတော့တယ်… သူ့ကို ချော့တစ်လှည့် ကြမ်းတစ်လှည့် ပြောတာကို မရခဲ့ဘူး… သူ့အမေဟာ ခန္ဓာကိုယ်နဲ့ လုပ်စားခဲ့တယ်… ငယ်စဉ်ကတည်းက ယောက်ျားတွေရင်ခွင်ကြားမှာပဲ သူ့အမေကို အမြဲတွေ့နေရတယ်… အဲဒီမှာနေလည်း ပထွေးနဲ့ ငြိသွားမှာ စိုးရိမ်ပြီး သနားစိတ်တွေက ခုတော့ ကိုယ့်အတွက်ပဲ ဒုက္ခရောက်ရတယ်… ခုကိစ္စအတွက် ဆရာမကို ဒေါ်ကြီး အများကြီး တောင်းပန်ပါတယ်… ဒေါ်ကြီး ရှိခိုးတောင်းပန်ပါတယ်"
ကိုယ့်ထက် အသက်များစွာကြီးတဲ့ ဒေါ်ကြီးဟာ လက်အုပ်ချီပြီး ကြမ်းပေါ်ထိုင်လိုက်တယ်။
"အို… ဒီလိုတော့ မလုပ်ပါနဲ့… ကျွန်မ ငရဲရနေပါဦးမယ်… ဒေါ်ကြီး ညနေ သူ့ကို လာခေါ်လှည့်ပါ"
"ဟုတ်ကဲ့… ဒေါ်ကြီး ဆက်ဆက်လာခေါ်ပါ့မယ်… ဒေါ်ကြီးကို ခွင့်လွှတ်ပါနော်"
ဒေါ်ကြီး ပြန်သွားပြီး လူနာလည်း ရှင်းချိန်မို့ တစ်ယောက်တည်း စိတ်ရှိလက်ရှိ ထိုင်တွေးနေလိုက်တယ်။ ရင်မောရပါလားနော်။

*          *          *

ခင်မေလည်း ကျွန်မ သိသွားတာကို ရိပ်မိနေပြီမို့ အထုပ်တွေကို ပြင်ဆင်နေပြီ။ ဒီတော့လည်း ကျွန်မနဲ့ ဒေါ်ကြီး ပြောသမျှ ကိစ္စအတွက် ပြောဖြစ်သွားတယ်။ မျက်ရည်နှစ်စက်လောက်ကျပြီး ဘာစကားမှ ထွက်မလာတဲ့ ခင်မေကိုကြည့်ရင်း ကျွန်မ စိတ်ညစ်မိတယ်။
"ကဲ… ခင်မေ ဒေါ်ကြီးနဲ့ လိမ်လိမ်မာမာနေပါ… ခင်မေ့အသက်က ငယ်သေးတယ်… ကိုယ့်ဘဝအတွက် ရပ်တည်နိုင်အောင် ကြိုးစားပြင်ဆင်ပါ… သေသေချာချာ မှာချင်တာက ခင်မေ့ဘဝ လူတစ်လုံး သူတစ်လုံး ဖြစ်အောင် ကြိုးစားပါ… ကောင်းပြီး သင့်တင့်တဲ့ လက်တွဲဖော်ကိုပဲ ခင်မေ စဉ်းစားရမယ်… သူများပစ္စည်းဟာ ကိုယ်မပိုင်ဘူး… ငရဲလည်း ကြီးတတ်တယ်… မင်းကို ကျွေးမွေးခဲ့တဲ့ ထမင်းရှင်တွေအပေါ်မှာ လုပ်ရက်ရင် ကံကြီးထိုက်တတ်တယ်… ကိုယ့်ဘဝဟာလည်း ဘယ်တော့မှ လှပလာမှာ မဟုတ်ဘူး… နောက်ထပ် ဘာအသံမှ မကြားချင်ဘူး"
ခေါင်းညိတ်ရုံကလွဲပြီး ခင်မေ့ဆီက ဘာအသံမှ မကြားခဲ့ရပါ။
အဲဒီနေ့က အထုပ်အပိုးတွေနဲ့ ဒေါ်ကြီး လာခေါ်သွားတယ်…။
ဒေါ်ကြီးနဲ့ ခင်မေရဲ့ အနာဂတ်ကို ကျွန်မ ခေါင်းထဲက ထုတ်နိုင်သလောက်ထုတ်ပြီး မေ့ထားလိုက်တော့တယ်။ နောက်နှစ်လကျော်လောက်အတွင်းမှာ ကျွန်မဆီကို မင်္ဂလာဖိတ်စာလေးတစ်စောင် ရောက်ရှိလာတယ်။
ခင်မေရဲ့ မင်္ဂလာဖိတ်စာပေါ့။ ဒါကလည်း ဒေါ်ကြီးရဲ့ စီမံချက်ဖြစ်ပုံရတယ်။ ဘယ်လိုပဲဖြစ်ဖြစ် ဝမ်းသာစရာကိစ္စ တစ်ခုပါပဲ။ ကျွန်မ အလုပ်လည်းများ၊ ခရီးလည်း သွားရမှာမို့ ခင်မေ့ မင်္ဂလာဆောင်ကို ဆရာမတွေနဲ့ လက်ဖွဲ့သာ ပို့နိုင်ပြီး မသွားဖြစ်ခဲ့ပါ။
ခင်မေ့ မင်္ဂလာဆောင်မှာတော့ သတို့သမီးရဲ့ မိဘများအဖြစ်… ကိုကျော်ဇောနဲ့ မခင်ပုံ့တို့က မိဘဝတ္တရားရှိသလို စကားပြော ဆုံးမသွန်သင်၊ ကန်တော့ပွဲအပ်၊ နှစ်ဖက်မိဘတွေ ကန်တော့တာတွေ လုပ်ကြသတဲ့။ ခင်မေက သူ့မိဘများကို ကန်တော့တော့ မျက်ရည်ကျတယ်တဲ့။ ကိုကျော်ဇောနဲ့ မခင်ပုံ့ကလည်း မျက်ရည်တွေ လည်နေကြသတဲ့။ တချို့ကတော့ သတို့သားလေးကို ရိုးသားရန်ကော အ,ရန်ကောဆိုပြီး အားမရဖြစ်ကြသတဲ့။
မင်္ဂလာဆောင်ကနေ သယ်လာတဲ့ စကားတွေကို ကြားရတော့ သူတို့မမြင်အောင်ဘဲ ကျွန်မ ပြုံးလိုက်မိပါတော့တယ်။ ဘယ်လိုပဲဖြစ်ဖြစ် ကျွန်မ အကြံပေးသလို ဖြစ်မြောက်သွားတယ်။
သိပ်မကြာသေးခင်မှာ ခင်မေတို့ကို မိသားစုလိုက် တွေ့လိုက်ရတယ်။ ပြုံးပြုံးရွှင်ရွှင်ပါပဲ။
ပတ်ဝန်းကျင်ရဲ့ စကားတွေကို နားထဲမသွင်းချင်တော့ဘဲ သူတို့ဟာ မိသားစုဆို မိသားစုပဲပေါ့။ ဘယ်သူ့သား၊ ဘယ်ဝါ့သားတွေက ကျွန်မနဲ့ ဆိုင်တာမှ မဟုတ်တာ။ ရေးကြီးခွင်ကျယ်လုပ်ပြီး ပြောနေစရာလည်း မဟုတ်တော့။ ဒါပေမဲ့ ပတ်ဝန်းကျင်ဆိုတာ သိကြတဲ့အတိုင်း…။
ပထမတော့ ခင်မေ့ မင်္ဂလာဆောင်သတင်းကနေ ကလေးမွေးတဲ့အထိ ဟိုးလေးတကျော်ကျော်ဖြစ်လို့။ နောက်တော့ ပြောတဲ့သူတွေ မောသွားအောင် ခင်မေ အမြွှာ မိန်းကလေး မွေးလိုက်ပြန်တယ်။ ပထမက ယောက်ျားလေး။
ခင်မေ့ အမျိုးသားက ရှာနိုင်ဖွေနိုင်လို့ တော်ပါသေးရဲ့။
တစ်နေ့ ခင်မေနဲ့ သူ့သား ကျွန်မဆီ ရောက်လာတယ်။ အဆင်ပြေပုံရတဲ့ ခင်မေ့ကို တွေ့ရတာ ဝမ်းသာစရာပဲ။
ကျွန်မကို ကန်တော့သွားသလို၊ အပြန်မှာ အမေတို့ဆီ သွားကန်တော့လိုက်ဦးမယ် ပြောသွားတယ်။
ခင်မေက သူ့သားလေးရှေ့ ရောက်သွားချိန်မှာ ထပ်ပြီးပြောလိုက်တဲ့ စကားကြောင့် ကျွန်မ အံ့သြပြီး ပြုံးလည်းပြုံးမိသွားတယ်။
"ဆရာမရေ… သားအဖေကို သွားကန်တော့လိုက်ဦးမယ်… ခင်မေနဲ့ သားရဲ့ အဖေလေ…"
မုသားမပါ လင်္ကာမချော ဆိုတဲ့ စကားအတိုင်း ခင်မေ့ မုသား ဘာကိုမှ မထိခိုက်စေဘူးဆိုရင် ပြီးတာပါပဲလေ။
ခင်မေက တံခါးနားရောက်မှ သူ့သားကို ကောက်ချီရင်း ထွက်သွားတယ်။ ကျွန်မက ခင်မေ့ပုံရိပ် ပျောက်ကွယ်သွားသည်အထိ လိုက်ကြည့်နေမိတယ်။ ပါးစပ်ကလည်း ယောင်ပြီးထွက်သွားမိတယ် 'ဗိုင်းတာမ'…။


ချောအိမာန် (မန္တလေး)

ချောအိမာန် ပြီးတော့ ငွေဇင်ယော်ဦး

ငွေဇင်ယော်ဦး ပြီးတော့ ချောအိမာန် ---- စာအုပ်မှ


2 comments:

Junemoe said...

ဒီစာဖတ်ပြီး မုသားကို တွင်တွင်ကျယ်ကျယ် သုံးနေတဲ့သူတွေဟာ ဘယ်လိုအခြေအနေမျိုးမှာပဲမဆို သုံးတတ်ကြဖို့ ဝန်မလေးဘူးဆိုတာ...။
အဆုံးထိ ဆွဲခေါ်သွားတဲ့ ဝတ္ထုလေးပါပဲ ဆရာမ။

myotthakoyin said...

cem(mdy) is not an 'icon', but a quality writer whose works are of values, substances and ideas.