Tuesday, September 25, 2012

အဲဒါ… မန္တလေး


 
"လူဆိုတာ ကိုယ်ကြိုက်ရာလမ်းကို ရွေးချယ်ကြပါတယ်။ ကိုယ်ကြိုက်တာလည်း လုပ်လို့ရအောင် အဘက်ဘက်က မျှတအောင် လုပ်နေရပါတယ်" လို့ဆိုတဲ့ သူမက ထိတ်ထိတ်ကြဲ စူပါမင်းသမီး မဖြစ်ခင်က နာမည် ဂုဏ်သိက္ခာ ကျဆင်းစေမှုရဲ့ ထိုးနှက်ချက် အများဆုံး ခံရသူပေါ့။ ခုတော့လည်း သူမက မန္တလေးတင်မက မြန်မာပြည်တစ်ပြည်လုံးရဲ့ ဆိုင်းဘုတ်တွေပေါ်မှာ ခပ်ပြုံးပြုံးလေး နေရာယူလျက်…။
            ကိုယ်သွားမယ့် လမ်းခရီးရဲ့ မြင်ကွင်းထဲ ရောက်လာတဲ့ ဘုတ်ပေါ်က သူမအပြုံးကြောင့် မီးပွိုင့်မှာ ခဏရပ်ရင်း သူမ ပြောတဲ့ စကားတစ်ချို့ကို သတိရမိတာပါ။ ခုတော့လည်း မယိုင်လဲစေတဲ့ စိတ်ဓာတ်ကပဲ အောင်မြင်မှုလမ်းမပေါ် ရောက်ပြီပေါ့။
            ၇၈ လမ်းကနေတည့်တည့် ဘူတာဘက် ချိုး၊ လမ်း ၃ဝ ထောင့်က ပစိဖိတ်ဟိုတယ်နဲ့ ဆိုင်ခန်း၊ တိုက်ခန်းတွေ တွေ့ရတိုင်း ဒီနေရာမှာ အရင်က ဘာတွေရှိခဲ့တယ်ဆိုတာ ချက်ချင်းမမှတ်မိ။ နောက်မှ မီးရထားဝန်ထမ်းတွေနေတဲ့ တန်းလျားပုံစံအိမ်တန်းရှည်ကြီး၊ အဲဒီဝန်ထမ်းအိမ်ရာတွေကို ဖျက်ပြီး ၇၇ လမ်းမှာ ငါးထပ်ဆောက်ပြီး နေရာပေးထားတာ။ ပထမနေရာ ရတနာပုံဈေးသစ်ကြီး ဖြစ်လာသလို၊ အပေါ်ထပ်မှာ Sky Walk ဆိုပြီး အတော်ထင်ရှားခဲ့။ ခုတော့ တတိယမျိုးဆက်သစ်ဖြစ်စေမယ့် ယခင် ရတနာပုံဈေးဟောင်းနေရာမှာ နိုင်ငံတကာ အဆင့်မီ Diamond Plaza လို့ခေါ်မယ့် ခေတ်မီတာတွေ အကုန်ပါမယ့် Shopping Center နဲ့ အခြား Center တွေပါမယ့် Plaza ကြီး ပေါ်ပေါက်လာဦးမည်။ သူ ပေါ်လာရင်တော့ Great Wall နဲ့ 78 က မျက်တောင်လေးတွေ မှေးဆင်းသွားမလား။ Blazon က ပုံမှန်လို့ ယူဆလို့ရပြီး 'ရွှေဖြူ' လေးကိုတော့ အတော့်ကို လမ်းကြုံမှ ဝင်တတ်တဲ့သူ များပေမယ့် သူ့ဖောက်သည်နဲ့သူ ရှိနေသယောင်…။
            "ဝှီး…ဝေါ"
            "ဟာ..ဘယ်လိုမောင်းသွားတာလဲ…သေ……"
            ဘေးနားက မီးခိုးတအူအူ ဆိုင်ကယ်ကော့လန်ပျံတစ်စီး ဖြတ်ကျော်တက်သွားလို့ လမ်းဘေးက လမ်းကူးမယ့်သူတွေ လန့်ပြီး ဆဲဆိုသံတွေ ညံသွားတယ်။ သူတို့ဆိုင်ကယ်က မီးခိုးနဲ့ အိပ်ဇောသံများ လမ်းမပေါ် တဘုန်းဘုန်း တဒိုင်းဒိုင်းနဲ့ ကျန်ရစ်ခဲ့တယ်။
            ဒီလမ်းမပေါ်မှာ သူတို့ ဆိုင်ကယ်တစ်စီးတည်းရှိတဲ့အတိုင်း နောက်ကကုန်းပြီး ခါးကိုဖက်သွားသူရဲ့ အင်္ကျီက လေမှာ တလွင့်လွင့်။ ဘောင်းဘီတိုကျပ်ကျပ်က ပေါင်အဖွေးသား၊ အင်္ကျီက လက်ပြတ်။ ရှေ့က ကောင်လေးက ဘောင်းဘီရှည်၊ အင်္ကျီ လက်ရှည်နဲ့ဆိုတော့ ဆန့်ကျင်ဘက် ရသနှစ်ခုကို ပေါင်းစပ်ထားသလို သိပ်အဆီအငေါ်မတည့်ချင်။ ခုခေတ်က တည့်ချင်တည့်၊ မတည့်ချင်နေ။ ကိုယ်ဖြစ်ချင်တာကို ရအောင်လုပ်နေတဲ့ ခေတ်ဆိုတော့ ဒီမြို့ထဲကို စီးဝင်လာကြတဲ့ နေရာပေါင်းစုံ၊ ဒေသပေါင်းစုံ၊ စရိုက်၊ ယဉ်ကျေးမှု၊ ကိုးကွယ်မှု၊ လူနေမှုစနစ်သစ်တွေ အမျိုးစုံ၊ အသွေးစုံ၊ အရောင်စုံ၊ အကုန်စုံ…။
            "မန္တလေးကနော် ကျွန်တော် အရင်တစ်ခါလာတာနဲ့ကို မတူတော့ဘူး… အရမ်းခေတ်မီနေသလိုပဲ… နောက်ပြီး ကောင်မလေးတွေက အလှူအတန်း ရက်ရောတယ်နော်"
တဲ့။ သူ့ရဲ့ နောက်ဆက်တွဲစကားကြောင့် ဂုဏ်ယူရမလိုလို ဖြစ်နေတဲ့စိတ်တောင် ကသိကအောက် ဖြစ်သွားတယ်။
            သူပြောတဲ့ အလှူအတန်းဆိုတာ လှူတာတန်းတာမဟုတ်ဘဲ မျက်စိပါသူများ ခံစားနိုင်ကြပါစေဆိုတာမျိုး…။ အရင်က မန္တလေးသူတွေဆိုရင် ညိုညိုမည်းမည်း၊ ပုံတုံးတုံးတွေဆိုပြီး နှိပ်ကွပ်ချင်ကြပေမယ့် ခုတော့ ဖြူဖြူလန်းလန်း၊ လန်လန်တွေကို တွေ့ရလို့ အံ့သြသတဲ့။
            သီချင်းထဲက ညိုညိုစိုစို မန္တလေးသူအစစ်ကို ရှာချင်ရင် သိပ်ကို ခဲယဉ်းသွားပြီဆိုတာ ဟုတ်များဟုတ်နေမလား၊ အမေ လူထုဒေါ်အမာ စာအုပ်ထဲမှာတော့ ရှိမှာပါ။

           

    "မန္တလေးက လူတွေ ကျန်းမာရေးအတော်လိုက်စားတယ်နော်… အသက်ကြီးပိုင်းတွေဆိုရင် ကက်ဆက်နဲ့ လေ့ကျင့်ခန်းလုပ်ကြတယ်… သူတို့ အုပ်စုတွေက တစ်ယောက်နဲ့တစ်ယောက် Heart ကို ဂရုစိုက်ကြသလို… Help လည်းလုပ်ကြတယ်… စီးပွားရေး, လူမှုရေးကအစ တက်ကြွလန်းဆန်းနေတာပဲ… စိတ်ပျိုကိုယ်နုနဲ့ ရှင်သန်ပေါက်ရောက်ရာ နယ်မြေရဲ့ ရေခံ၊ မြေခံ ကောင်းမွန်မှု၊ ရိုင်းပင်းတဲ့စိတ်နဲ့ ပျော်ရွှင်ကျေနပ်နိုင်ကြတာ အတုယူစရာပေါ့လို့"
ဒီလိုမျိုးလည်း ကြားရရဲ့။
            မန္တလေးက လူတွေက ပွဲငတ်တယ်၊ ပွဲငတ်တယ်နဲ့ ပြောလေ့ရှိကြတယ်။ ပွဲငတ်တယ်ဆိုတာ အဆိုတော်၊ မင်းသား၊ မင်းသမီးတွေ လာဆိုတဲ့ ရှိုးပွဲတွေကို ပြောတာ ဖြစ်ပါတယ်။ အညာပွဲတွေအနေနဲ့ကတော့ ခြေချင်းလိမ်အောင် သွားရဖို့ များလွန်းလှပါတယ်။ မန္တလေးမြို့ဟာ မြန်မာနိုင်ငံမှာ ပွဲအများဆုံးမြို့လို့တောင် ဆိုနိုင်ပါတယ်။ ခုလိုအချိန်ဆို ရပ်ကွက်ဘုရားပွဲတွေ ကျင်းပဖို့ တာစူနေပြီပေါ့။ ဘယ်မြို့မှာမှ ဆင်တူမရှိနိုင်တဲ့ ဘုရားပွဲမုန့်တွေကို ဘုရားပွဲရာသီရောက်မှ စားကြရတယ်။ သီတင်းကျွတ်၊ တန်ဆောင်မုန်း၊ အောက်တိုဘာ၊ နိုဝင်ဘာလတွေက မန္တလေးကို လာလို့ အကောင်းဆုံးအ ချိန်တွေပေါ့။
            မန္တလေးရဲ့ ခေတ်မီလွန်းတဲ့ ပြယုဂ်တွေအပြင် အချို့နေရာတွေမှာ အညာဆန်၊ အညာဟန်တွေကို တွေ့ရဆဲပါ။ အငြိမ့်တွေ၊ ဇာတ်တွေ၊ ဒီရာသီမှာ များပြားပြီး Cat Walk တွေကတော့ ရာသီတိုင်းမှာ တွေ့နိုင်ပါတယ်။ မန္တလေးမှာ အရင်က ပရိုမိုးရှင်းတွေဆိုတာ သိပ်မှ ခေတ်မစားဘဲ။
            ဒီလိုရာသီမှာ ရပ်ကွက်တိုင်း အညာဓလေ့ ဘုံဆွမ်းလောင်းလှူပွဲကတော့ တစ်နှစ်ထက်တစ်နှစ် ပိုများပြားလာပြီး အိမ်တိုင်း တစ်ပိုင်တစ်နိုင် ဆွမ်းသပိတ်ယူ၊ နံနက်စောစော ဆွမ်းသပိတ်ကို ရပ်ကွက်က ဘုရားရှေ့တွေမှာ ကပ်လှူပူဇော်ကြရတယ်။ အနုပညာရသတွေနဲ့ ကပ်လှူကြတဲ့ သစ်သီးပန်း အနုပညာလက်ရာတွေကိုလည်း တခမ်းတနား တွေ့ကြရတယ်။ စာရေးတံမဲချပြီး ပစ္စည်းလှူတာတွေလည်း ရှိတယ်။
            လွန်ခဲ့တဲ့ နှစ်ပေါင်း ၂၆ဝဝ ကျော်ကတည်းက မြတ်စွာဘုရားရှင် သပိတ်တော်ထဲကို ဆွမ်းလောင်းလှူခဲ့တဲ့ မြန်မာတို့ရဲ့ ဂုဏ်ယူစရာ ယဉ်ကျေးမှု အလေ့အထကို ကနေ့ခေတ်အထိ အစဉ်အလာတစ်ခုအဖြစ် သယ်ဆောင်ထားနိုင်ခဲ့တဲ့ မြန်မာတို့ရဲ့ ဂုဏ်ယူစရာ အကောင်းဆုံး ပြယုဂ်တစ်ခုဖြစ်ပါတယ်။
            မန္တလေးက အရင်နဲ့ မတူဘူး…မတူဘူးနဲ့ ပြောကြတာ အများဆုံး ကြားရပါတယ်။ မတူတော့တာတွေ အများကြီး ရှိနေသလို၊ တူတာလေးတွေလည်း ရှိနေပါသေးတယ်။
            "မန္တလေးတောင်ကြီးပဲ တူတာပါဗျာ… ကျန်တာတွေ ဘာတူတော့လို့လဲ"
လို့ မေးမယ့်သူတွေရှိသလို၊
            "ဒါတောင် မန္တလေးတောင်ကြီးက အရင်ကပိုပြီး စိမ်းစိုအုံ့ဆိုင်းနေသလားလို့…"
ဆိုတဲ့ အမြင်ရှိသူတွေလည်း ရှိနေမှာပါ။ နောက်ဆုံးတော့ ဘာပဲဖြစ်ဖြစ် နွေးထွေးတဲ့ ချစ်စရာ စေတနာတွေ ပေါကြွယ်ဝနေသေးတာ။ အဲဒါ မန္တလေးဆိုပြီး ဂုဏ်ယူစရာတွေ ရှိနေသေးတာကို လက်ဆင့်ကမ်း တန်ဖိုးထား သယ်ဆောင်ရမှာ ဖြစ်ပါတယ်။
            လက်ရှိမှာတော့ လမ်းမှာ ဆိုင်ကယ်အစီး ၅ဝ ဆိုရင် စက်ဘီး ၁ဝ စီး တွေ့ဖို့ ခဲယဉ်းသွားပြီ။ အရင်က စက်ဘီးလေးတွေ ကိုယ်စီနဲ့ မျက်စိတစ်ဆုံး ငေးလို့ ကောင်းပေမယ့် ခုတော့ အန္တရာယ်စက်ကွင်းက လွတ်ဖို့ ရှောင်ရှားနေကြရတယ်။ ဘာဆိုင်ကယ် ညာဆိုင်ကယ်တွေ နားမလည်ပေမယ့် မန္တလေးမှာ ဆိုင်ကယ်တွေ အမှန်တကယ် ပေါများလွန်းလှတယ်။ ဒါ့အပြင် ဆိုင်ကယ်ဘီးထောင်၊ ဆိုင်ကယ်သရဲ၊ ဆိုင်ကယ်သူခိုး၊ ဆိုင်ကယ်ရိုက်သူ၊ ဆိုင်ကယ်ပွဲစား၊ ဆိုင်ကယ်ကယ်ရီ၊ ဆိုင်ကယ်တစ်ပတ်ရိုက်၊ ဆိုင်ကယ်မျက်နှာမွဲ ဆိုင်ကယ်သူဌေး…တွေလည်း များလာသလို အင်ဂျင်တွေကလည်း လှိုပ်ထိပ်ခေါင်တင်တွေ…။
            မန္တလေးက လူတွေက ရွှေကြိုက်တယ်မဟုတ်လား…။
            ဆိုင်ကယ်နောက်ကနေ ဆွဲကြိုးတုတ်တုတ်ရှည်ရှည်တွေက ကိုယ့်အန္တရာယ်ကိုယ် ဖိတ်ခေါ်နေသလိုပဲ။ ဟိုမှာရိုက်၊ ဒီမှာလု၊ ဦးထုပ်မဆောင်းမိလို့ အက်ဆီးဒင့်၊ ဇက်သော့မခတ်မိလို့ ပါသွားပြီ၊ ဆိုင်ကယ်လုချင်လို့ လူကို ရိုက်သွားတာ၊ လမ်းပေါ်မှာ ဆိုင်ကယ် ချိန်းပြတ်သွားလို့ နောက်ကားက ဝင်ကျုံးသွားတယ်၊ ဆိုင်ကယ်အဝိုင်း ဖြုတ်ခံလိုက်ရလို့… နဲ့ မရိုးနိုင်အောင် ကြားနေရဆဲ။
            လပြည့်ညရဲ့ တဖျပ်ဖျပ်ကွန့်မြူးလှပတဲ့ ပွဲတော်ည…။
            ခရစ္စမတ်ည၊ နယူးရီးယားည၊ Valentine ည၊ ကာရာအိုကေည၊ ကျောက်တော်ကြီးပွဲည၊ ဘုရားပွဲတော်ညများ၊ ရှိုးပွဲညများ…။ ရင်ခုန်သံ စည်းချက်ညီညီလား၊ စည်းချက်မညီတဲ့ ရင်ခုန်သံတွေလား လမ်းမပေါ်က ကားတွေပေါ်မှာ တေးသွားတွေ ပေါက်ကွဲလွင့်စင် ပျံ့နှံ့လို့…။
            မန္တလေးရဲ့ အနှစ်သာရကတော့ ရုပ်ရှင်ရိုက်တမ်း ကစားလို့နေတယ်။ မန္တလေးရဲ့ ရင်ခုန်သံက ဘယ်လိုနေမလဲ ကျွန်မပင် အတိအကျမသိ။ အနုပညာဆန်တဲ့ လက်ချောင်းများက သမိုင်းကျန်ရစ်အောင် တွင်စေခဲ့တဲ့ ဒီမြို့ကိုတော့ အရင်အတိုင်း အိပ်မက်မက်ခွင့်ရချင်ရင်…
            အိပ်ပျော်မှ ဖြစ်မှာလား…
            စာဖတ်မှ ဖြစ်မှာလား…
            မျှော်လင့်ချက်ကို အသက်သွင်းဖို့…
            မျှော်လင့်ချက်မပြည့်မီ သေဆုံးပြီး…
            အောင်မြင်မှုကို တေးသီ…
            စားသုံးသွားသူတွေ…
            အထင်ကရ ICon တွေ…
            မန္တလေးမှာ အသက်ပြန်ဝင်နေပြီဆိုရင်…
            'အဲဒါ… မန္တလေး' လားလို့ တအံ့တသြ ရေရွတ်မိလိမ့်မယ်ထင်…။


ချောအိမာန် (မန္တလေး)
Memory မိုးစက်များ…မှ

4 comments:

May Khin said...

ဘာပဲဖြစ်ဖြစ် နွေးထွေးတဲ့ ချစ်စရာ စေတနာတွေ ပေါကြွယ်ဝနေသေးတဲ့ မန္တလေးဆိုပြီး ဂုဏ်ယူစရာတွေ ရှိနေသေးတာကို လက်ဆင့်ကမ်း တန်ဖိုးထား သယ်ဆောင်
သွားမှာပါအမ။
မန်းလေးမြို့အကြောင်းလေးအားပေးသွားပါတယ်နော်

မြတ်နိုးသူ said...

မန္တလေးရဲ့ အနှစ်သာရကတော့ ရုပ်ရှင်ရိုက်တမ်း ကစားလို့နေတယ်။ မန္တလေးရဲ့ ရင်ခုန်သံက ဘယ်လိုနေမလဲ အနုပညာဆန်တဲ့ လက်ချောင်းများက သမိုင်းကျန်ရစ်အောင် တွင်စေခဲ့တဲ့ ဒီမြို့ကိုတော့ အရင်အတိုင်း အိပ်မက်မက်ခွင့်ရမှာပါ။
မန်းလေးမြို့အကြောင်းလေးကိုမန်းလေးသူလေးတစ်ယောက်အားပေးသွားပါတယ်နော်

myotthakoyin said...

An informative writing that tells a lot about the present-day Mandalay.

But I don't know why English word 'icon' is used when Myanmar word 'Pya yoke' (pja jou) , used earlier in this article, give the meaning perfectly well. You might want to check on the word 'icon' since if you meant to say historical and cultural landmarks ,e.g. Mahamyatmuni temple, the palace or the Mandalay Hill , the word that suited is 'Monument' . Or if you had important people in mind such as Minntone min, Amarapura (taung myot) Sayadaw, Loodu DawAmar ,etc. they simply are 'historical/religious/literature figures'. Apart from computer usage, 'icon' is used to describe for very popular things-latest trends/fashions, pop/film stars;and famous people usually famous for a time (=not very long) in pop culture- to certain groups of people (Not everyone). Such things/people usually lack (they don't have) serious values,substances and ideas. Please see the examples below:

Marilyn Monroe was a film icon in the 1950s.

The pop star Madonna is the gay's icon (meaning many gay men like her).

NayWin Myint, Nyin Pu lay, SueHnget are not 'icon', but are important literature figures because their works are of values, substances and ideas.

Junemoe said...

ဘယ်လောက်ပဲ ခေတ်မီတယ်ပြောပြော မန်းရဲ့ နွေးထွေးမှုတွေဟာ ခုချိန်ထိ ရှိနေသေးတာ ဂုဏ်ယူစရာ၊ ချစ်စရာပါပဲ ဆရာမရေ..။