Sunday, October 28, 2012

ယောက်ျားသား


 

(၁)

          မိတ်ဆွေတစ်ယောက်ရဲ့ ညစာစားပွဲတစ်ခုကို နောက်ကျပြီး ရောက်လာတာကိုက ကျွန်မ ကံဆိုးသွားခဲ့ပြီ။ ဝိုင်းတိုင်းမှာလည်း လူကအပြည့်ဖြစ်နေတာမို့ လွတ်တဲ့ဝိုင်းကို ဦးဆောင်ခေါ်လာသူကလည်း ကျွန်မ မိတ်ဆွေပါပဲ။ အဲဒီဝိုင်းထဲမှာလည်း မိန်းမတချို့ ရှိနေတာမို့ ခေါ်လာခဲ့တယ်။ ဒါပေမဲ့ အဲဒီဝိုင်းမှာပဲ ကိုယ် မမြင်ချင်ဆုံး မျက်နှာတစ်ခုကို တွေ့လိုက်ရချိန်မှာ ကိုယ်ခန္ဓာတစ်ခုလုံး စပ်ဖျင်းဖျင်း ဖြစ်နေခဲ့တယ်။ ဘယ်လိုမှ မတတ်နိုင်လို့ ထိုင်လိုက်ရပေမယ့် သက်သောင့်သက်သာ မရှိလှ။ ဘာမှလဲ စားချင်စိတ်ကို မရှိတော့တာ။ အရေးထဲ ဝိုင်းထဲက ကျွန်မ မိတ်ဆွေတစ်ယောက်က တစ်ဝိုင်းလုံးနဲ့ မိတ်ဆက်ပေးနေသေးတယ်။
          ဒါက ဦးမင်းနိုင်ဦး လို့ ကြားလိုက်တာနဲ့ မျက်နှာကို မသိမသာ လွှဲနေလိုက်တယ်။ ဒါကိုလည်း အဲဒီလူ သိမှာပါ။ သူ့မျက်နှာကလည်း သိသိသာသာ ပျက်ယွင်းသွားတယ်။ ကျွန်မက စိတ်ထဲ မြန်မြန် ပြန်ချင်နေပြီ။ ဟန်ကိုယ့်ဖို့အတွက် မျက်နှာပြောင်လှတဲ့ ထိုလူကတော့ တစ်ဝိုင်းလုံးကို သူကပဲ လေဖောင်ဖောင် စကားတွေနဲ့ ဦးဆောင်ထားတယ်။ စကားစကား ပြောပါများ စကားထဲက ဇာတိပြဆိုသလိုပဲ ဒီလူ ဘယ်လောက်ပဲ အရေခြုံစကားတွေ ပြောနေပေမယ့် အထင်ကြီးစိတ်လည်း မရှိတော့။ တစ်ဖက်လူတွေက သူ့ရဲ့စကားတွေထဲက အားနည်းချက်၊ ပျော့ကွက်တွေကို ရှာတွေ့သွားတာ မသိဘူး ထင်ပါရဲ့။
          စကားက ပြောတိုင်းကောင်းတာမှ မဟုတ်တာ။ ရှေးတုန်းက ကထိကဆရာတော် တစ်ပါးက ဆယ်ခွန်းပြောရမယ့် စကား တစ်ခွန်းပဲ ပြောပါကို မှတ်မိရလွယ်အောင် ၁ဝဝ ပုံ ၉၉ ပုံ၊ ၁ဝ ပုံ ၁ ပုံ ဆိုပြီး မှတ်သားစေခဲ့တယ်။ ခု ဒီလူပြောတော့ ၁ဝပုံ ၁ အစား ၁ဝ ပုံ ၃ဝ၊ ၁ဝ ပုံ ၅ဝ လောက် ပြောနေတော့ ပိုလို့ စိတ်ပျက်စရာ၊ ကျွန်မနဲ့ မျက်စောင်းထိုး အနေအထားပေမယ့် မျက်လုံးချင်းဆုံအောင် တစ်ချက် မကြည့်။ ပြောရင်း ပြောရင်း နှုတ်ခမ်းထောင့်မှ တံတွေးတွေ စုလာတာကို မြင်ရတာ အဆိုးဆုံးပဲ။ ဒီလူနဲ့ ဘာကြောင့်များ လာဆုံရတာလဲလို့ တွေးမိတယ်။ လွန်ခဲ့တဲ့ နှစ်နှစ်ကျော် ကာလဆိုတာ ဘာရှိသေးလို့တုန်း။ သူ့အသံကို မကြားချင်တာနဲ့ ဝိုင်းကနေ အစောဆုံး ထပြန်လိုက်တယ်။
          အဲဒီလူအကြောင်းကို တူမလေးဆီက ကြားဖူးတာ ကြာခဲ့ပြီ။ တူမလေးတို့နဲ့ ပုဂံဘုရားဖူးမှာ ကားပေါ် ဆုံလာကြတာ။ ပုဂံဟိုတယ်တည်းတော့လည်း အတူတူဖြစ်ခဲ့ပြီး ခင်မင်ကြရင်း ခရီးစဉ်တွေမှာ အတူဖြစ်ခဲ့တယ်။ ပုဂံဘုရားသမိုင်းတွေ မွတ်မွတ်ကြေ ရှင်းပြနိုင်လို့ ဂိုက်ခေါ်စရာ မလိုဘဲ သူကပဲ ဦးဆောင်ပြီး စွယ်တော်လေးဆူကိုလည်း လိုက်ပို့တယ်။ ဈေးချိုထဲမှာ ကုန်စုံဆိုင် အကြီးကြီး ဖွင့်ပြီး အိမ်မှာလည်း စတိုင်းဆိုင် ဖွင့်ထားသူ။ တူမလေးတို့ အဖွဲ့ကလည်း သူ့ကို ဆရာတင်ပြီး အထင်ကြီး လေးစားစိတ်ဝင်ပြီး ဂုဏ်ယူခဲ့တယ်။ ပရဟိတ လုပ်ငန်းတွေမှာလည်း တူမလေးတို့အဖွဲ့နဲ့ အားတက်သရော လုပ်ဆောင်ရတာအမော။
          တူမလေးတို့ မပြောနဲ့ ကျွန်မတောင် အစက ကြားခါစက ယုံကြည်မိပြီး ချီးကျူးမိသေးတာပဲ။ တူမလေးတို့ အုပ်စုနဲ့ ပေါင်းမိပြီး ပရဟိတပွဲပေါင်း များစွာတွေမှာတောင် သူက ပါဝင်ပြီး ကမကထတွေတောင် လုပ်ပေးခဲ့သေးတယ်။ လူတစ်ယောက်ရဲ့ အကြောင်းထက် လူတစ်ယောက်ရဲ့ လက်ရှိလုပ်ရပ်ကိုပဲ ပိုစိတ်ဝင်စားတာမို့ ကျွန်မလည်း သူ့အရင်အကြောင်းတွေကို သိပ်မစပ်စုဖြစ်ပါဘူး။ တူမလေးပြောပုံအရ အလုပ်တစ်ခုအပေါ်မှာ အင်မတန် တက်ကြွမှုနဲ့ စိတ်ပါလက်ပါ လှုပ်ရှားတဲ့သူပေါ့။ ကျွန်မဆီကိုတောင် ခေါ်လာပြီး မိတ်ဆက်ပေးမလို့တဲ့။ ကျွန်မက တော်ပါပြီ ခေါ်မလာခဲ့ပါနဲ့။ မိတ်မဆက်ချင်ပါဘူးလို့ ကာရံထားမိတာ မှန်သွားတယ်။ တော်ရုံနဲ့ ခင်မင်ချင်စိတ်လည်း မရှိ၊ ဒါကြောင့် ကျွန်မမှာ ဘော်ဒါအပေါင်းအသင်း နည်းတယ်။ အိမ်ထဲနေတာ များတော့ ဘယ်မှလဲ မသွားဖြစ်၊ ခင်မင်ရင်းစွဲ မဟုတ်ဘဲနဲ့ အသစ်ခင်မင်ရမှာဆို ပိုလို့တောင် ဝန်လေးသေးတယ်။ အဖေရော၊ အမေရော မရှိတော့တဲ့ တူမလေးအပေါ် စောင့်ရှောက်ပြီး အပျိုကြီးဘဝနဲ့ ဇောက်ချပြီး နှစ်တွေ သက်တမ်းတိုးခဲ့တာ ကြာလှပါပြီ။
          မစွံနိုင်တဲ့ ကျွန်မကို အပေါင်းအသင်းတချို့က ပေါင်းကူးတံတား လုပ်ချင်ကြတယ်။ ဒီလိုကြီး နေမသွားပါနဲ့ဟယ်ကပါသေး၊ ကိုယ့်ဟာကိုယ် နေတာပဲ ဘာဖြစ်သေးလဲ၊ ဘာမှ စိတ်ပူစရာမှ မရှိတာ။ အားကိုရှာတယ်၊ ရှာတယ်နဲ့ ပြောတော့သာ လွယ်တာ၊ မိန်းမသားတွေကို ယောက်ျားတွေက ပြန်အားကိုးနေတာ တစ်ပုံကြီး။ ဘဝလုံခြုံမှုရှာတယ်လို့ တချို့က ပြောကြတယ်။ ကိုယ်ကတော့ လုံခြုံချင်လို့ပဲ၊ ယောက်ျားသားတွေကတော့ လုံခြုံတဲ့ မိသားစုအိမ်ထဲကနေ ခြေတစ်လှမ်းမက ခြေစုံလိုက်ထွက်နေကြသူတွေ အပုံကြီး။ စကားလှလှနဲ့ ဆေးပေးမီးယူတဲ့ ကိုယ်ကသာ ဆေးပေးလိုက်ရတာသာ ရှိပြီး မိန်းမတွေဘဝ မီးလိုပူတဲ့ အထုပ်ကြီး ပိုက်ထားရတာတွေရော မရှိလို့လား။
          တူမလေက ခု အရွယ်လေး ရလာတော့ အမေ့ကိုယ်စား ပြောပြရတယ်။ လူငယ်တွေဆိုတော့ ကိုယ့်အပေါ် ကောင်းရင် နှစ်သက်သဘောကျတတ်ကြတာပဲလေ။ ကျွန်မ တူမလေးက လိမ္မာပါတယ်။ ဥပဒေ ပထမနှစ် ကျောင်းသူလေး။ ဖြူဖြူနုနု ဖွေးဥနေတဲ့သူ့ကို မွေးကတည်းက ကျွန်မက 'ဖွေးနုဖြူ' လို့ နာမည်ပေးခဲ့တာ။ ဒီကလေးလေးကို ကျွန်မ အစ်မက ခဲရာခဲဆစ် ရလာခဲ့တာ။ အိမ်ထောင်ရေးကံ မကောင်းခဲ့တဲ့ ကျွန်မ အစ်မဟာ သောကတွေကြားထဲက ဒီကလေးကို ရခဲ့တယ်။ အကြင်နာခေါင်းပါးတဲ့ ယောက်ျားသားတစ်ယောက် မေတ္တာစိတ်မရှိတဲ့ ဖခင်တစ်ယောက် ရိုင်းစိုင်းတဲ့ ပင်ကိုယ်စိတ်တွေ ဖုံးပြီး လိမ္မာယဉ်ကျေးချင်ယောင်ဆောင် ပျားရည်သကာလောင်းပြီး ကျွန်မ အစ်မကို အပိုင်ကြံခဲ့တယ်။
          အဲဒီအချိန်တုန်းက မိဘလက်ထက်က အမွေရထားတဲ့ အိမ်ကြီးရယ်၊ မိဘလက်ထက် လုပ်ငန်းတွေရယ်က အဲဒီလူရဲ့စိတ်ကို မက်မောစေခဲ့တယ်။ အစ်မက သူ့ကို ယူမယ်လို့ မဆုံးဖြတ်ရသေးပါဘူး။ အမေ့ကို ခေါ်တိုင်ပင်တုန်း ရှိသေးတယ်။ အဖေ့ကို ပတ်ဝန်းကျင် အကြောင်းတွေကြောင် သိသွားတယ်။ အဖေ့နားထဲရောက်အောင် သွေးထိုးပေးသူတွေက အဲဒီလူရဲ့ ဘက်တော်သားတွေ။ ဘွဲ့ရဖြစ်ကြောင်း အလုပ်အကိုင်လေးလည်း မဆိုးကြောင်း၊ နိုင်ငံခြားကလည်း ပြန်လာတာ မကြာသေးကြောင်းနဲ့ လိမ္မာရေးခြား ရှိကြောင်း၊ မောင်နှမနည်းကြောင်းတွေ လာပြောနေတာ ကျွန်မတောင် နားညည်းတယ်။
          အဖေကလည်း ဒါမျိုးဆို သိပ်ကြိုက်။ အိမ်က သမီးတွေကို ဟင်းရွက်၊ ကန်စွန်းရွက်လို ယောက်ျားပေးစားချင်တဲ့ အချိန်လေ။ ဘေးလူပြောတဲ့ စကားတွေကို အဟုတ်ထင်လာတယ်။ သမီးအကြီးကို လင်ပေးစားမယ် ဖြစ်ပါလေရော။ တစ်အိမ်လုံးမှာ အဖေက အဓိကဖြစ်ကြောင်း သိတဲ့ အဲဒီလူက အဖေ့ဆီကို တိုက်ရိုက်ဝင်၊ အဖေက ခေါ်တွေ့ပြီး နောက်ဆုံးတော့ သူနဲ့သဘောတူတယ် ဖြစ်ရော။ ဟိုဘက်ကတောင် ဘာမှမကြိုးစားရဘဲ ဇွတ်သဘောတူနေတဲ့ အဖေ့ကြောင့် စိတ်ပျက်ရတယ်။ နောက်ဆုံး အဖေကြောင့် မြန်မြန်ဆန်ဆန်ပါပဲ ညားဖို့ရာ ဖြစ်လာတော့တယ်။ အမေကတော့ အရင်ကတည်းက သဘောမကျခဲ့ဘူး။
          အဖေက စကားကို ထိန်းထိန်းသိမ်းသိမ်း မပြောရာကနေ အဲဒီလူက ပိုပြီး မက်သထက် မက်မောလာတယ်။ ဒီတိုက်၊ ဒီခြံ၊ ဒီလုပ်ငန်းတွေကို ခွဲပေးမှာလို့ အဖေ့ပါးစပ်က ထွက်လိုက်တာနဲ့ အဲဒီလူက မျှော်လင့်ချက်တွေ ပိုကြီးမားလာတယ်။ အဲဒီမျှော်လင့်ချက်တွေနဲ့ ဘယ်တော့ ပိုင်ဆိုင်ရမလဲလို့ တွက်ဆခဲ့တဲ့ သူ့ရဲ့ စရိုက်ဆိုးတွေက တဖြည်းဖြည်း ပေါ်လာခဲ့တယ်။
          အဲဒီလို မပေါ်ခဲ့ခင် သတို့သမီးတစ်ယောက်ရဲ့ မင်္ဂလာဦးည ဇာတ်လမ်းဟာ ခမ်းနားလှပခဲ့ပါရဲ့လားလို့ ပြန်စဉ်းစားမိတယ်။ မေတ္တာစစ်မရှိဘဲ ကျွန်မ အစ်မနားကို အပိုင်ဝင်ရောက်လာတဲ့ အဲဒီလူဟာ မင်္ဂလာကိစ္စစစီစဉ်ကတည်းက သူနဲ့မဆိုင်သလိုဘဲ။ မနက်ဖြန် မင်္ဂလာဆောင်ဆို ဒီကနေ့ထိ ဘာပြင်ဆင်မှုမှ မရှိခဲ့တဲ့သူ။ အစ်မ မင်္ဂလာဆောင်ဟာ အကျဉ်းရုံးသလိုမျိုး ဘုန်းကြီးကျောင်းသေးသေးလေးမှာ ပွဲပြီးလိုက်ရတယ်။ ကျွေးဖို့ ဒံပေါက်တစ်မျိုးတည်းကိုပဲ သူတို့ကို တာဝန်ယူခိုင်းလိုက်ပြီး ကျန်တာတွေကို ကျွန်မတို့ဘက်က မျက်နှာမငယ်အောင် စီစဉ်ခဲ့ရတယ်။
          မင်္ဂလာဦးညအဖြစ် သူတို့သီးသန့်ခွဲနေတဲ့ အိမ်လေးဆီ မသွားခင် အဲဒီလူ ပျောက်နေလို့ သူ့အိမ်လိုက်မေးတော့ သူ့ကိုတွေ့ချင်ရင် အရက်ဆိုင်လိုက်သွားလို့ အဖြေပေးတဲ့ သူတို့မိသားစုကို အံ့သြလွန်းလို့ ပါးစပ်တောင် ဟသွားတယ်။ မတတ်နိုင်၊ အရက်ဆိုင်ကို ကျွန်မကိုယ်တိုင် ကားနဲ့လိုက်ပို့တော့ အင်္ကျီတောင် မလဲနိုင်ဘဲ ယမကာဝိုင်းမှာ မူးနေတဲ့ အဲဒီလူကို တွေ့တော့ အစ်မ မျက်ရည်ဝဲသွားတယ်။ အစ်မကို စိတ်မချပေမယ့် သူ့ယောက်ျားဖြစ်သွားတဲ့ အဲဒီလူနား ထိုင်ခုံနေရာ ချပေးခဲ့ရတယ်။ ချက်ချင်းမထဘဲ မပြန်သေးဘဲ အစ်မက သူ့ဘေးနားထိုင်ပြီး မျက်နှာငယ်နဲ့ နေခဲ့ရတယ်။ ဘယ်အချိန်ကျမှ ပြန်မလဲ မသိ။ ကျွန်မ လိုက်ပို့တော့ ဆယ်နာရီ။ ဘယ်လိုဆိုင်ကယ်နဲ့ ပြန်မလဲ။ ကြည့်ရတာ အရက်ဂျိုးကြီးများလားလို့တောင် တွေးမိတယ်။ မျက်နှာငယ်လေးနဲ့ ခေါင်းညိတ်ပြီး ပြန်ခိုင်းနေတဲ့ အစ်မကို အရက်ဆိုင်မှာ ထားခဲ့ပြီး ပြန်ခဲ့ရတာ စိတ်မကောင်း။ အမေများသိရင်တော့ ရင်ကျိုးမှာ။ ဒီအချိန်မှာ ဆိုင်ပဲဆိုင်ပေမယ့် မပိုင်တော့။ အဲဒီအချိန်ကတည်းက စလို့ အစ်မ ကံဆိုးသွားပြီလားလို့ တွေးမိတဲ့ အတွေးကို ချက်ချင်းပျောက်အောင် ဖျောက်လိုက်ရတယ်။
          သူတို့နှစ်ယောက် ကိုယ်ပိုင်အိမ်လေးကို ကျွန်မ သုံးခေါက်လောက်သာ ရောက်ဖူးခဲ့တယ်။ တိုက်မြင့်မြင့်ကနေ ပျဉ်ထောင်အိမ်လေးဆီ ရောက်သွားတာကို စိတ်မကောင်း။ ဒါပေမဲ့ မေတ္တာစစ်နဲ့ ချစ်ခင်ကြတဲ့ ဇနီးမောင်နှံတွေဆိုရင်တော့ ဘယ်လိုနေရာမျိုးဖြစ်ဖြစ် နိဗ္ဗာန်ဘုံဖြစ်မှာပါလို့ တွေးမိသေးတယ်။ ခြင်မြောက်မြားစွာနဲ့ မီးက မရတစ်လှည့်၊ ရတစ်လှည့်၊ သူများသားသမီးကို ယူပြီး တင့်တောင်းတင့်တယ် မထားနိုင်တဲ့ အဲဒီလူကို လုံးဝ အထင်မကြီးမိ။ အလုပ်ကလည်း တောင်လိုလို၊ မြောက်လိုလို။ သူ့လခ မဖြစ်ညစ်ကျယ်ကို အစ်မ သုံးစွဲရဖို့ နေနေသာသာ အရက်ဖိုးတောင် လောက်ခဲ့မှာ မဟုတ်။
          အပျင်းကြီးတဲ့ ယောက်ျားသားတစ်ယောက်ရဲ့ အချိန်ကာလ ကြာမြင့်ပေမယ့် တိုးတက်မှုက အနှုတ်လက္ခဏာ ပြပြီးရင်း ပြရင်း အမေက အစ်မကို ငွေလက်သိပ်ထိုး ပေးရတယ်။ ဇနီးမယားအပေါ် တာဝန်မကျေ၊ မကြင်နာတဲ့အပြင် ကိုယ်ဝန်ရလာတော့လည်း ဂရုစိုက်ရကောင်းမှန်း မသိ။ အစ်မ ကိုယ်ဝန်ရလာတော့ ရောဂါတွေ တစ်ခုပြီးတစ်ခု ဝင်နဲ့ အမေသွားနေပြီး စောင့်ရှောက်ရတယ်။ အတူနေရတော့ အဲဒီလူ ယုတ်မာတာတွေ၊ အမေက ပိုသိလာပြီး မခံနိုင်ဖြစ် ရန်ဖြစ် စကားများကြတယ်။
          ကလေးမွေးမယ်ဆိုတော့ အစ်မက ရေတွေ စောစောသွန်တော့တာပဲ။ ဆေးရုံရောက်တော့ ကလေးကို မွေးဖို့ အားမရှိသလို ကလေး ရုန်းကန်အားကလည်း မရှိနိုင်တာကြောင့် ခွဲမွေးရမယ်တဲ့။ ယောက်ျားလုပ်သူ လက်မှတ်ထိုးရမှာ ဖြစ်ပေမယ့် မိန်းမနား မရှိနဲ့ အေးစက်ပြီး ကြောက်နေတဲ့ အစ်မလက်တွေကို ဆုပ်ကိုင်အားပေးရင်း ခွဲစိတ်ဖို့ ကျွန်မ လက်မှတ်ထိုးပေးလိုက်ရတယ်။ နေ့စေ့၊ လစေ့ မွေးတော့မယ့် မိန်းမနား အဲဒီလူက မရှိ။ ခွဲခန်းထဲမှာ လေးဆယ့်ငါးမိနစ်ကြာပြီး အစ်မ ထွက်လာသည့်တိုင် အဲဒီလူကို မတွေ့ရ။ အစ်မကလည်း တစ်စက်မှ မမေး။ သူများ ခင်ပွန်းတွေနဲ့များ ကွာပါ့။ မွေးတာ သမီးဦးလေး၊ အပြင်မှာ မိုးတွေက ရွာလို့။ ကလေးကို သူနာပြုတွေက သန့်ရှင်းရေး လုပ်ပေးပြီးချိန်မှာ အဲဒီလူ မိုးကာကြီး ခြုံပြီးရောက်လာတယ်။ မိန်းမနဲ့ကလေးကို ကြည့်တဲ့ပုံစံက ရင်ထဲကနေ စိတ်ပါစွာ ဝမ်းသာအယ်လဲမှု မရှိ။ အတိုင်းအတာလေး တစ်ခုပဲ။ အစ်မ မပြောနဲ့ ကျွန်မတောင် လုံးဝ အဲဒီလူမျက်နျာကို ကြည့်ချင်စိတ် မရှိအောင် ဖြစ်မိတယ်။
          ဒီလိုနဲ့ ရပ်ကွက်ထဲ ပုဆိုးကျွတ်၊ ကိုယ့်အိမ်မှန်းမသိ၊ သူများအိမ်မှန်းမသိအောင် မူးရူးပြီး ဝင်အိပ်တတ်တဲ့ သူ့အကြောင်း လူတိုင်း သိလာတယ်။ ရန်ဖြစ်တိုင်း ကျွန်မ အစ်မကို လုံးဝ မချစ်ခဲ့ဘူး၊ နင့်အဖေ ပေးမယ့် ပစ္စည်းတွေကို မက်လို့ ယူခဲ့တာလို့ ပြောတော့တယ်။ ခုတော့ မရလို့ ကြိတ်မနိုင်၊ ခဲမရ ဖြစ်နေတဲ့ ဘီလူးဇာတ်ထုပ်တွေ တစ်ခုပြီးတစ်ခု ဖွင့်၊ အစ်မကို နေ့တိုင်း နှိပ်စက်ရန်လုပ်၊ ရုံးရောက်နဲ့ နောက်ဆုံး အစ်မနဲ့ ကွဲသွားတော့တယ်။ ဒီမတိုင်ခင် မိန်းမတွေနဲ့ ရှုပ်လို့ ဆေးနဲ့လုပ်ခံထားရတာတွေကို အစ်မက ရှမ်းဆရာကြီးနဲ့ ကုပေးထားသေးတယ်။ အစ်မကြောင့် အသက်ရှင်ခွင့်ရပေမယ့် ကျေးဇူးကန်းတဲ့ အဲဒီလူက ဖောက်ပြန်မြဲပဲ။ ကွဲထားတာတောင် ရန်ဖြစ်ရင်း အစ်မကို ရိုက်ပြီး လမ်းဘက်ထွက်သွားတုန်း အုတ်တင်တဲ့ ကားကြီးနဲ့ တိုက်ခံရပြီး လမ်းမပေါ် ကားခနဲ မရှုမလှ သေခဲ့တယ်။ အစ်မက သူ့အသုဘကို နောက်ဆုံးလုပ်ပေးလိုက်ပေမယ့် မျက်ရည်တစ်စက် မကျခဲ့ဘူး။ အားလုံးကလည်း အစ်မ ဝဋ်ကျွတ်သွားတဲ့အပေါ် ဝမ်းသာကြတယ်။ အစ်မနဲ့ သမီးလေး တစ်ယောက်ရဲ့ ဘဝ နောက်ဆက်တွဲမှာတော့ အိမ်ထောင်သက်အတွင်းမှာ ထိခိုက်ခံစားခဲ့ရတာတွေ များလွန်းလို့ အစ်မ နှလုံးရောဂါ ရခဲ့ပြီ။ အဲဒီရောဂါကပဲ အစ်မက ကျွန်မတို့နဲ့ နှစ်နှစ်လောက်နေပြီး ဆုံးသွားခဲ့တယ်။ ကျွန်မလက်ထဲကို သေသေချာချာ အပ်ခဲ့တဲ့ တူမလေးဟာ ကျွန်မ သမီးပါပဲ။

*          *          *

(၂)

          သမီးလေးကို ချစ်လွန်းလို့ အမှားအယွင်း တစ်စက်တလေ ရှိသွားမှာကို ကျွန်မ အရမ်းကြောက်မိတယ်။ ယောက်ျားသားတွေနဲ့ ပတ်သက်ရင် ပိုဆိုးတာပေါ့။ သူက အရွယ်လေး ရလာတော့ အပေါင်းအသင်းလေးတွေ ထားတတ်လာပြီ။ အဲဒီလက်ရှိ သူပေါင်းသင်းနေတဲ့ သူငယ်ချင်း၊ မိတ်ဆွေတွေအပေါ် ကျွန်မ တစ်စက်လေးမှ မကြည်ဖြူခဲ့ဘူး။ ကျွန်မ တူမလေးအပေါ် တစ်ချိန်မှာ မရိုးသားစိတ်နဲ့ ချဉ်းကပ်လာမှာပဲ။ တစ်ယောက်မဟုတ် တစ်ယောက်ကတော့ ကြိုးစားမှာပဲလို့ အမြဲ သံသယစိတ်ဝင်နေတယ်။ ဒါကို တူမလေးက မကြိုက်ဘူး။
          "တီလေးကလည်း ဖွေးတို့က ရိုးရိုးသားသားပါ။ ဘာစိတ်မှ မရှိဘူး။ ဘော်ဒါကဏ္ဍတွေချည်းပဲ" လို့ ပြန်ပြောတတ်တယ်။
          အဲဒီလိုပြောလည်း ကျွန်မ မယုံမိဘူး။ သူတို့လို အရွယ်လေးတွေက ပိုဆိုးပါဘိ။ စိတ်ကစား စိတ်ပြောင်းတာကအစ မြန်လွန်းလို့။ ခုဆိုရင် ဖွေးက အရင်လို မဟုတ်တော့ဘူး။ အသားလေးက ဖွေးဥနေသလို ကိုယ်လုံးလေးကလည်း သူ့နေရာနဲ့သူ။ ဥပဒေ ပထမနှစ်ကျောင်းသူလေးရဲ့ ဝတ်စားဆင်ယင်မှုကလည်း ဘာလေးဝတ်ဝတ် လှနေတာဆိုတော့ သူ့ကို နေ့တိုင်း ကြည့်ရင်း ကြည့်ရင်း တော်ရုံကောင်လေးတွေနဲ့ တွဲမှာ၊ စိတ်ဝင်စားသွားမှာကို ထိုင်ရင်း စိတ်ပူနေမိတော့တာပဲ။ ညနေ ကျောင်းပြန်ချိန် တသီကြီး ပါလာတတ်တယ်၊ ဆိုင်ကယ် အလှပြနေတာလားလို့တောင် ထင်ရတယ်။ တစ်စီးနဲ့တစ်စီးက အပြိုင်ပဲ။ ဒီအပေါ်မှာ ဖွေးလေး သာယာသွားမှာကိုလည်း စိုးရိမ်မိတယ်။ သူ့အမေ ခံစားသွားရတဲ့ ဝေဒနာဆိုးမျိုး ခံစားမိမှာလည်း စိုးရိမ်မိတယ်။
          ကျွန်မက စိတ်ပူနေသလောက် တူမလေးကတော့ အမြဲတမ်း သွက်လက်လန်းဆန်းနေတာပါပဲ။ ရည်းစားမရှိသေးပါဘူး။ စိတ်ဝင်စားရင် တီလေးကို ပြောမယ်လို့ ပြောထားတယ်ဆိုတော့ နည်းနည်း စိတ်ချထားတယ်။ အဲဒီလို စိတ်ချနေခြင်းကနေ ကျွန်မတို့ နှစ်ယောက်ကြား အားပြင်းပြင်းနဲ့ မုန်တိုင်းတစ်ခု ဝင်ရောက်လာခဲ့တယ်။ ဘဝမှာ အဲဒီနေ့လောက် ရင်ထဲမှာ ဗလောင်ဆူ ဒေါသနဲ့ နာကျင်တာမရှိခဲ့။ ဖွေးရဲ့ ပါးပြင်ဟာ နီရဲပြီး သွေးခြေတောင် ဥသွားခဲ့တယ်။ ဖွေးရင်ထဲ ဘယ်လောက်တောင် တုန်လှုပ်သွားခဲ့သလဲ။ တအစ်အစ်နဲ့ အသံတောင် မထွက်နိုင်ဘဲ မျက်ရည်တွေ စီးကျနေခဲ့တယ်။ ကြောက်လွန်းတဲ့ စိတ်ကြောင့်လား၊ လန့်သွားတာလား မသိ၊ အရုပ်ကြိုးပြတ်လို ဖြစ်ပြီး ကျွန်မလက်ထဲမှာ ပျော့ခွေ မေ့မျောသွားခဲ့တယ်။ ငယ်ငယ်ကတည်းက အသံမာမာတောင် မပြောရက်ခဲ့တဲ့ ဖွေးကို ကျွန်မ အဲဒီနေ့က စိတ်ရှိလက်ရှိနဲ့ ဘယ်ညာပါးကို နှစ်ချက် အားပြင်းပြင်းနဲ့ ရိုက်ခဲ့မိတယ်။ ဖွေး သိပ်လန့်သွားမယ်ဆိုတာ သိပေမယ့် ကိုယ့်အရှိန်ကို မထိန်းနိုင်။ ဒီလို မထင်မှတ်ဘဲ ဖြစ်ခဲ့တဲ့ အဖြစ်အပျက်ဟာ ဘယ်သူ့ကြောင့်လဲ။ ဘယ်သူ့ကြောင့်လဲ…. ပေါ့။

*          *          *



          (၃)

          ခါတိုင်းလိုပါပဲ ဖွေးက ကျောင်းကပြန်လာပြီးရင် ရေချိုး၊ ထမင်းစား၊ သီချင်းနားထောင်၊ တီဗွီကြည့်၊ အဲဒီနေ့ကတော့ ဖွေး ဗိုက်မကောင်းလို့ ထမင်းမစားတော့ဘူးလို့ ပြောတယ်။ သူ့ကို အရိပ်ကြည့်သလို ကြည့်နေတော့ စိတ်ပူသွားတယ်။ စားတာတွေ များလာခဲ့လို့ဆိုတော့ အစာကြေဆေးလေး တိုက်ထားလိုက်တယ်။ ညကျတော့ သူ့အတွက် ဗိုက်ကောင်းရင် စားဖို့ မုန့်ယူလာပေးရင်း သူ့အခန်းထဲ ဝင်ခဲ့တယ်။ သူ့အခန်းထဲမှာလည်း တီဗွီရှိနေတာမို့ တီဗွီဖွင့်ပြီး ကြည့်နေတာကို တွေ့ရတယ်။ အသံကတော့ သိပ်မကြားရဘူး။ သူ့ခုတင် ခြေရင်းနားကနေ ခုတင်ပေါ်ထိုင်ရင်း ကြည့်နေတဲ့ ဖွေးရဲ့ မျက်လုံးရှိရာကို ကြည့်လိုက်တော့ ကျွန်မလက်ထဲက မုန့်တွေ ပြုတ်ကျသွားခဲ့တယ်။
          "ဖွေး"
          ကျွန်မ အော်သံကြောင့် ဖွေးကလည်း တုန်လှုပ်ပြီး လက်ထဲက ရီမုတ်လေး လွတ်ကျသွားတယ်။
          "ဖွေး… နင်… နင် ဘာလုပ်နေတာလဲ၊ အတတ်ကောင်းတွေ တတ်နေတာပေါ့ ဟုတ်လား"
          ကျွန်မ သူ့ပခုံးတွေကို ကိုင်လှုပ်ရင်း မေးမိတယ်။
          "ဟင် ဖွေး… နင် ဒီလိုကားမျိုးတွေတောင် ကြည့်တတ်နေပြီပေါ့"
          "မဟုတ်ဘူး တီလေး"
          "ငါ့မှာတော့ နင့်ကို ကလေးလို့ပဲ မြင်ထားတာ… ကဲ…"
          ဒေါသစိတ်ရဲ့ အဟုန်ပြင်းထန်မှုက ကျွန်မလက်တွေ လေထဲ မြောက်တက်ပြီး ဖွေးရဲ့ ပါးပြင်ဆီ ဆက်တိုက် ကျရောက်သွားတယ်။
          ဆံပင်တွေ ဝဲလွင့်သွားအောင် ကျွန်မ ရိုက်လိုက်မိတယ်။
          တီဗွီကိုလည်း ဖန်ခွက်နဲ့ ဆွဲပေါက်လိုက်တာ ကွဲသွားတယ်။
          တစ်ခဏအတွင်း ကျွန်မတို့ကြား ငြိမ်သက်နေတဲ့ ရေအလျဉ်ဟာ မုန်တိုင်းကျသွားသလိုပဲ။
          ဒီ့နောက်ပိုင်း ဖွေး သတိလစ်သွားပြီး ဆေးရုံပို့လိုက်ရတယ်။
          သတိမေ့နေစဉ်မှာ သမီးလေး ဖွေးရဲ့ ပါးလေးနီမြန်းနေတာ တွေ့ရတော့ စိတ်မကောင်းစွာ ငိုမိတယ်။ ကျွန်မ တကယ်ဆို ဒီလောက်ထိ ဗလောင်ဆူသွားဖို့ မကောင်းဘူးလို့ တွေးမိတယ်။ ကျွန်မကပဲ ရုတ်တရက်ဆိုတော့ လန့်သွားတာလား၊ စိတ်ပူသွားတာလား အားလုံး ရောထွေးသွားတာ ထင်ပါရဲ့။ တော်တော်နဲ့ သတိပြန်မရခဲ့တဲ့ ဖွေးကို သနားမိသလို ကိုယ့်ကိုယ်ကိုယ် အပြစ်တင်မိတယ်။ ဖွေး ဆေးရုံတင်ရတယ်ဆိုတော့ သူ့ သူငယ်ချင်းတွေ စိတ်ပူပြီး လိုက်လာကြတယ်။ သူတို့ မျက်နှာလေးတွေမှာ သူတို့ သူငယ်ချင်းကို စိတ်ပူနေတာ အထင်းသား၊ အားလုံးကလည်း ဂရုစိုက်ကြတယ်။ ညလည်း စောင့်ပေးမယ့်သူတွေ ပြည့်နေတယ်။ အစားအသောက်အစ ဘာမှ ကျွန်မ မစီစဉ်ရဘူး။ ဘာပဲလိုလို သူတို့ပဲ ပြေးလိုက်လွှားလိုက် အလုပ်ရှုပ်ခဲ့ကြတယ်။ ဖွေးလေးအပေါ် အဖြူထည်စိတ်နဲ့ စောင့်ရှောက်ခဲ့ကြတဲ့ သူငယ်ချင်းစိတ်ဓာတ်ကို ကျွန်မ မြင်လာခဲ့တယ်။
          ဖွေး သတိရလာတော့ သူ့နားမှာ ဝိုင်းအုံနေကြတယ်။ ကျွန်မ ပြောမပြတတ်အောင် ဝမ်းသာခဲ့ရတယ်။ သူ့သူငယ်ချင်းတွေ အမေးကို အားနည်းလို့ ဖြစ်သွားတာ နေမှာလို့ ဖွေး က အဖြေပြန်ပေးခဲ့တယ်။ ကျွန်မ မျက်ရည်ကျတာမြင်တော့ ဖွေးက ကျွန်မလက်ကို လာဆုပ်ကိုင်ပေးတယ်။ ကျွန်မကြောင့် ခုလိုဖြစ်သွားတဲ့ သမီးအပေါ်မှာ ဘာအကြောင်းကြောင့်ဖြစ်ဖြစ် ဖွေးကို ခွင့်လွှတ်တော့မယ်လို့ ဆုံးဖြတ်မိတယ်။ တကယ်လို့ သမီးမှာ ချစ်သူရှိခဲ့ရင်လည်း ကျွန်မ သဘောတူ ကြည်ဖြူပေးဖို့ပဲ ရှိပါတော့တယ်။ ကျွန်မ အဲဒီနေ့က အဖြစ်အပျက်ကို မေ့လိုက်ပြီး မနက်ဖြန်တွေဟာ အသစ်ဖြစ်စေရမယ်လို့ သတ်မှတ်လိုက်တယ်။ အတိတ်အကြောင်းကိုလည်း ပြန်မသွားတော့၊ ဖွေး စိတ်မကောင်းဖြစ်မှာ စိုးလှတယ်။ ဖွေး သောကဝန်ထမ်းထားရမှာကို ကျွန်မ ပိုပြီးမခံစားနိုင်။ ဒါကြောင့် ဖွေး ဘာပဲပြောလာ ပြောလာ ကျွန်မဘက်က အလျှော့ပေးဖို့ စဉ်းစားထားခဲ့တယ်။
          ဒီကြားထဲ ဖွေးနဲ့ ကျွန်မ ပုံမှန်နေ့ရက်တွေရအောင် အတော်ကြိုးစားခဲ့ရတယ်။ ဆေးရုံကဆင်းပြီး နှစ်ရက်မြောက်နေ့မှာ ဖွေးက စီဒီအလွတ်ခွေလေး တစ်ခုယူပြီး ကျွန်မ အခန်းထဲ ရောက်လာတယ်။ ဖွေး မျက်နှာလေးကို ကြည့်ရတာ တစ်မျိုးပဲ။
          "တီလေး၊ တီလေးနဲ့ သမီးကြား ဂယက်ထသွားအောင် ဖြစ်သွားတာ ဒီအခွေကြောင့်ပဲ။ သမီး တီလေးကို အပြစ်မတင်ပါဘူး။ အဲဒီနေ့က သမီးလည်း လန့်ပြီး အံ့အားသင့်နေတဲ့အချိန်မှာ တီလေး ဝင်လာတာ။ သမီး ဒီအခွေကို ဦးမင်းနိုင်ဦးဆီက ရခဲ့တာပါ။ အဲဒီနေ့က သူနဲ့သမီး လက်ဖက်ရည်ဆိုင်မှာ ထိုင်ဖြစ်တယ်။ သမီးကို ဖုန်းဆက်ပြီး အဲဒီကျောင်းနားက လက်ဖက်ရည်ဆိုင်မှာ ချိန်းတယ်။ သမီးက အခွေတွေ ကြိုက်တယ်။ မိန်းမဇာတ်လိုက်၊ ဇာတ်လမ်းကား၊ စုံထောက်ကားတွေ ကြိုက်တယ်လို့ ပြောလို့ ယူလာတာဆိုပြီး သမီးကို ဒီအခွေပေးလိုက်တာ။ အိမ်ရောက်တော့ ဖွင့်ကြည့်တော့ မဟုတ်မဟတ် အခွေကြီး ဖြစ်နေတယ်။ သမီးလည်း အံ့သြနေတုန်း တီလေး ရောက်လာတော့ သမီးကို အထင်လွဲသွားတာပေါ့။ ဒီလို အခွေမျိုးကြီး သမီးကို ပေးလိုက်တာ အဲဒီလူ ဘာသဘောလဲ။ သမီး အရမ်း စိတ်ဆိုးတယ် တီလေး"
          "သမီး အဲဒီလူနဲ့ သမီး မိတ်ဆွေ အပေါင်းအသင်း မလုပ်နဲ့တော့၊ သမီးအပေါ် မရိုးသားစိတ်နဲ့ ချဉ်းကပ်တဲ့လူ"
          "ဖွေးကို အဲဒီလူ အထင်သေးတာလား တီလေး"
          "သမီး စိတ်ကို စမ်းတာလည်း ပါမှာပေါ့။ သူ တွေ့ဖူးတဲ့ မိန်းမတွေလိုများ မှတ်နေလား၊ ဒီလူ စိတ်ဓာတ် တော်တော် အဆင့်အတန်းနိမ့်တာပဲ။ ဖွေးက ခုမှ ကျောင်းသူလေး၊ ဘာမှနားမလည်၊ ပါးမလည်လေးဆိုပြီး အကဲစမ်းကြည့်တဲ့သဘောလို့ တီလေး ယူဆတယ်။ သူ စည်းရုံးရေး ဆင်းတဲ့အထဲမှာ တချို့ မိန်းကလေးတွေလည်း ပါကောင်း ပါသွားနိုင်တယ်။ တီလေး အုပ်ထိန်းနေတဲ့ သမီးကို လာစမ်းလို့ ဘယ်ရမလဲ။ သမီး အဲဒီအခွေကို တီလေးပေး၊ တွေ့ကြသေးတာပေါ့ သူ့ဖုန်းနံပါတ် တီလေးပေး"
          "ဟုတ် ဝ၉+++++"
          ဖွေးဆီက ဖုန်းနံပါတ်ရပြီး ချက်ချင်းဆက်လိုက်တယ်။ ဖွေး အဒေါ်လို့ပဲ မိတ်ဆက်ပြီး ကော်ဖီဆိုင်တစ်ဆိုင်မှာ ချိန်းလိုက်တယ်။ ဖွေးကတော့ သွားခါနီး အဲဒီလို အဆင့်နိမ့်တဲ့လူနဲ့ ရန်တော့ မဖြစ်နဲ့နော်တဲ့။ မှာလိုက်သေးတယ်။ ကျွန်မ သိသလောက်တော့ အဲဒီလူဆီမှာ သမီးတစ်ယောက်၊ သားတစ်ယောက် ရှိတယ်။ သမီးကလည်း အရွယ်ရောက်နေပြီ။ ကော်ဖီဆိုင်ရောက်တော့ အဲဒီလူရောက်နေပြီ။ ကျွန်မက တမင် ငါးမိနစ် နောက်ကျပြီးမှ ထွက်လာခဲ့တာ။
          သူ့အသက်အရွယ်နဲ့မှ မလိုက အဖြူစပို့ရှပ် ကြောင်ကြောင်ကျားကျားနဲ့ မြင်ရတာနဲ့ အော်ဂလီဆန်လာတယ်။ သူကများ အစွမ်းကုန် ပြုံးပြလို့။ သူ့ရှေ့မှာ ကော်ဖီတစ်ခွက်၊ ကျွန်မက မမှာတော့မယ့်ဟန်နဲ့ စားပွဲထိုးလေးကို လက်ကာပြလိုက်တယ်။
          "ကျွန်မက ဖွေး အဒေါ်ပါ"
          "ဟုတ်ကဲ့ ခင်ဗျ၊ တွေ့ရတာ ဝမ်းသာပါတယ်။ ဖွေးက အမြဲပြောတဲ့အထဲ သူ့အဒေါ် အကြောင်း အမြဲပါတယ်"
ကျွန်မ စိတ်တိုမိတယ်။ ဖွေးနဲ့ သူနဲ့ကပဲ အမြဲတွေ့နေသလို။
"ဘာကိစ္စများ ရှိလို့လဲ မသိဘူးနော်"
"ပြောမှာပါ ကျွန်မက ရှင်နဲ့ မိတ်ဆွေဖြစ်ဖို့ လာတာမဟုတ်ဘူး"
"ဗျာ"
"ဟုတ်တယ်၊ ရှင့်ကို ဘယ်တုန်းကမှ မိတ်ဆွေဖြစ်ဖို့ မရည်ရွယ်ဘူး။ ခုပိုသေချာသွားပြီ။ ကျွန်မ ပိုးမွေးသလို မွေးထားတဲ့ တူမလေးဟာ ကျွန်မ သမီးပဲ။ သူဟာ ခုအရွယ်မှာ ကျောင်းသူ နုနုထွတ်ထွတ်လေးပဲ ရှိသေးတယ်။ ရှင်တို့လို သက်တမ်းရင့်ရော်နေတဲ့ ကြောင်အိုတွေရဲ့ အစာရှာရမယ့် သူတွေ မဟုတ်ဘူး"
"နေပါဦး ခင်ဗျား ဘာတွေပြောနေတာလဲ"
"ဒီမှာ ရှင် ဖွေးကို ပေးခဲ့တဲ့ ဒီအခွေက ဘာသဘောလဲ။ ရှင် ဖွေးလို မိန်းကလေးကို ဘယ်လိုအမျိုးအစား မှတ်နေလို့လဲ။ ကျွန်မ အုပ်ထိန်းမှုအောက်မှာ သူ နေရတာပါ။ ရှင့် အခွေပေါ်မှာ ရှင့်လက်ရေးနဲ့ ရေးထားသလို 'မိန်းမဇာတ်ကြမ်းအက်ရှင်' ကား ဟုတ်ရဲ့လား။ ဒီအခွေကို ရှင့်သမီး အပျိုပေါက်လည်း ကြိုက်မှာပဲ။ ရှင့်သမီးကိုပဲ အစအဆုံး ပေးကြည့်လိုက်ပါ။ အဲဒါ ရှင့်အတွက် ပိုပြီး သစ္စာရှိလိမ့်မယ်"
ဒီကိစ္စရဲ့ နောက်ပိုင်းမှာ ကျွန်မ ဖွေးဖုန်းတွေကိုလည်း စစ်ရတော့တယ်။ ဖုန်း Message လေးတောင် ဖွင့်ရမှာ ပျင်းတဲ့ ဖွေးကတော့ ဘာမှ မသိရှာဘူး။
ကျွန်မ ရှင့်ရဲ့ Message တချို့ကို တွေ့တယ်။ အဲဒီလို ယုတ်မာ ရိုင်းစိုင်းတဲ့ Sex ဆန်တဲ့ စကားလုံးတွေကို ရှင့်သမီးဖုန်းထဲ ပြန်ပို့ပေးလိုက်ပါ။ ကျွန်မတို့အပေါ် ရိုင်းရင် ကျွန်မတို့ကလည်း ပြန်တုံ့ပြန်ရမှာပဲ။ ရှင်ဟာ အရေခြုံထားတဲ့ မုဆိုးတစ်ယောက်လိုပဲ။ ကောင်းတဲ့ မုဆိုးတွေရှိရင်တောင် နှိုင်းရတာ မုဆိုးသိက္ခာ ကျသေးတယ်။ ရှင်တို့လို ယောက်ျားသားတွေ များများရှိလေ ကျွန်မတို့ မြန်မာနိုင်ငံကြီး ပျက်စီးလေ ဖြစ်မှာပဲ။ ရှင်ကို နောက်ဆုံး ပြောလိုက်မယ်။ ဖွေး အပါအဝင် ကျွန်မတို့ အသိုင်းအဝိုင်းနဲ့ ဘယ်တော့မှ လာမပတ်သက်ပါနဲ့။ ရှင့်ဟာရှင် ပိုက်ဆံတွေ ဘယ်လောက်ချမ်းသာ၊ ချမ်းသာ ဦးနှောက် အတွေးအခေါ် ဘယ်လောက်ရှိရှိ၊ ဥာဏ်ပညာ ဗဟုသုတဘယ်လောက်ရှိရှိ စိတ်ရင်းစိတ်ထား မဖြူစင်တဲ့သူဟာ အလကားပဲ။ လူသိမ်၊ လူမွှားပဲ။ ဖွေးလေးအတွက်တော့ ယောက်ျားသားတွေနဲ့ ပတ်သက်ပြီး သင်ခန်းစာ ကောင်းကောင်းရလိုက်ပါတယ်။ ဖွေးတင်မကပါဘူး။ မြန်မာစာကို ဖတ်နိုင်တဲ့ မြန်မာပြည် တစ်နံတစ်လျားက မိန်းကလေးတွေအတွက် ရှင့်လို ယောက်ျားသားတွေ ရှိတဲ့အကြောင်း ကျွန်မ စာတစ်ပုဒ်တော့ ဖြစ်ဖြစ်မြောက်မြောက် ရေးရဦးမယ်။
"ခင်ဗျား ဘယ်သူလဲ"
"စာရေးဆရာမပဲ"
ကျွန်မ ပြောပြောဆိုဆို ဝုန်းခနဲ အသံမြည်အောင် ထိုင်ခုံက ထလိုက်ရင်း ဒေါက်ဖိနပ်သံမြည်အောင် တမင်ပဲ ကားဆီလျှောက်လာခဲ့တယ်။ ကျွန်မ ဒီကိစ္စတွေကို သိုသိပ်ထားလို့ မဖြစ်ဘူး။ ဟုတ်တယ်လေ။ ဖွေးလို အရွယ်လှလှ ဘာမှမသိသေးတဲ့ အရိုင်းလေးတွေ အများကြီးပဲ။ သူတို့လို လူတွေကြောင့် နွံထန်တဲ့ မြစ်တဲ အမှတ်တမဲ့နဲ့ ကျမသွားစေချင်ဘူး။
ဖွေးရေ… ကံကောင်းသွားပါတယ်။ ဒီလိုကိစ္စသာ မဖြစ်ခဲ့ရင် တီလေးတို့ ဒီလူ့အကြောင်းကို ဘာမှ သိခဲ့ရမှာ မဟုတ်ဘူး။ မမြင်ချင်တဲ့ မျက်နှာတွေဆိုတာ ဒီလိုပါပဲ။ တစ်ခါတစ်ရံ ထိပ်တိုက်ကို ဆုံမိတတ်တယ်။ အဲဒီလို အခါမျိုးမှာ ကိုယ့်ဘက်က အရှုံးမရှိဘဲ လိပ်ပြာလုံဖို့ပဲ အရေးကြီးတာပါ။
မေမေရှိတုန်းက မကြာခဏ ပြောခဲ့ဖူးတဲ့ 'ယောက်ျားသား ဆိုတာ' ဆိုပြီး မေမေ့အသံတွေကို ကားမောင်းရင်း ပြန်ကြားယောင်မိတော့တယ်။



ချောအိမာန် (မန္တလေး)
ရုပ်ရှင်တေးကဗျာ ရသစုံ မဂ္ဂဇင်း
အတွဲ(၂၈)၊ အမှတ်(၉)၊ စက်တင်ဘာ၊ ၂ဝ၁၂

Tuesday, October 23, 2012

ရေခပ်လမ်း


 

          အညာရဲ့ အပူရှိန်အောက်မှာ အိမ်ထဲ၊ ရုံးထဲ အပြင်မထွက်ဘဲ ရေအေးအေးလေးကို တစ်ခွက်ပြီး တစ်ခွက်သောက်ရင်း အနားယူချင်နေမိပြီ။ ထွက်သမျှ မဂ္ဂဇင်းတွေကို လှန်လှောကြည့်မိတော့ စာအုပ်ထဲက ကောင်မလေးတွေလည်း အပူကို အန်တုလို့ အပူကြောက်လို့များလား… ပေါင်ရင်းတိုတို၊ ရင်ချင်းအပ် မေးဖျားအပ်၊ ဂန္ထဝင်ပုံရိပ်များကို တစ်ရွက်ပြီးတစ်ရွက် လှန်လို့ ပိုပြီး ပူသထက်ပူလာသလို… သူငယ်ချင်းဆိုင်က ဒီနှစ် ပေါင်တိုဘောင်းဘီတွေပဲ အရောင်းလိုက်တယ်တဲ့။


          မဂ္ဂဇင်းပုံတွေထက် အိမ်ကသောက်ရေအိုး အသစ်ထဲက ရေက ပိုအေးတယ်။ ခုခေတ်တော့ ပလပ်ထိုး၊ ရေသန့်သောက်နေချိန်မှာ မြန်မာရေအိုးလေးထဲက ရေအေးအေးကို ပိုနှစ်သက်နေမိတာ အမှန်။ မြန်မာ့ရိုးရာ မြေရေအိုးထဲက ရေကို သောက်ရတာ ပိုအကြိုက်တွေ့နေမိတယ်။ ရိုးရာဆိုတာ ဘယ်နေရာ ဘယ်လူမျိုးမှာပဲဖြစ်ဖြစ် မပျောက်ဆုံးသင့်ပါဘူး။ ရိုးရာ အကြောင်းတွေးမိတော့ ရိုးရာ… ရိုးရာ ဘယ်နားမှာ ကျန်သေးလဲ၊ ဘယ်နားမှာ ရှိသေးလဲလို့ မျှော်လင့်မိတယ်။


          စာရေးဖို့ အတွေးတို့နဲ့ မှိန်းနေတုန်း ဖိတ်စာတစ်စောင် ရောက်လို့လာတယ်။ A4 တစ်မျက်နှာမက ကြီးပြီး ရှည်တဲ့ စာရွက်ကြီးပေါ်က အလှူဖိတ်စာကြီးကို ကြည့်ပြီး အံ့သြသွားတယ်။ ရှင်ပြု၊ နားသ အလှူတော်မင်္ဂလာ အယောက်ခုနှစ်ဆယ်၊ ရွှေဘို၊ ခင်ဦးမြို့နယ်ထဲက မြို့သစ်ကျေးရွာထဲမှာ အလှူ့ဒါယိကာမက သုံးတန်းကတည်းက သူငယ်ချင်း။ တစ်ညအိပ် နှစ်ရက်ခရီးစဉ် ရွာအလှူပွဲကြီးကို သူငယ်ချင်းတွေနဲ့ အတူသွားခဲ့တယ်။ နယ်လမ်း ခရီးကတော့ မြို့နဲ့ ဘာမှမဆိုင်။ လမ်းတစ်လျှောက် သစ်ပင်တွေကို တွေ့ရတော့ ဦးကံချွန်တို့နဲ့ တန့်ဆည် စာပေဟောပြောပွဲသွားတာကို သတိရမိသေးတယ်။ ဘေးဘီဝဲယာ ထန်းပင်၊ လယ်ကွင်းတွေကို ဖြတ်သန်း၊ မူးမြစ်ကြောတစ်လျှောက် ရေစီးသန်လှတယ်။ ရှုခင်းကောင်းတာတွေ့တိုင်း လမ်းမပေါ်မှာ တဖျပ်ဖျပ်။


          ကျပ်ပိတ်လှောင်နေတဲ့ မြို့ပြလူသားတွေအတွက် သဘာဝလေအေးနဲ့ ပတ်ဝန်းကျင်က စိတ်အာဟာရကို ပြည့်ဝလန်းဆန်းစေတယ်။ နေရင်းထိုင်ရင်း အသက်ရှူကျပ်နေတဲ့ လူသားတွေအတွက် မူးမြစ်ကို ဖြတ်သန်းတိုက်ခတ်လာတဲ့ လေနုအေးက အေးစေတာကြောင့် ကားအဲကွန်းလေးကို ခဏပိတ်ပြီး မှန်တံခါးကိုဖွင့် မူးမြစ်ကို ဖြတ်သန်းတိုက်ခတ်လာတဲ့ လေကို တစ်ဝရှူမိတယ်။ အဆုတ်က လေသန့်ကို မျှော်လင့်နေတာကြာပြီ။ အုပ်စုလိုက် ငှက်တွေ တရုတ်ရုတ် ပျံသန်း ထွက်ခွာသွားကြတယ်။ အရင်က စက်မပါ လက်နှင့်ပဲ အားကိုးခဲ့တဲ့ မူးမြစ်က ရှည်လျားလွန်းလို့ ဘယ်နားဆုံးမလဲ တငေးငေးရှိခဲ့တယ်။ ချန်ထားခဲ့တဲ့ အလောင်းမင်းတရားကြီး ဦးအောင်ဇေယျကို စိတ်နဲ့ ထပ်မံ ဦးညွတ်ရင်း… မူးမြစ်ဘေးက ကားလမ်းပေါ်… တရိပ်ရိပ်။


          ဒီမူးမြစ်ဟာ အရင်က မူးမြစ်နဲ့ တူရဲ့လားလို့ စဉ်းစားခန်းဝင်မိတော့ ကျွန်မတစ်ယောက်တည်း အဖြေပေးမိတယ်… မတူတော့ဘူး။ အရင်က နုပျိုလတ်ဆတ်ခြင်းတွေ ရှိမယ်… ပန်းဗေဒါပင်တသိုက်နဲ့ ပျော်မွေ့၊ ပျော်ရွှင်စွာ ခရီးဆက်ရင်း ခုတော့ အသက်ကြီးနေပါပြီ။ အသက်ကြီးခြင်းနဲ့အတူ တိုက်စားသွားလို့ မြေအောက်ကြမ်းပြင်တွေ မမြင်ရပေမဲ့ ဒဏ်ရာအနာတရ ကျန်ခဲ့နေနိုင်သေးတယ်။ သူ့ကို အားကိုးတဲ့သူတွေရော၊ အားမကိုးတဲ့သူတွေရော တွေ့ခဲ့မှာပဲ။ ခုချိန်မှာတော့ သူဟာ ဣနြေ္ဒအပြည့်နဲ့ တည်ငြိမ်ရင့်ကျက်နေပါပြီ။ ငယ်ငယ်တုန်းကလို မဟုတ်တော့… ဒါက သဘာဝ တရားကြီးပဲလေ။ ဥသြ အော်မြည် ကုန်းဘောင်တည် ဆိုတဲ့ စကားအတိုင်း အလောင်းမင်းတရားကြီး တတိယမြန်မာနိုင်ငံတော်ကို တည်ထောင်ခဲ့တဲ့ ရွှေဘိုဆိုတဲ့ ငါးမည်ရမြို့ကြီးကို ရောက်ပြီပေါ့။ မြို့အဝင် အောင်မြေ၊ မြို့လယ်မှာ ရွှေတန်ဆာ၊ မြို့မြောက်ဘက်မှာ မြို့ထောင့်စေတီနဲ့ မဟာနန္ဒာကန်၊ မြေမြို့ရိုး၊ ကျုံးတို့ကိုကျော်၊ မြို့သစ်ကျေးရွာလေးအရောက် ရွာအဝင် မန်ကျည်း၊ ကုက္ကို၊ ထန်းပင်၊ ဥသြတွန်သံတွေက ကြိုဆိုလို့။ ရွာအဝင်ကွေ့ခါနီး လှည်းတစ်စီးက ကားရှေ့လမ်းက ဖြတ်အမောင်း ဖုန်လုံးကြီးက ကားရှေ့မှန်မှာ ဖုန်တဝေဝေ … ဒီ ဖုန်မှုန့်တွေကြားက အလှူ့ဒါယကာ လက်လှမ်းပြတော့ အားတက်စွာနဲ့ ရွာထဲရောက်ခဲ့ပြီပေါ့။ မြို့နဲ့ ကွာချင်တိုင်း ကွာခြားနေတဲ့ ဓလေ့တွေကြား၊ မန်ကျည်းရိပ်တွေကြား၊ ထမင်းရုံတွေကြား အားလုံးက အပြေးအလွှား…။


          အင်း  တောဓလေ့… တောအသံ… ရိုးရာ မုန့်လေးတွေကို မြင်တွေ့ရတော့ ကြည်နူးစရာ။ နေ့လယ် ထမင်းစားအပြီး တရေးလောက် မှေးခနဲ အိပ်ပျော်နေချိန်မှာ လိုက်နှိုးဆော်နေတဲ့ အသံတစ်သံ ကြားရတယ်။ ဒါ အလှူ့ဒါယကာ အသံဆိုတာ သိလိုက်တယ်။ ညနေပိုင်းမှာ ရေခပ်လမ်း ဗီဒီယိုရိုက်မှာမို့ ပါဝင်ကြဖို့ လော်စပီကာ အသေးနဲ့ လိုက်အော်နေတာပါ။ ကျွန်မလည်း အဲဒီ ဓလေ့လေးကို စိတ်ဝင်စားတာနဲ့ အိပ်ချင်နေတဲ့ မျက်လုံးကို အတင်းဖွင့်ပြီး လိုက်ခဲ့တယ်။ တချို့တော့ အိပ်ပျော်ပြီး ကျန်ရစ်တယ်။


        





 

        ရွာထဲက ပျိုဖြူတွေ ရေအိုးတွေနဲ့ ညနေ ရေခပ်ဆင်းကြတယ်။ မြို့သစ်ရွာထဲက မိန်းကလေးတွေ ပိတောက်ကန်ကြီးထဲက ရေကို ခပ်ခဲ့ကြရတယ်။ အနောက်ဘက်မှာ ပိတောက်ပင် ရှိလို့ ပိတောက်ကန်လို့ ခေါ်တယ် ပြောတာပဲ။ ရွှေကျောင်းရဲ့ တောင်ဘက်မှာရှိပြီး တောင်ဘက်ရွာကတော့ ကံကြီးကုန်းရွာတဲ့။ စိမ်းစိမ်းစိုစို လယ်ကွင်းတွေ၊ ထန်းပင်တွေကို မြင်ရတယ်။ အလှူမတိုင်ခင် ရေခပ်လမ်း ဓလေ့လုပ်တာ နာမည်ကြီးမို့ ရွာထဲ၊ ရွာနီးချုပ်စပ်က လူတွေကလေးတွေ လာကြည့်ကြတယ်။ ဗီဒီယို ကင်မရာဆရာတွေကလည်း သစ်ပင်ပေါ်တက်ရိုက်လိုက်၊ လယ်ကွင်းထဲ ဆင်းရိုက်လိုက်နဲ့ ရှုခင်းအလှနဲ့ လူအလှကို မှတ်တမ်းတင်ဖို့ အကျအန ချိန်သားကိုက် နေရာယူထားတယ်။ ဘေးက လော်စပီကာနဲ့ အော်ပြောတဲ့သူက တစ်ယောက်ချင်း ဖြည်းဖြည်းလျှောက်ခိုင်းတယ်။ တောသူ လုံမတွေရဲ့ ယဉ်ယဉ်ကျေးကျေး အလှကို တစ်ဝကြည့်ရှုနိုင်တယ်။ အလှူရှင်တွေ ဧည့်သည်တွေက နောက်ကလိုက်ရတယ်။ ရေခပ်ဆင်းကြတဲ့ လုံမပျိုတွေကို ဘုန်းကြီးကျောင်းအဝကနေ လက်ဖက်ကျွေးသလို၊ ဆေးလိပ်လည်းဝေ၊ ရေလည်း တိုက်ကြတယ်။


          ရွာထဲကို တန်းစီဝင်ခဲ့ပြီး ရွာလယ်က ဘုရားနားအရောက်မှာ ဗီဒီယိုဆရာက ကျွန်မကို ဓာတ်ပုံရိုက်ဖို့ ကပ်ပြောတယ်။ သူတို့ရွာရဲ့ ဓလေ့ကို ကြိုသိထားပေမဲ့ ရေခပ်ဆင်းတဲ့ မိန်းကလေးတွေကများလို့ ဒီထဲကတစ်ယောက်က ဘယ်သူဖြစ်မလဲဆိုတာ မခန့်မှန်းနိုင်၊ ဘယ်သူမှလည်း ကြိုမသိရ… ရေခပ်ခဲ့တဲ့ အိုးလေးတွေကိုယ်စီ ခေါင်းပေါ်ရွက်ထားတဲ့ မိန်းကလေးတွေထဲက တစ်ယောက်က ရေအိုးကို တမင်ခွဲချရမှာပါ။ ဒီလိုချ ခွဲဖို့အတွက် တိုးတိုးတိတ်တိတ် ရွေးချယ်သူကတော့ ရွာက အပျိုခေါင်းပါ။ အဲဒီ အပျိုခေါင်းက သူရွေးချယ်တဲ့ မိန်းကလေးကို ရေအိုးခွဲဖို့ တိုးတိုးတိတ်တိတ် ပြောထားပါတယ်။ ဒါကို ဘယ်သူမှ မသိရသလို အလှူရှင်လည်း မသိရပါဘူး။ ဒါကို မဲပေါက်တယ်လို့လည်း ခေါ်ဝေါ်ကြတယ်။ ကျွန်မလည်း စိတ်ဝင်တစားနဲ့ ဖုန်းကင်မရာလေးကို ချိန်ထားရသလို ဗီဒီယိုဆရာကလည်း အလှူပွဲကြီး တစ်ပွဲရဲ့အသက်လို ဖြစ်နေတဲ့ ရေခပ်လမ်း ရိုးရာဓလေ့ကို အမိအရရိုက်ဖို့အတွက် အသေအချာ ချိန်ထားပါတယ်။ မိန်းကလေးတွေကလည်း ငယ်ငယ်ရွယ်ရွယ် လှပသူလေးတွေမို့ ဘယ်သူဆိုတာ မှန်းရခက်ပါတယ်။ တစ်ရွာလုံးကလည်း ထိုကိစ္စကို စိတ်ဝင်စားကြတဲ့အတွက် လူကြီး၊ လူငယ် မကျန် စောင့်ကြည့်နေကြပါတယ်။








         သူတို့ ရေအိုးလေးတွေ ကိုယ်စီနဲ့ လမ်းလျှောက်လာကြပြီ - သိပ်မကြာမီမှာ လိမ္မော်ရောင်အကွက် ဝမ်းဆက်နဲ့ အသားဖြူ၊ ဆံကျစ် နှစ်ဖက်စီးလေးနဲ့ မိန်းကလေးရဲ့ ရေအိုးလေးက သူ့ခေါင်းပေါ်ကနေ ကျကွဲသွားပါတယ်။ ဒါကို ဗီဒီယိုဆရာရော ကျွန်မရော အမိရိုက်ယူလိုက်နိုင်ပါတယ်။


          ဒီဓလေ့လေးက ဒီမြို့သစ်ရွာမှာ ရှေးလွန်ခဲ့တဲ့ နှစ်ပေါင်းများစွာကတည်းက ရှိခဲ့တာပါ။ အဲဒီရေအိုးကို ချခွဲခွင့်ရတဲ့ မိန်းကလေးဟာ … ရွာရဲ့ အထင်ကရ စတားဖြစ်လာပြီး အဲဒီနှစ်အတွင်း အိမ်ထောင်ကျလေ့ ရှိတယ်လို့ ယူဆကြတယ်။ မိတ်ကပ်လည်း သိပ်အထူကြီးမပြင်ဘဲ နဂိုရုပ်လှပမှုနဲ့အတူ ကိုယ်ဟန် တင့်တယ်မှု၊ အဝတ်အစားကလည်း တောဓလေ့ မပျောက်စေဘဲ ဆံကျစ် နှစ်ဖက်လေးနဲ့ဆိုတော့ ရွာဓလေ့လေးနဲ့တူပြီး ရေခပ်ဆင်းတဲ့ ပုံစံလေးနဲ့ လိုက်ဖက်ညီတာကြောင့် ရေအိုးခွဲဖို့ အဲဒီမိန်းကလေးကို ရွေးလိုက်ရခြင်းဖြစ်တယ်လို့ အပျိုခေါင်းက ကျွန်မကို ရှင်းပြတယ်။ သူ့အရပ်နဲ့ သူ့ဇာတ်ရိုးရာဓလေ့လေးက ချစ်စရာကောင်းပါလားလို့ တွေးမိတယ်။ ဒါကို 'ရေခပ်လမ်း' လို့ သူတို့ရွာမှာ ခေါ်ဆိုကြတယ်။


          ဒီလိုဓလေ့နဲ့ ရိုးရာအလှ၊ ယဉ်ကျေးတဲ့အလှ၊ သဘာဝကျကျ အလှတွေကို မြို့ရဲ့ ဘယ်အလှနဲ့ နှိုင်းယှဉ် နှိုင်းယှဉ် ကြည်နူးပီတိနဲ့ ဂုဏ်ယူစရာကောင်းလှပါတယ်။
 




 
        ရွှေကျည်ဆံ ဆိုင်းဝိုင်းသံက ထူးခြားတဲ့ ဟာသအသောအနှောတွေနဲ့ ဆိုင်းဝိုင်းလက်သံကိုလည်း ကြားနေရတယ်။ ညပိုင်း ဧည့်ခံကျွေးမွေးရေး အစီအစဉ်တွေနဲ့အတူ ရွာလူထုက တဝါးဝါးပွဲကျရင်း ရွှေကျည်ဆံကို အားပေးနေကြတယ်။ မနက်ဖြန် မနက်ဆိုရင် ဘုန်းကြီးကျောင်းကနေ ရွာထဲ တစ်ပတ် အလှူလှည့်မှာဆိုတော့ အိပ်ချင်နေတဲ့ မျက်လုံးကို အနားပေးဖို့ ဆိုင်းသံတွေကြားမှာ အိပ်ပျော်အောင် ကြိုးစားရတော့တယ်။
          အလှူလှည့်ဖို့အတွက် နံနက်အစောကြီးကတည်းက တစ်ရွာလုံး ပြင်ဆင်နေကြတယ်။ အလှူဒါယကာနဲ့ အလှူဒါယိကာမက အပြာရောင်ဝမ်းဆက်နဲ့ မဏ္ဍပ်ထဲကနေ အပြုံးကိုယ်စီနဲ့ ကြိုဆိုလို့နေတယ်။ ဘုန်းကြီးကျောင်းထဲ ခြေကျင်လျှောက်သွားကြပြီး လူစုကြတယ်။ အကအဖွဲ့တွေ၊ ပုသိမ်ထီးကိုင် ပျိုမေတွေ၊ သင်္ကန်းကိုင် ပျိုမေတွေ၊ လှည်းယာဉ်တွေ၊ ရှင်ပြုနားသမယ့် ကလေးတွေ၊ တလက်လက် အဝတ်အစားများနဲ့ ဝေါထမ်းမယ့်သူတွေ၊ ပန်းအိုး ကိုယ်စီရွက်မယ့် အမျိုးသမီးတွေ၊ ဓာတ်ပုံတွေ တဖျပ်ဖျပ်နဲ့ ပျားပန်းခတ်လို့ နေတယ်။
          နှစ်ယောက်တစ်တွဲ တန်းစီရင်း ရွာထဲ သီချင်းသံ၊ ကက်ဆက်သံတွေနဲ့ စရင်းနောက်ရင်း တန်းစီ လှည့်ကြတယ်။ ဝေါထမ်းသူများကလည်း သျှိုးလိုက်ရင်း ပေါ့ပါးစွာ ပျော်ရွှင်နေကြပုံပဲ… အလှူ့အမရဲ့ ဖလားထဲမှာ စာအိတ်တွေနဲ့ သေချာထည့်လာတဲ့ ပိုက်ဆံတွေကို ရွာထဲက ရွှေကြိုးတားပြီး မုန့်ဖိုးတောင်းကြတယ်။ ရွာထဲက လှည့်တဲ့ထဲ မပါတဲ့သူများက အလှူဒါယကာ၊ အလှူဒါယိကာမများ ဝေခိုင်းထားတဲ့ လက်ဖက်၊ ဇွန်း၊ ပိုက်ဆံစတဲ့ ချစ်စရာကောင်းမွန်တဲ့ အပြုအမူများနဲ့ ဧည့်ခံကြတယ်။
          'ထမင်းရည်ချောင်းစီး မောင်းတီးအလှူ၊ အိမ်ကို ဆူးဆို့၊ လင်ကို လက်တို့၊ ခွေးကို အို့အို့' ဆိုတဲ့ ဆိုရိုးအတိုင်း မနက်ကတည်းက ထမင်းရုံထဲမှာ ထမင်းအလှူကြီးပေးနေပြီ။ ရွာအလှူ ထုံးစံအတိုင်း ဝက်သားဆီပြန်ချက်၊ ပဲနှပ်၊ ပဲတီချဉ်သုပ်၊ ငါးခြောက်အစိုချက်၊ မှန်ရောင်ဟင်းရည်၊ ငရုတ်သီးအမွကြော်၊ ဟင်းလျာတွေက အင်တိုက်အားတိုက် စားလို့လည်းကောင်းပါဘိ။ ဆန်ထွက်တဲ့နယ်မို့လားမသိ ဆန်ကလည်း စားလို့ကောင်းသလို တစ်နေကုန်ကျွေးနေတဲ့ အလှူကြီးကိုကြည့်ပြီး ပီတိဖြစ်ရပါတယ်။ နှစ်ရက်တိတိ ထမင်းကိုနေ့ရောညပါ ကျွေးနေပြီး … ဘယ်နှခါ လာစားစား၊ ဘယ်နှယောက် လာစားစား အဆင်ပြေလို့နေတယ်။
          သူတို့ရွာလှူကို မြင်ဖူးစေချင်လွန်းလို့ မကြာခဏ ဖုန်းဆက်ပြီးလိုက်ဖို့ပြောတဲ့ သူငယ်ချင်း အလှူဒါယကာနဲ့ အလှူ့အစ်မကိုလည်း ကျေးဇူးတင်မိပါတယ်။ ပထမတော့ အလှူလှည့်တဲ့ထဲ ခဏပဲလိုက်ပြီး လှည့်ပြန်မယ်လို့ စိတ်ကူးခဲ့ပေမဲ့ နောက်ပိုင်းတော့ ကျွန်မတို့တစ်ဖွဲ့လုံး မပြန်နိုင်ဖြစ်သွားတယ်။ ကြုံတောင့်ကြုံခဲမို့ ရွာထဲလည်း ရောက်ဖူးချင်တာလည်း ပါပါတယ်။ ကျွန်မတို့ရှေ့ ရွှေကြိုးတွေ ရောက်လာတဲ့အခါ ပိတ်မိပြီး ကျန်ခဲ့တဲ့သူတွေက မုန့်ဖိုးပြန်ပေးကြရပါတယ်။ ဝေါကြီးပေါ် ယောက်ျားလေးသူငယ်ချင်း ထမ်းတင်ကြပြီး မကြတယ်။ သူ့ကို အောက်ချစေချင်ရင် ပိုက်ဆံနဲ့ ပြန်ရွေးရတယ်။ အပေါ်မှာ ကိုးရိုးကားယားနဲ့ ပါသွားကြသူတွေက ဝေါကို ချစေချင်ရင် ဝေါထမ်းတဲ့သူတွေကို ပိုက်ဆံပေးကြရတယ်။ ထမင်းဟင်းချက် အိုးသူကြီးတွေကလည်း ယောက်မရှည်ကိုယ်စီနဲ့ အလှူ့ဒါယကာတွေရှေ့မှာ ဒယ်အိုးကြီးထားပြီး တားကြတယ်။ ဖလားထဲက စာအိတ်လေးတွေ ကုန်သွားတော့ တစ်ရွာလုံးလည်း တစ်ပတ်ပတ်ပြီး သွားပါပြီ။
          သူတို့ရတဲ့ အလှူငွေတွေ မုန့်ဖိုးတွေအားလုံးကို ရွာကအသက်ကြီးရွယ်အိုတွေကို ပြန်လှူကြရတယ်။ အသက်(၁ဝဝ) ကျော် အဘွားကလည်း အိမ်ရှေ့မှာ ထွက်ကြည့်ရင်း ပီတိနဲ့ ကြည်နူးလို့။







           နယ်ပယ်တစ်ခုနဲ့တစ်ခု သုံးစွဲတဲ့ ဘာသာစကား၊ ဒေသသုံး ဒေသန္တရစကားတွေ မတူညီကြသလို၊ ဓလေ့ရိုးရာတွေလည်း မတူညီကြပေ။ ဒီအညာက စကားများဟာ တောင်ပေါ်သံတွေလို မဝဲ၊ မပေါ့ပေမဲ့ တချို့စကားများကိုတော့ နားမလည်လို့ ပြန်မေးရတယ်။ အလှူလှည့်ပြီး နွားလှည်းစီးတော့ လူတစ်ကိုယ်လုံး မြောက်နေတော့တယ်။ လက်နှစ်ဖက်လုံးလည်း မအားရ၊ ပြုတ်မကျအောင် ကိုင်ထားရသေးတယ်။ ကျွန်မတို့တွေက နွားလှည်းစီးကြရင်း ဘယ်ဘက်ကနွား၊ ညာဘက်ကနွားလို့ပဲ ခေါ်ဝေါ်ကြပေမဲ့ … သူတို့ကတော့ ဘယ်ဘက်ကနွားကို 'အတိုင်နွား'၊ ညာဘက်ကနွားကို 'အလှည့်နွား' လို့ခေါ်ပြီး ဘယ်တိုင်၊ ညာလှည့်လို့ ရှင်းပြကြတယ်။ လှည်းယာဉ်၊ မန်ကျည်းပင်၊ ထန်းပင်၊ ချိုးနှစ်ကောင်၊ ထနောင်းပင်၊ မူးမြစ်စတဲ့ အကြောင်းတွေကိုပြောရင် အောက်သူ၊ အောက်သားတို့ရဲ့ နှလုံးသားကိုတော့ လွယ်ကူစွာ ထိခိုက်စေမှာ မဟုတ်ပါဘူး။ အလောင်းမင်းတရားကြီး ဦးအောင်ဇေယျရဲ့ ရွှေဘိုမြို့၊ ခင်ဦးနယ်အတွင်းက မြို့သစ်ရွာထဲမှာရှိတဲ့ အလှူကြီးကတော့ ကျွန်မတို့ပြန်မယ့် နေ့လယ်မှာပင် … ဘိသိက်သွန်းနေပြီ။ အလှူ့ဒါယကာက ပဉ္စင်းခံမည်။ ပျော်ရင် ပျော်သလောက် နေမဲ့ပုံ။ ခုတော့ အပြုံးကိုယ်စီနဲ့ လက်ပြရင်း…


          အပြန်လမ်းမှာတော့ အနားယူခြင်း ပြည့်မြောက်ခဲ့တဲ့ ခရီးတစ်ခု။ Relax ရဲ့အရသာ၊ အရုဏ်ဦး အုန်းမောင်းခေါက်သံ၊ သနပ်ခါးရနံ့၊ ညတွေရဲ့ ဂီတ၊ ဝီရိယရှိတဲ့ နေမင်းက အပြုံးတို့ဖြင့် နိုးထစေလို့…။ အညာရဲ့ သီချင်းလေးတစ်ပုဒ် ရင်ခွင်ထဲကို တိုးဝှေ့ဝင်လာခဲ့တယ်။ တစ်စုံတစ်ရာ မျှော်လင့်ခြင်းမပါ။ ရေခပ်လမ်းက ကျစ်ဆံမြီးနှစ်ဖက်နဲ့ ရေအိုးကွဲ(ခွဲ)တဲ့ မြို့သစ်သူလေး…၊ ဘဝအမောတွေကို တစ်ခါတစ်ရံ ကျွန်မတို့တွေ အားလုံး … လွှင့်ပစ်ဖို့ … အမှန်တကယ် လိုအပ်တယ်ဆိုတာ ခရီးတစ်ခေါက်ထွက်တိုင်း ပိုသိရပါတယ်။ အပြုံးကိုယ်စီ၊ မျက်ရည်ဝေသီနေတဲ့ အလှူ့ဒါယကာနဲ့ အလှူ့အစ်မစုံတွဲ … ကျွန်မတို့ ကားထွက်သွားရာကို လက်ပြလို့။


ချောအိမာန် (မန္တလေး)

Perfect Magazine, October, 2012