Monday, August 20, 2012

အိပ်မက်ဖျားက နိဗ္ဗာန်ဘုံ




(၁)

ကျွန်မနေတဲ့နေရာဟာ မြန်မာနိုင်ငံရဲ့ ဒုတိယမြို့တော် မန္တလေးမြို့မှာပါ။ သူများတွေပြောသလိုသာ ကြီးကျယ်ခမ်းနားတဲ့ မန္တလေးမြို့ကြီးမှာ နေရတာကို ဂုဏ်ယူရမလိုလို။ ဒါပေမဲ့ ဘုရားစူးပါ၊ ကျွန်မနေတဲ့ နေရာဟာ မန္တလေးမြို့ကြီးဆိုတာနဲ့ မအပ်စပ်အောင် ကွာခြားလွန်းလှတယ်။ ဒါပေမဲ့ ကျေနပ်ရမယ် ထင်ပါတယ်။ ဘာဖြစ်လို့လဲဆိုတော့ ဒိနောက်ပိုင်းမှ မန္တလေးမြို့ရဲ့ ပတ်ဝန်းကျင်ကို တကယ်လက်တွေ့ မြင်လာနိုင်ရတာကိုး။ အဲဒီကျမှပဲ ငါလက်ရှိနေထိုင်တဲ့ မြို့ဟာ တယ်ဟုတ်ပါလားလို့ သိလာရတယ်။ ဒါတွေက အမြင်တွေနဲ့ စိတ်ကူးကျေနပ်ရတာကိုက အရသာလေ။ အခုဆိုရင် အပေါင်းအသင်းတွေကြားမှာ ပါးစပ်မပိတ်ဘဲ ပြောနိုင်လာပြီ။ အရင်တုန်းကဆို ဘာဆိုဘာမှမသိဘူး။ မသိဆို ကျွန်မက အခုနေထိုင်တဲ့ နေရာနဲ့ ဝေးကွာတဲ့ နေရာလေးမှာ နေလာရတာကိုး။
ကျွန်မက ဧရာဝတီမြစ်ကမ်းက သောင်ပြင်တွေပေါ်မှာ နေခဲ့ရတာ။ အမေက ကျွန်မကို အလုပ်လုပ်ရင်းပဲ ဂေါဝန်ဆိပ်ကမ်းက သောင်ပေါ်မှာ ဗိုက်နာလာပြီး မွေးလို့ မိသောင်လို့ မှည့်ခဲ့တာ။ အဖေက ကျွန်မ ငယ်ငယ်မှာ ရေနစ်သေဆုံးသွားတယ်လို့ အမေပြောတယ်။ ရေထဲက တက်လာတဲ့ သဲတွေကို ကျုံးပြီး ခပ်ထည့်၊ လှေလာရင် လှေပေါ်တင်ပေး ရောင်းရတဲ့အလုပ်က အမေ့အလုပ်ပဲ။ ကျွန်မမှာ ဖိုးခွားဆိုတဲ့ မောင်လေး တစ်ယောက်ရှိတယ်။ ဒုက္ခိတလေး၊ ခြေထောက်မသန်ရှာဘူး။ မိသားစု သုံးယောက်ပဲရှိတယ်။ ကျွန်မတို့နေတဲ့နေရာက မစည်ကားဘူး။ လူနည်းစုပါ။ ကျွန်မမွေးကတည်းက မြင်ဖူးတာဆိုလို့ ရင်းရင်းနှီးနှီး ဧရာဝတီမြစ်ကြီးရယ်၊ သောင်ပြင်တွေရယ်ပေါ့။ တစ်ခါတစ်ခါမှာတော့ ခေါင်းပေါ်မှာ လွတ်လပ်စွာ ပျံသန်းနေကြတဲ့ ငှက်တစ်အုပ်ရယ်ပေါ့။ အလုပ်က ပင်ပန်းပါတယ်။ ငယ်စဉ်ကတည်းက အမေ့ကို ကူလာခဲ့ရတယ်။ ခု ကျွန်မအသက် (၁၅) နှစ် ရောက်ပြီ။ ကျွန်မကို ကျောင်းထားပေးချင်ပေမယ့် ဝင်ငွေ မလုံလောက်မှုတွေကြောင့် ကျွန်မကို ကျောင်းထားမပေးနိုင်ခဲ့ဘူး။ အဖေ့ကိုလည်း မှတ်မိအောင် မမြင်ဖူးလိုက်တော့ ကျွန်မ အားကိုး ရင်းနှီးဆုံးဟာ အမေနဲ့မောင်လေးပဲ။
ကျွန်မမှာ ကစားဖော်တော့ ရှိတယ်။ သောင်ပြင်က မိမျိုး၊ ငစိုး၊ ပေသီးတို့ပေါ့။ ကျွန်မတို့ လေးယောက်ကတော့ တော်တော်လေး ခင်တွယ်ကြတယ်။ အခုဆိုရင် သူတို့မသိသမျှ မမြင်ဖူးသမျှတွေကို ကျွန်မက ပြန်ပြောနိုင်ပြီ။ အရင်က သူတို့တွေနဲ့အတူ သောင်ပြင်မှာ နေခဲ့ရတယ်။ နောက်တော့ ကျွန်မတို့ တဲပုတ်လေးတွေကို ကျူးကျော်တွေဆိုပြီး နေရာရွှေ့ရတယ်။ ကျွန်မတို့ ပြန်နေရတဲ့ နေရာလေးက မြို့သစ်ဘက်မှာပါ။ သာမန်အားဖြင့် မြို့သစ်ဆိုရင် တကယ်ခမ်းနားတဲ့ တိုက်ကြီးတွေပဲရှိတာမို့ တလွဲထင်သွားဦးမယ်။ ကျွန်မတို့နေရာက မြို့သစ်ရဲ့ တောင်ဘက်စူးစူးမှာပါ။ အိမ်က ခိုအိမ်လားလို့ မေးရလောက်အောင် သေးငယ်လွန်းပါတယ်။
မိုးများများရွာရင် မိုးမလုံတဲ့ အိမ်ခေါင်မိုးကို ရေခံရင်း မအိပ်ရဘဲ ငုတ်တုတ်ထိုင်ခဲ့ရတဲ့နေ့တွေလည်း ရှိတယ်။
မနက်ဆိုရင် အစောကြီးထ ထမင်းကြမ်းခဲကို ဆီဆမ်း ထန်းလျက်ခဲ ဒါမှမဟုတ် ငရုတ်သီးထောင်းနဲ့စားပြီး အမေနဲ့အတူ အလုပ်သွားရတယ်။ မောင်လေးက ခြေထောက်မသန်ပေမယ့် ကျွန်မနဲ့ အမေ့အတွက် အားကိုးရတယ်။ မနက်စာနဲ့ ညစာကို သူက အများဆုံး ချက်ထားပေးတယ်။ သူပဲ အိမ်ထဲက အိမ်ပြင်မထွက်ဘဲ အိမ်စောင့်တယ်။ သူ့အလုပ်ကအားရင် ကာတွန်းစာအုပ်လေးတွေ ကြည့်နေရရင် ပျော်နေတတ်တယ်။ မောင်လေးက သီချင်းနားထောင်ရတာ အရမ်းဝါသနာပါတယ်။ သူက သီချင်းနားထောင်ချင်ရင် လမ်းမကြီးဘးက လက်ဖက်ရည်ဆိုင်သွားပြီး နားထောင်တတ်တယ်။ သူ့ကြည့်ရတာ စိတ်ညစ်တာ မတွေ့ရဘူး။ ခပ်ပျော်ပျော်ပဲ။
အမေနဲ့ ကျွန်မကတော့ မနက်စောစောမှာပဲ အလုပ်သွားဖို့ ပြင်ကြရတယ်။ အိမ်ကထွက်ပြီး လမ်းမကြီးဘက်တွေရောက်ပြီဆိုရင် ကျွန်မ မျက်စိတွေ အငြိမ်မနေတော့ဘူး။ လမ်းပေါ်မှာလည်း ကျွန်မတို့လို ဆင်းရဲသားရပ်ကွက်ထဲကလူတွေ အများကြီးပဲ အလုပ်သွားဖို့ တန်းစီထွက်လာကြတယ်။ အမျိုးအမည်ဖော်မရတဲ့ သံချေးရောင်ထွက်နေတဲ့ စက်ဘီးတွေ အများကြီးပဲ။ ထမင်းချိုင့်ကိုယ်စီနဲ့ပေါ့။ လူအုပ်လိုက်ကြီးမို့ ပျော်စရာလည်း ကောင်းနေတယ်။ တဖြည်းဖြည်းနဲ့ အဲဒီလူအုပ်ကြီးနဲ့အတူ အမေနင်းတဲ့ဘီးလေးဟာ သိပ္ပံလမ်းမကြီးဘက် ရောက်လာတယ်။ အလုပ်သွား အလုပ်ပြန် ဒီလမ်းမကြီးက ဖြတ်ရတယ်။ အဲဒါကို ကျွန်မ အကြိုက်ဆုံးပဲ။
ကျွန်မတို့နေတဲ့ ရပ်ကွက်မှာ တဲတွေ၊ အိမ်စုတ်တွေ ပေါသလောက် သိပ္ပံလမ်းမဘက်ထွက်လိုက်တော့ တိုက်အမြင့်ကြီးတွေ၊ ခြံအမြင့်ကြီးတွေ၊ လှလိုက်တဲ့ တံခါးတွေ၊ အိမ်တွေကလည်း အကျယ်ကြီးတွေ။ ကျွန်မ ဘယ်နှခါကြည့်ကြည့် ကြည့်လို့မဝခဲ့ပါဘူး။ ကျွန်မတို့ ရပ်ကွက်ထဲမှာဆို လမ်းပေါ်မှာ ဆော့နေကြတဲ့ ကလေးတွေ၊ ဆူဆဲသံတွေ၊ အော်ဟစ်သံတွေ၊ ခွေးဝဲစားတွေ ပေါမှပေါ။ တကယ်ကွာခြားလှပါဘိ။






တစ်ခါက အမေ့ရဲ့ စက်ဘီးအိုက ဘီးပေါက်လို့ အဲဒီလမ်းမကြီးကနေ တွန်းသွားရတယ်။ ဝင်းတံခါး အမြင့်ကြီးတွေထဲက တိုက်လှလှကြီးတွေကို နီးနီးကပ်ကပ် ပိုမြင်ရတယ်။ စက်ဘီးကယ်ရီယာခုံကို နောက်ကနေ အသာကိုင်လိုက်ပြီး တိုက်တွေကို ခလုတ်တိုက်မိမတတ် ငေးရတာ အမောပါပဲ။ ကျွန်မတွေးမိတယ်။ ဒီလို တိုက်ကြီးတွေထဲမှာ လူတွေ ဘယ်လောက်များ နေကြသလဲလို့။ကျွန်မတို့ ခိုအိမ်လေးလို တဲထဲမှာတောင် လူ(၃) (၄) ယောက်မက နေလို့ရရင် ဒီလိုတိုက်ကြီးတွေမှာ လူလေးငါးဆယ်လောက် နေမလားပဲ။ ဒါပေမဲ့ ဒီအိမ်ကြီးတွေရှေ့က ဖြတ်သွားတိုင်း လူတွေ မတွေ့ရ။ ကျွန်မတို့ ရပ်ကွက်မှာတော့ လူရှောင်ရတာ အမော။
;
ကျွန်မကြားဖူးတဲ့ နတ်ဘုံနတ်နန်း နတ်ပြည်ဆိုတာ ဒီလိုဟာတွေကို ခေါ်တာဖြစ်မှာပဲလို့ တွေးမိတယ်။ အမေ ကျွန်မ ငယ်ငယ်တုန်းက ပုံပြင်တွေ ပြောပြဖူးတယ်။ အဲဒီပုံပြင်ထဲက မင်းသမီးလေး နေတဲ့ နေရာဆိုတာ ဒီလိုမျိုးနေမှာ။ ဒီလို တိုက်ကြီးတွေနဲ့သာ ဆယ်ရက်လောက် နေခွင့်ရရင် သေပျော်ပါပြီ။ အမေ့ကိုလည်း တစ်ခါတလေ ဒီတိုက်ကြီးထဲမှာ နေတဲ့ လူတွေအကြောင်း မေးမိတယ်။ အမေက အလုပ်ကမောမောနဲ့မို့ စိတ်မရှည်ဘူး။ ကျွန်မက -
"အမေ ဒီတိုက်ကြီးထဲမှာ ဘယ်လိုလူမျိုးတွေ နေတာလဲ" ဆိုတော့ အမေ့ဖြေသံက -
"နတ်တွေနေတာဟေ့" တဲ့။
အမေက စိတ်မဝင်စားပေမယ့် ကျွန်မကတော့ အိပ်မက်တွေထဲထိတောင် ပါတတ်တဲ့ ဒီတိုက်တွေကို စိတ်ဝင်စားပါတယ်။
ငယ်စဉ်ကတည်းက သောင်ပြင်မှာနေလာရပြီး ဂေါဝန်ဆိပ်ကမ်းက ကျူးကျော်တွေကို ဖျက်ပြီး ဒီဘက်ပြောင်းလာရတော့ တော်တော်ကို မနေတတ် မထိုင်တတ် ဖြစ်ရတယ်။ နွေရာသီမှာ သဲသောင်ပေါ်လာရင် သဲထမ်းရတယ်။ ကျွန်မက သဲတွေစုပေး၊ အမေက လှေပေါ်ရွက်တင်ပေးနဲ့ တစ်နေ့တာ အလုပ်က ကုန်ဆုံးရတယ်။ ဒီအလုပ်မရှိတဲ့အချိန်ဆို ကြုံရာကျပန်းလုပ်တယ်။ အမေက ဈေးလည်း ရောင်းတယ်။ အကြော်လည်း ကြော်ရောင်းဖူးတယ်။ အခုနေတဲ့ နေရာနဲ့ အလုပ်ကိုသွားပြီး လုပ်စားရတဲ့ နေရာက ဝေးလွန်းလှပါတယ်။ တစ်ခါတစ်ရံ တွေ့ရတဲ့ ခြံကြီးတွေထဲက ထွက်လာတဲ့ ကားအရောင်ပြောင်ပြောင် အကြီးကြီးတွေကို တစ်ခါလောက်များစီးပြီး အလုပ်လုပ်တဲ့နေရာ သွားချင်လိုက်တာ။
ကျွန်မ အတွေးတွေက သိပ်ပြီးမြင့်နေမလားဘဲ။ ဘယ်လိုပဲဖြစ်ဖြစ် စိတ်ကူးလေး ယဉ်မိတာတောင် စိတ်ထဲမှာ ပျော်ဝင်သွားပါတယ်။ တကယ်ဆိုရင်တော့ မပြောပါနဲ့တော့။ အရာရာကိုတောင် မေ့သွားမလားပဲ။ နေ့စဉ်မြင်တွေ့နေရတဲ့ တိုက်ကြီးတွေကို ငေးရတဲ့အရသာဟာ ဘာနဲ့မှမတူအောင်ပဲ။ သောင်ပြင်ရောက်ရင် ပေသီးတို့ကို ဖောက်သည်ပြန်ချရတယ်။ သူတို့တွေ အားလုံးလည်း ကျွန်မလို မြင်ဖူးချင်နေကြတယ်။ သူတို့တွေ အားကြီး ကျွန်မကို အားကျနေကြတယ်။ ကျွန်မ ငယ်ငယ်တုန်းကတည်းက နားထောင်ခဲ့ရတဲ့ အမေ့ပုံပြင်ထဲက နတ်ပြည်နတ်နန်းတမျှ လှပတဲ့ အကြောင်းတွေကို တစ်နေ့မှ မရိုးနိုင်အောင် သူတို့တွေကလည်း နားထောင်ချင်ကြတယ်။ သူတို့ကိုလည်း တစ်နေ့လောက် ခေါ်ပြပါလို့ တောင်းဆိုကြလေရဲ့။
ကျွန်မက သူတို့တွေ မြင်အောင် ရေကျသွားလို့ ချောပြီးကျန်နေတဲ့ သောင်ပြင်ပေါ်မှာ ပုံဆွဲပြတယ်။ ကျွန်မနားမှာ တအံ့တသြလေး ထိုင်ကြည့်နေကြတဲ့ သူတို့တွေက -
"အိမ်တစ်အိမ် အဲဒီလောက်ကြီးသလား၊ ငါ တွေ့ချင်လိုက်တာဟယ်"
"မိသောင် နင် အရမ်းကံကောင်းတာပဲ။ ငါတော့ ရွာထဲက မထွက်နိုင်သေးဘူး"
"အဲဒီလို အိမ်တွေမှာ နေတဲ့သူတွေ ပိုက်ဆံအရမ်းရှိမှာပဲနော် မိသောင်"
"အေးပေါ့ဟ၊ ကားကြီးတွေဆို အရမ်းလှတာ။ နောက်မှာ ဘီးကြီးတွေ တပ်ထားတယ်။ ငါဆို အရမ်းစီးချင်တာပဲ။ ငါနေတဲ့ ရပ်ကွက်နဲ့တော့ တခြားစီပဲ။ ငါတော့ အသွားအပြန် ငေးရတာ ဘယ်လောက်ကြည့်ကြည့် မဝဘူး"
"မိသောင် ငါလည်း တစ်နေ့ ချမ်းသာလာရင် နင်ပြောတဲ့ တိုက်မျိုး ဆယ်လုံးလောက် ဝယ်နိုင်မှာ"
"တော်ပါ ပေသီးရယ်၊ တဲ ဆယ်လုံးပိုင်အောင်ပဲ အရင်လုပ်ပါဦး"
"ဟား….ဟား….ဟား"

ကျွန်မတို့တွေ ထွက်ပြေးတဲ့ ပေသီးနောက် လိုက်ထုကြ ရိုက်ကြတယ်။
* * *
အပြန်လမ်းမှာ အမေက ရပ်ကွက်ထိပ်က "မိထူး" ထမင်းဆိုင်ကနေ ချက်ပြီးသားဟင်းတစ်ခွက် ဝယ်ခဲ့တယ်။ အိမ်မှာ ဖိုးခွားက ညစာ တစ်မျိုးမဟုတ်တစ်မျိုးတော့ စီစဉ်ထားတတ်တယ်။ အမေလည်း ခုတလော ကျန်းမာရေး သိပ်မကောင်းဘူး။ ချောင်းတွေ တအားဆိုးနေတယ်။ မနက်ဖြန်တော့ အမေ အလုပ်လာလုပ်ခိုင်းလို့ ဖြစ်မှာမဟုတ်ဘူး။ အိမ်မှာ တစ်ရက်တော့ နားမှ ဖြစ်မယ်။ အိမ်နားက ဒေါ်မိ၊ မပြုံးတို့က အမေနဲ့ အဖော်ရလို့ တော်သေးတယ်။ ကျွန်မကတော့ လမ်းထိပ်က မစိုးတို့နဲ့ အလုပ်ကို လိုက်သွားတော့မယ်။ ကျွန်မတို့ မိသားစုသုံးယောက် ဒီနေ့ည စကားအပြောဆုံးနေ့လို့ ဆိုရမယ်။ ထမင်းစားပြီးကတည်းက အမေလေ ကျွန်မကို သူ့ပေါင်ပေါ် အိပ်ခိုင်းပြီး ပုံပြင်ပြောပြတယ်။ အမေ့ပုံပြင်တွေကို နားမထောင်ရတာ ကြာပြီမို့ သိပ်နားထောင်ကောင်းတာပေါ့။ မောင်လေးကလည်း တအားရယ်ရတယ်။ မပြုံးတို့အိမ် တီဗွီကြည့်နေကျမို့ တီဗွီထဲက ရွှေပုစွန်ကိတ်ကို စားချင်လို့တဲ့။
"အမေ ရွှေပုစွန်ကိတ်မုန့်ဆိုတာ ပုစွန်ထုတ်အကြီးကြီးနဲ့ လုပ်ထားတာနေမှာနော်" လိုိ့ ပြောတော့ ကျွန်မနဲ့ အမေ ဝိုင်းရယ်ကြတယ်။
အမေက ငါ့သမီးကကော ဘာစားချင်လဲတဲ့။
"သမီးက ဘာမှမစားချင်ပါဘူး အမေ။ အမေပြောတဲ့ ပုံပြင်ထဲကလို နတ်ဘုံနတ်နန်းက တိုက်ကြီးတွေမှာ နေချင်တယ်" ဆိုတော့ -
အမေက ပြောတယ်။ ငါ့သမီးက တော်တော်စိတ်ကူးယဉ်တာပဲတဲ့။
အမေလည်း သိပ်နေကောင်းလှတာမဟုတ်လို့ ဆေးတိုက်ပြီး ဝင်အိပ်ခိုင်းရတယ်။ ကျွန်မနဲ့ မောင်လေးက အိမ်ရှေ့ကွပ်ပျစ်စုတ်လေးမှာ ကောင်းကင်က ကြယ်တွေကိုကြည့်ရင်း ရေတွက်ရင်းပေါ့။ ဒါက ဟိုအရင် သောင်ပြင်မှာနေကတည်းက ကျွန်မနဲ့ မောင်လေး လုပ်နေကျ အလုပ်လေ။ သူ့ကြယ် ငါ့ကြယ်နဲ့ လုရေရတာ အမောပါပဲ။ ဒီနေ့တော့ မရေတာကြာပြီဖြစ်တဲ့ ကြယ်တွေကို ရေတွက်ကြည့်မိတယ်။
မောင်လေးက မေးသေးတယ်။
"မမ မေမေ ပြောတဲ့ နတ်ဘုံ နိဗ္ဗာန်ဘုံဆိုတာ ဟိုးကောင်းကင်ပေါ်မှာ ရှိတာလား" တဲ့။
ကျွန်မက ခေါင်းညိတ်ပြတော့ -
ခုနေတဲ့ နေရာထက်စာရင်တော့ ကောင်းမှာပဲနော်တဲ့။
ကျွန်မ မောင်လေးကို သနားသွားလို့ ကျွန်မရင်ခွင်ထဲ ပွေ့ဖက်ထားမိတယ်။
* * *
ဒီနေ့ အမေ့ကို အလုပ်နားခိုင်းပြီး ကျွန်မ မစိုးနဲ့အတူ လိုက်လာခဲ့တယ်။
မစိုးနောက်ကနေထိုင်ရင်း ကျွန်မ ကြည့်နေကျ တိုက်တွေကို ရေတွက်ရင်း ငေးမောနေမိတယ်။ အလွတ်ကျက်မှတ်ထားတဲ့ ပုစ္ဆာတစ်ပုဒ်လို အလွတ်ရနေတာမို့ တိုက်တစ်တိုက်ရဲ့ ဝင်းတံခါး ဆေးသုတ်တာကအစ၊ အိမ်အဝင်မီးလုံးလေးတွေ အသစ်ပြောင်းတာကအစ အကုန်မှတ်မိနေတယ်။ ရှေ့က မစိုးကလည်း ငေးမောရင်း သဘောကျနေလေရဲ့။ သူလည်း ကျွန်မလို အတွေးမျိုးရှိမှာပဲ။ သူ့အိမ်လေးကလည်း ကျွန်မတို့ထက် နည်းနည်းသာ သာတဲ့ တဲပုတ်လေးပါ။ ဒီအိမ်ကြီးတွေမှာ မွေးထားတဲ့ ခွေးစုတ်ဖွားလေးတွေက တစ်ခါ တစ်ခါ ခြံရှေ့ထွက်နေတတ်တယ်။ လှမှလှပဲ။ တစ်ကောင်ဆို တော်တော်ဈေးကြီးပေးရတယ်လို့ ကြားဖူးတာပဲ။
ကျွန်မ အတွေးတွေနဲ့ ငေးမောနေတုန်းမှာ မထင်မှတ်ဘဲ မစိုးရဲ့ ဘီးဟာ ခါထွက်သွားပြီး ဝုန်းဆိုတဲ့ အသံနဲ့အတူ တစ်ပြိုင်နက်တည်း ကျွန်မဟာ လမ်းမပေါ် လွင့်စင်ကျသွားခဲ့တယ်။ ကျွန်မ ဦးခေါင်းက ကျောက်လမ်းမနဲ့ ဆောင့်မိသွားတာကြောင့် အရမ်းကို နာကျင်သွားပါတယ်။ မျက်လုံးတွေလည်း မူးဝေပြာမိုက်သွားပြီး ဘာမှမမြင်ရသလို မသဲကွဲတော့ဘူး။ ခဏအတွင်းမှာ လူတွေ စုရုံးရောက်ရှိလာတဲ့ အသံတွေကို ကြားရတယ်။ ကျွန်မ သိလိုက်ရတာ ကျွန်မတို့ဘီးလေးကို ခြံတစ်ခြံထဲက ထွက်လာတဲ့ ကားတစ်စင်းက အရှိန်ပြင်းပြင်းနဲ့ ဝင်တိုက်လိုက်တာပါပဲ။ ကျွန်မ လမ်းပေါ်မှာ ပစ်လဲကျသွားတယ်။
"အမလေး လုပ်ပါဦး။ မိသောင် ညီမလေး၊ ခေါ်လို့မရတော့ဘူး။ ခေါင်းမှာလည်း သွေးတွေ"
မစိုးရဲ့ အော်သံကို ကြားရတယ်။ မစိုးလက်ထဲမှာ ပွန်းထားတဲ့ ဒဏ်ရာက သွေးထွက်နေပေမယ့် အခြားဒဏ်ရာ မတွေ့ရဘူး။ ကျွန်မကို ခေါင်းကနေ ပွေ့ထားတယ်။
ကားပေါ်ကလူက ပျာပျာသလဲနဲ့ ကျွန်မကိုကြည့်ပြီး ဆေးရုံသွားမယ်တဲ့။ အဲဒီအမျိုးသားက ပွေ့ပြီး သူ့ကားပေါ် တင်လိုက်တယ်။ မစိုးက ကျွန်မတို့ ရပ်ကွက်ထဲက ကောင်မလေးတစ်ယောက်ကို တွေ့လို့ အမေ့ကို အကြောင်းကြားခိုင်းတယ်။ ကျွန်မက အမေ့ကို အကြောင်းမကြားစေချင်ဘူး။ အမေသိရင် အရမ်းစိတ်ပူလိမ့်မယ်။ နေလည်း သိပ်ကောင်းတာမဟုတ်ဘူး။
မစိုးက ကျွန်မကို စိတ်ပူစွာနဲ့ နောက်ခန်းထဲက ပါလာတယ်။ ကျွန်မ အတွက် အံ့သြစရာကောင်းတာက ကျွန်မ အရမ်းစီးချင်နေတဲ့ ကားကြီး အခု စီးနေရပြီ။ ကားထဲမှာ မွှေးပျံ့နေတာပဲ။ ဒါပေမဲ့ တစ်ကိုယ်လုံး နာကျင်နေတာမို့ ဘာခံစားမှုမှ သိပ်မသိချင်တော့ဘူး။ ကားက ခပ်မြန်မြန် အထူးကုဆေးခန်းဆိုတဲ့ နေရာကို ရောက်သွားတယ်။ ကျွန်မကို ရောက်ရောက်ချင်း ဆရာဝန်တွေ ပျာနေအောင် ဂရုစိုက်ကြသလို လူတွေအားလုံး ဝိုင်းကြည့်တာကို ခံရတယ်။ အားလုံးက မျက်နှာလေးတွေ ရှုံ့ပြီး နှုတ်ကလည်း တကျွတ်ကျွတ်နဲ့။ တချို့ကလည်း လက်ကိုင်ပဝါ နှာခေါင်းအုပ်ပြီး မကြည့်ရဲကြည့်ရဲ လာကြည့်ကြတယ်။
ကျွန်မကို အစိမ်းဝတ် ဆရာဝန်တွေ အခန်းတစ်ခုထဲ ခေါ်သွားတယ်။ ကျွန်မ မျက်နှာပေါ်မှာ တွေ့ရတာ မီးလုံးတွေ လင်းလိုက် မှောင်လိုက်ပဲ။ မျက်လုံးထဲမှာ ပူနွေးနွေးတွေ ထွက်နေတယ်။ ဘာလဲတော့ မသိဘူး။ ဆရာဝန်တွေအားလုံး ရှုပ်ယှက်ခတ်အောင် ကြိုးစားပြီး ကျွန်မရဲ့ ဒဏ်ရာတွေကို ကုကြတယ်။ အဆိုးဆုံးက ဦးခေါင်းက ဒဏ်ရာပဲ။ ဘာနဲ့မှ မတူအောင် နာကျင်ခံစားရတယ်။
အချိန်နည်းနည်းကြာတော့ ကျွန်မရဲ့ ကုသမှုက ပြီးသွားပုံရတယ်။ ကျွန်မကို အဲဒီအခန်းကနေ ထုတ်လာတယ်။ အပြင်ရောက်တော့ အမေ့အသံကို ဦးစွာ ကြားလိုက်ရတယ်။
"အမလေး မိသောင် ငါ့သမီးလေး ဖြစ်ရလေ၊ အမေ့ကိုကြည့်ပါဦး၊ ဆရာ ကျွန်မ သမီးလေး အခြေအနေ"
ဆရာဝန်ကြီးက စိတ်မကောင်းဖြစ်နေပုံပဲ။ အမေ့လက်မောင်းကို ကိုင်ရင်း ခေါင်းခါပြတယ်။
"ကျွန်မ သမီးလေးကို ကယ်ပေးကြပါ။ အမေ သေရမှာပါ သမီးရယ်၊ မိဘကို လုပ်ကျွေးနေတဲ့ သမီးပါ။ ဆရာ ကယ်ပါဦး ဆရာ"
အမေ တအားမငိုပါနဲ့ အမေ။ ကျွန်မလည်း ကိုယ့်ကိုယ်ကိုယ် မထင်ခဲ့ဘူး အမေ။ သေရမှာ မကြောက်ပေမယ့် ကျွန်မ အမေနဲ့မောင်လေးကို စောစီးစွာ ခွဲမသွားချင်သေးဘူး။
ခဏနေတော့ မောင်လေး ကျွန်မနားရောက်လာတယ်။ ကျွန်မမျက်နှာကို သူ့လက်လေးနဲ့ထိရင်း ကြိတ်ပြီး ငိုနေတယ်။
မောင်လေးရေ မနေ့ညက အမေ၊ မောင်လေးနဲ့ မမ တွေ့ဆုံမှုဟာ နောက်ဆုံးဖြစ်မှန်းသိခဲ့ရင် အဲဒီညကို မမ အိပ်ပစ်ရက်မှာမဟုတ်ပါဘူး။ ကြယ်လေးတွေကိုလည်း ရေတွက်ဖို့ အခွင့်အရေး မရှိတော့ဘူးနော်။
မစိုးက ကျွန်မကို တိုက်လိုက်တဲ့ကားပိုင်ရှင်ကို ငိုရင်း လက်သီးတွေနဲ့ ထုရိုက်နေတယ်။ မောင်လေးကလည်း "ခင်ဗျားကြီးကို ပြန်သတ်ချင်တယ်။ ကျွန်တော့မမကို ခင်ဗျားသတ်တာ" လို့ အော်ဟစ်ရင်း နံရံတွေကို လက်သီးနဲ့ ထိုးပစ်လိုက်တယ်။
"သမီး အမေ့ကို စကားတစ်ခွန်းလောက် ပြောပါဦး။ အမေ့ရင်တော့ ကွဲပါပြီ။ ခုတော့ သမီးသိပ်စီးချင်တဲ့ကားကြီးက ငါ့သမီးကို အ…"
အမေ အမေ သတိထားပါဦး။ အမေ သတိလစ်တော့မယ်။ ဆရာဝန်တွေ အမေ့ကို တွဲခေါ်ပြီး ထိုင်ခိုင်းလိုက်တယ်။ စိတ်မကောင်းဘူး အမေရယ်။ အမေ့ကို သမီးကြည့်မပေးနိုင်တော့ဘူး။ မောင်လေးနဲ့ အမေ့ဘဝကို ကျွန်မ စိတ်မချဘူး။ ဒါပေမဲ့ အမေရယ်၊ သမီး မျက်ဝန်းထဲမှာ မြင်နေရတယ်။
အဖြူရောင်အလင်းတန်းတစ်ခုပေါ့ အမေ။ ငွေမှုန်လို လက်နေတဲ့ အရာလေးတွေလည်း ပါတယ်။ ပြီးတော့ သိပ်ကိုလှပတဲ့ နန်းတော်လိုလို တိုက်ကြီးတွေ မြင်ရတယ်။ အရမ်းကို လှတယ် အမေ။ အမေ့ပုံပြင်ထဲက နတ်ဘုံအစစ်ကို သမီးတွေ့ရပြီ အမေ။ သမီး အဲဒီကို သွားရမယ်။ အမေရယ် သမီး မက်ခဲ့တဲ့ အိပ်မက်ထဲက ပုံသဏ္ဍာန်အတိုင်းပါပဲ။ တစ်ကယ်တော့ သမီး အပြင်ဘက်မှာ မြင်တွေ့ခဲ့ရတဲ့ တိုက်အိမ်ကြီးတွေထက် အဆတစ်ရာမက လှတယ် အမေ။
အမေ အမေသိရင် ဖြေသိမ့်နိုင်မှာပါ။ မငိုနဲ့တော့နော်။ သမီး ရင်ထဲမှာလည်း အကြိမ်ကြိမ် ငိုကြွေးခဲ့ရပြီးပါပြီ။
အမေ့ရဲ့သမီးလေး မိသောင်ဟာ ကောင်းကင်က နိဗ္ဗာန်ဘုံမှာ ရှိနေတယ်ဆိုရင် အမေ ကျေနပ်လိုက်ပါတော့နော်။

ချောအိမာန် (မန္တလေး)
8-12-2003

(အိပ်မက်စစ်နှင့် အခြားဝတ္ထုတိုများ)