Sunday, September 19, 2010

အောက်ဆီဂျင်မရှိတော့တဲ့ နှလုံးသား


ဒုံး…. ဒုံး… ဒုံး…
``ဟာ အခန်းထဲမှာ ဘာတွေဖြစ်ကုန်ပြီလဲ … သွားကြည့်လိုက်ပါအုံး..``
အခန်းထဲမှာ ကျော်မင်းလွင် ထင်တိုင်း သောင်းကျန်းနေပြီနေမှာ… သူက ဒီလိုဘဲ စိတ်ကြီးပြီး မထင်ရင် မထင်သလို လုပ်တက်တယ်.. တစ်ဆောင်တည်း တစ်ခန်းထဲ အတူတူ နေရတာဆိုတော့ သည်းခံရတာပါဘဲ.. ခုလဲ အပြင်မှာ ရေချိုးပြီး ရှိသေးတယ် အထဲမှာ တဒုံးဒုံးနဲ့ ဘာတွေဖြစ်နေလဲ မသိဘူး  မင်းသွင်က ရေချိုးလက်စနဲ့ လှမ်းအော်ပြီး ပြောတယ်.. သူ့ပစ္စည်းတွေ တစ်ခုခုဖြစ်မှာစိုးလို့ နေမှာ……. တခါတုန်းက မင်းသွင် ဂစ်တာကြီး ထုလိုက်တာ ကွဲရော..  ကျွန်တော် အခန်းတံခါးဖွင့်လိုက်တော့….
``ဟာ`` .. ဟေ့ကောင် ကျော်မင်းလွင် ဘာဖြစ်တာလဲ``
ကျော်မင်းလွင် လက်မှာ သွေးသံရဲရဲနဲ့ ဒါဏ်ရာကြောင့် လန့်သွားတယ်…  ကျော်မင်းလွင် က နံရံကို ဆက်ထိုးဖို့ ဟန်ပြင်လိုက်စဉ်မှာ လက်ကို နောက်ကဖမ်းဆွဲလိုက်တယ်..
``မင်း ဘာဖြစ်နေတာလဲ .. လက်မှာလဲ ဒဏ်ရာရနေပြီ.. ဘယ်သူနဲ့ ရန်ဖြစ်လာလို့လဲ`` ကျော်မင်းလွင် က ခေါင်းရမ်းပြီး နံရံကို ကျန်တဲ့ လက်တဖက်နဲ့ ထပ်ထိုးတယ်…
``ဟာ… မင်းကတော့ကွာ.. စိတ်ငြိမ်ငြိမ်ထားစမ်းပါ ဘာဖြစ်လာတာလဲ ပြော.. လာ .. ကုတင်ပေါ်ထိုင်… မင်းလက် ဆေးထည့်ပေးမယ်``
``ကျော်မင်းလွင်.. ဟာ ဘာဖြစ်တာလဲ`` မင်းသွင်ကရေချိုးပြီး ဝင်လာရင်းမေးတယ်..
``ဒီမှာ ကွာ.. မေးပါအုံး နံရံလက်သီးနဲ့ ထိုးထားတာ.. ဘဖြစ်မှန်းလဲ မသိဘူး``
``ဘာဖြစ်လို့လဲ.. မင်းအိမ်နဲ့ အဆင်မပြေခဲ့ပြန်ဘူးလား``
``မဟုတ်ဘူး… မဟုတ်ဘူးကွာ.. ငါ့ကို ဘာမှ မမေးကြပါနဲ့…``
``မင်းကလဲကွာ သူငယ်ချင်းအချင်းချင်းဘဲ ဘာအဆင်မပြေတာရှိလဲ ပြောရမှာပေါ့ ငါတို့တုန်းကလဲ မင်းကူညီခဲ့တာတွေရှိတာဘဲ``
``အခုဟာက အကူညီယူရမဲ့ ကိစ္စမဟုတ်ဘူးကွ.. တော်ပြီကွာ ငါမပြောပါရစေနဲ့… မင်းတို့လဲ ငါ့ကို ကြည့်မနေပါနဲ့..``
ဆေးထည့်ပေးတော့ စိတ်နဲ့လူ မကပ်သလို ငြိမ်နေပြီ… ကျော်မင်းလွင် မျက်လုံးတွေက တစ်နေရာတည်းစိုက်ကြည့်ပြီး ထွေထွေငေးငေး ဖြစ်နေတယ်.. သူ့မျက်လုံးတွေက ထူးဆန်းစွာ ဒေါသရိပ်မသန်းဘဲ တစ်မျိုး ဘာကြောင့် ဖြစ်နေတာလဲ .. ခါတိုင်း.. သူ့ သူငယ်ချင်းတွေနဲ့ ရန်ဖြစ်လာတာနဲ့ မတူ…….
မိဘတွေနဲ့ အတူမနေဘဲ စိတ်ထင်ရာ လွတ်လပ်ခွင့်ကို အသုံးချဖို့ အဆောင်လာနေတာမို့.. စရိုက်က ခပ်ဆိုးဆိုးပင်.. တစ်ချို့နေရာတွေမှာ စိတ်ကောင်းရှိပေမဲ့… တချို့ နေရာကျ ဂျစ်ကန်ကန် ငွေကိုတော့ တခါတခါ အိပ်ပြန်တောင်းပြီး နောက်ဆုံးနှစ်ကျောင်သား ဘဝကို ပျော်ပျော်နေနေသူ.. အိမ်နဲ့ကလဲ အဆင်ပြေလှတာမဟုတ်…
``ငါခရီးထွက်မယ်ကွာ``
``ဟ.. ဘယ်ဖြစ်မှာတုန်း.. စာမေးပွဲရှိသေးတယ်..``
``စာမေးပွဲ ပြီးမှ ငါတို့ အတူတူသွားမယ် လို့ ပြောထားတယ်လေ… မင်းခံစားနေရတာမဟုတ်သေးဘူး.. ဘာလဲ မင်း ကောင်မလေးနဲ့ အဆင်မပြေဘူးလား``
``မဟုတ်ပါဘူးကွာ.. ငါ အရမ်းစိတ်ညစ်တယ်``
``ငါတို့ ဘာလုပ်ပေးရမလဲ.. မင်းခုလို စိတ်ညစ်တဲ့ ပုံစံ တခါမှ မမြင်ဖူးဘူး..``
မင်းခုလိုဖြစ်နေတော့ ဘာမှန်းမမသိဘဲ .. မပျော်တော့ဘူး``
``ထားလိုက်ပါတော့ကွာ… ``
လောကမှာ ကျွန်တော့် လောက်မိုက်မဲတဲ့ ကောင်ရှိပါအုံး မလား…
ကျွန်တော့် အပြစ်ဒါဏ်ကြောင့် အခု မျက်ရည်ကျနေရပြီ.. ဘဝနဲ့ ချီပြီးပြောရရင် ဆယ်တန်းတုန်းက တစ်ခါဘဲ စာမေးပွဲကျလို့ မရိုက်ဖူးတဲ့ ဖေဖေက လက်သီးနဲ့ ထိုးလို့ မျက်ရည်တစ်ခါဘဲ ကျဘူးတယ်.. ငယ်ငယ်ကလဲ ဘယ်လောက်ရိုက်ရိုက် ပေခံပြီး မငိုခဲ့ဘူး.. ခုတော့ ရင်ထဲက တဆစ်ဆစ်နာကျင်မှုက အလိုလို မျက်ရည်တွေ ဝိုင်းလာစေတယ်.. ကိုယ့်ကိုယ်ကို ခွင့်လွှတ်နိုင်အောင် ဒေါသဖြစ်မိရင်း… ဘယ်လိုလုပ်ရမလဲဆိုတာ မသိနိုင်တော့… ငါဘယ်သူ့ကို ဖွင့်ပြောရမှာလဲ.. ငါဖွင့်ပြောရလောက်အောင် သတ္တိမရှိဘူး.. ငါ့ကိုယ်ငါတောင် ခွင့်မလွှတ်နိုင်တဲ့ကိစ္စ .. ခွင့်မလွှတ်ကြပါနဲ့ကွာ…
`` သုတ `` မင်း မျက်နှာကို ငါမကြည့် ပါရစေနဲ့….
ငါ့အတွေးတွေနဲ့ နေပါရစေ… အရာအားလုံးဟာ .. ကြီးမားတဲ့ ရိုက်ခက်သံတစ်ခုလို လောက မြေပြင်တစ်ခုလုံး တုန်လှုပ်သွားသလို ခံစား သွားရစေတယ်….
(၂)
``ဟေ့ကောင်.. ဒီနေ့ ဘယ်လိုလဲကွ .. အခြေအနေ တိုးတက်ရဲ့လား``
သုတ  က ခေါင်းခါတယ်
``မင်းကွာ .. အသုံးမကျလိုက်တာ.. ကိုယ့်ကောင်မလေးတောင် ကိုယ်မပီဘူး``
``ဟာ.. မင်းတို့ ပြောသလို မဖြစ်နိုင်ပါဘူး .. ငါ့ကိုစိတ်ဆိုးသွားရင် ဘယ်လိုလုပ်မလဲ``
``အဲဒါကြောင့် မင်းကို မိန်းကလေးတွေရဲ့ အထာမနပ်ဘူးလို့ ပြောတာပေါ့``
``မင်းကောင်မလေးကို အပိုင်းသိမ်းပိုက်ထားလိုက် .. စိတ်ဆိုးစရာမရှိဘူး.. ဒါမှ သူလဲ နောက်တစ်ယောက် မပြောင်းမှာ``
``သူက ငါ့ကို ချစ်ပါတယ် မပြောင်းပါဘူး``
``မင်းက အစိမ်းသက်သက်ကို ဒီတစ်ယောက်ထားပြီး .. ဒီတစ်ယောက်ို အရူးအမူးဖြစ်နေတာ.. မင်း ငါ့ကို မမြင်ဘူးလား .. နှစ်ယောက် တပြိုင်ထည်းထားတာတောင် ဘယ်သူက စိတ်ဆိုးလဲ .. သူတို့ကို အပီသိမ်းသွင်းထားလိုက်တာ ဟား.. ဟား..``
ကျော်မင်းလွင် က ရယ်ရင်း  သုတ ကို ခေါင်းအုံးနဲ့ လှမ်းပြစ်တယ်…
``မင်းအခြောက်ပုံစံ လုပ်မနေနဲ့ .. ကြာရင် ခြောက်သွား အုံးမယ်.. မင်းသွင်ကို ကြည့် ငါ့ရဲ့ လက်ချာတွေကို အပြည့်အဝ အသုံးချလိုက်တာ.. သူ့ကောင်မလေးဆို ခွာတောင် မခွာနိုင်တော့ဘူး``
``ဟုတ်တယ် သုတ  တခါတလေကျ မိန်းကလေးတွေက တစ်မျိုးဘဲ .. သူတို့ ရက်ရောစွာပေးတဲ့ သစ်သီးကိုစားရတာ သိပ်အရသာမရှိဘူး.. စေတနာမရှိတရှိလေးပေးမှ စားသုံးရတာ ပိုအရသာတွေ့တာကွ.. ပြီးတော့ ပိုပြီး ရင်းနှိးသွားသလို စိတ်ချင်းလည်း ပိုနားလည်သွားတယ်``
``ငါတို့က ရည်းစားဖြစ်တာ မကြာသေးတော့.. ``
``မင်းကလဲ သတ္တိမရှိလိုက်တာ လွန်နေတာဘဲ``
``မဟုတ်ပါဘူး.. ငါက ငါ့ကောင်မလေးကို ဘာမှ မလုပ်ရက်ဘူး.. နမ်းချင်ရင်တောင် တခါတလေလေးမှ…``
``ဟား… ဟား.. ဟား.. မင်းကွာ ရယ်ရတယ်.. ခြောက်တယ်ပြောတော့လဲ မခံနိုင်ဘူး .. အဲဒီလို သွားလုပ်နေရင် ဟိုက နောက်တစ်ယောက်နောက် ပါသွားလိမ့်မယ်.. ဒီခေတ်ကြီးထဲမှာ မင်းလို အရိုးစွဲနေတဲ့သူ ရှာမှရှားဘဲ… ခေတ်နဲ့ အမှီလိုက်နိုင်ဖို့ ငါ့ဆီမှာ ပညာယူလိုက်အုံး … မင်း အစမို့လို့ပါကွာ…
နောက်တစ်ပါတ်ကျ မင်းကောင်မလေး နဲ့ တွေ့မှာ ဟုတ်လား…
ငါ လက်ချာပေးမယ်``
``တော်ပါပြီ ကွာ``
``ခက်နေပါပြီ.. ဉာဏ်ပူဇော်ခ တပြားမှ မယူဘူး ဒီလိုဆရာမျိုး ရှာကြည့်အုံး အခြောက်ကလေးရဲ့``
သုတ က သူ့ကို အခြောက်လို့ ခေါ်ခံရတာကြောင့် မျက်နှာပျက်ပြီး မခံချင်စိတ်နဲ့…
``ငါ့ကို အခြောက်လို့ မခေါ်ပါနဲ့ .. ငါယောက်ျားပါကွ.. မင်းတို့ဆီမှာ ဒီတညတော့ တပည့်ခံလိုက်မယ်``
``ဟား… ဟား.. ဟား…. ဒီလိုမှပေါ့ကွ .. ကျော်မင်းလွင်ရဲ့ ဒုတိယ တပည့်ကျော်ပေါ့…
သုတ က ကျွန်တော့်တို့ထဲမှာ အရိုးသားဆုံး ယောကျာ်းလေးတစ်ယောက်ပါ၊ ဘယ်အရာမဆို စဉ်းစားချင့်ချိန်လွန်းစွာ လုပ်တက်တယ် .. ပြောလိုက်ရင်လည်း ဘာမှ မသိသလိုလိုနဲ့ သူ့ကိုယ်သူလဲ မိန်းကလေးတွေနဲ့  ကင်းရှင်းကြောင်း လေလုံးထွားတက်တာကြောင့်… ကျွန်တော်တို့ သူ့ကိုမြှောက်ပေးမိတယ်… နောက်ဆုံးတော့ မခံချင်စိတ်နဲ့ ယောက်ျား မာန တက်လာပြီး … ``ငါမင်းတို့ ထက် မညံ့စေရဘူး`` လို့ ဟစ်ကြွေးသွားတယ်.. အမြဲတမ်း အခန်းထဲ ဝင်လာတိုင်း ကျွန်တော်တို့ မေးလိုက်ရင် ကျဆုံးခန်း ဝင်လာတဲ့ သူက ကျွန်တော်တို့ စကားတွေကို မခံချင်စိတ်နဲ့ ခုခံလာချင်ပုံရတယ်.. အဲဒီလိုဖြစ်အောင်လဲ သူ့စိတ်ကို အပြတ် နှိုးဆွပေးလိုက်တယ်….
သူ့ကောင်မလေး နဲ့ ပတ်သတ်ရင် အဖြစ်သည်းပြီး အချစ်ကြီးလွန်းတယ် .. မိတ်ဆက်ပေးဖို့ကိုလည်း သဝန်တိုတက်တယ်.. ကောင်မလေးပါးလေးနမ်းဖို့ကိုတောင် .. ပါးရိုက်ခံရမှာကြောက်တဲ့ကောင် .. ကျွန်တော်တို့ ပြောတော့ လက်ထပ်မယ်လို့ အတည်ရည်စူးထားတာမို့ .. သူ့ကောင်မလေး စိတ်ဆိုးသွားမှာကို သေမလာက်ကြောက်တဲ့သူ.. ဒါပေမဲ့ ကျွန်တော်တို့ရဲ့ စကားလုံးတွေကို သူကြာရှည်မခံနိုင်တော့ဘူး… အဓိက ကတော့ သူ့ကို အခြောက်လို့ ပြောရင် အရမ်းစိတ်ဆိုးတယ်… သူ့အားနည်းချက်တွေကို သိထားတဲ့ ကျွန်တော်တို့က .. သူ့စိတ်ကို ပိုပြီး မခံချင်အောင် မြှောက်ပေးမိတယ်…
အဲဒီညက .. လကြီး ထိန်ထိန်သာ နေပါတယ်.. မှတ်မှတ်ရရ ကျွန်တော်တို့ ညဥ့်နက်မှ အိပ်ဖြစ်တယ်….
………
ဒီနေ့ မင်းသွင်နဲ့ ကျွန်တော် သုတ အစား ရင်ခုန်နေမိတယ်… သူ့ကောင်မလေး နဲ့ တွေ့ဖို့ သွားတယ်… ကျွန်တော်တို့ကိုလည်း ကတိပေးသွားလေရဲ့ … တံခါးခေါက်သံအကြားမှာ ကျွန်တော် မင်းသွင်ကို မျက်စပစ်ပြလိုက်တယ်… မင်းသွင်က တံခါး ဂျက်ကို သွားဖွင့်ပေးတယ်.. သုတ  က အခန်းထဲဝင်လာပြီး အိတ်ကို အိပ်ရာပေါ်ပစ်ချရင်း . ကျွန်တော်တို့ မမေးခင်မှာဘဲ လက်မထောင်ပြတယ်..
``ဟား … ဟား… တော်တယ်ကွာ ဒါမှ ငါ့တပည့် … လုံးဝ အိုကေတယ်မဟုတ်လား``
``မင်းတို့ ငါ့ကို အခြောက်လို့ မခေါ်ရတော့ဘူး``
``အေးပါကွာ … မခေါ်တော့ပါဘူး .. ကောင်မလေး စိတ်ဆိုးလား``
``ငါ့ကို အရမ်းချစ်တော့ မဆိုးပါဘူး``
``ငါမပြောဘူးလား.. မဆိုးပါဘူးလို့ .. ဝမ်းသာတယ် သူငယ်ချင်း ကဲ ဒီနေ့ညနေ မီးမီး နဲ့ ချိန်းထားလို့  ရေသွားချိုးလိုက်အုံးမယ်.. အိုကေ .. သူငယ်ချင်း``
ကျွန်တော်ည ပြန်လာတော့ အိပ်မပျော်ဘဲ ရှိနေသေးတဲ့ သုတ ကို တွေ့ရတယ်..
``ဟေ့ကောင် မအိပ်သေးဘူးလား.. ဘာလဲ .. သတိရနေတာလား``
``ငါ ပြန်တွေးရင်း .. ငါ့ကိုယ်ငါ ဒေါသဖြစ်နေမိသလိုဘဲ … မှားပြီးလားလို့ လဲ တွေးမိတယ်…``
``ဟာ … မင်းကလဲ အတွေးလွန်ပြန်ပြီ .. ပြီးသွားတာကို ပြန်တွေးမနေနဲ့ ဘာမှ မမှားဘူး .. အိပ်ကြစို့```
တကယ်တော့ သူ အိပ်ရာဝင်ပေမဲ့ အိပ်မပျော်ခဲ့မှန်း ကျွန်တော် သိတယ် ကျွန်တော် သူ့ကို ကြည့်ပြီး ကျိတ်ပြုံးပြုံးမိနေသေးတယ်.. သူ့ကောင်မလေး ကို သူခေါ်တဲ့ ``ဂျူးဂျူး`` ကလွဲပြီး ကျွန်တော်တို့ ဘာမှမသိ .. သူ့ကောင်လေး လောက် အိနြေ္ဒ သိက္ခာကြီးတာ မရှိတဲ့ အကြောင်း မကြာခဏ ပြောတက်လွန်းတာကြောင့် ကျွန်တော်နဲ့ မင်းသွင် သုတ ကိုမြှောက်ပေးခဲ့တာ… ကဲခုတော့ နှစ်ယောက်စလုံး ဘာတက်နိုင်သေးလဲ နောက်ဆိုရင် သူ့ဆီက အဲဒီစကားတွေ ကြားရတော့မှာ မဟုတ်… နောက်ဆုံး.. အချစ်ဆိုတာ ဘာမှ မဟုတ်ပါဘူး.. လို့ တွေးရင်း ကျွန်တော် သဘောကျစွာ ပြုံးမိသေးတယ်……
(၃)
ဒီနေ့ ပိုက်ဆံ အသုံးပြတ်သွားလို့ … အိမ်ပြန်ခဲ့တယ်… အိမ်မှာ ဘယ်သူမှ မရှိဘူး… အလှူသွားကြတယ်တဲ့.. ခိုင်းတဲ့ ကောင်မလေးသာ ကျန်ခဲ့တာမို့ .. ပိုက်ဆံစုတက်တဲ့ ညီမလေး ``နေရီသွင်`` အခန်းထဲဘဲဝင်ခဲ့တယ်… ခါတိုင်းလဲ အံဆွဲထဲက ညီမလေး ပိုက်ဆံအိတ်ကို နှိုက်ပြီး စာရေးထားနေကျမို့ အံဆွဲကိုဖွင်တော့ ပိုက်ဆံအိတ် မတွေ့ဘူး…. တခြားနေရာမှာလဲ မတွေ့… ဒါနဲ့ စားပွဲပေါ်က စာအုပ်တွေကြားထဲများ ညှပ်ထားမလားလို့ ရှာကြည့်သေးတယ်… ပိုက်ဆံတော့ တွေ့ဘူး … စာအုပ်တစ်အုပ်ကြားထဲက ဓါတ်ပုံ တစ်ပုံထွက်ကျလာတယ်…..
ကျွန်တော့် မျက်လုံးတွေ ဓါတ်ပုံကိုကြည့်ရင်း ပြူးကျယ်ဝိုင်းစက်သွားတယ်… ရင်တွေလည်း တဒိန်းဒိန်း ခုန်လာတယ်….
ဓါတ်ပုံက သုတ ရဲ့ ဓါတ်ပုံဘဲ …. ဓါတ်ပုံရဲ့ နောက်ကျောမှာ.. ချစ်ဆုံး ဂျူးဂျူး အတွက် အမှတ်တရ သုတ လို့ ရေးထားတဲ့စာက ကျွန်တော့်ကို ပိုပြီး သွေးပျက်သွားစေခဲ့တယ်… ညီမလေးနဲ့ သုတဟာ ချစ်သူတွေဖြစ်နေတယ်လို့ လုံးဝ မသိခဲပေ…… သုတ ကလဲ လျှို့ဝှက်လွန်းသူမို့ ဘာမှမသိခဲ့ရ .. ခုတော့ … သွားပြီ … ကျွန်တော့်ခေါင်းကို ကိုယ့်လက်နဲ့ရိုက်ရင်း ယူကျုံးမရ ဖြစ်မိတယ် … ခုတော့ ညီမလေးဟာ … ကျွန်တော့်ကြောင့် ဒုက္ခရောက်ပြီ … နှမချင်း မစာနာဘဲ မြှောက်ပေးမိတဲ့ ကိုယ့်အပြစ်ကြောင့် ခု ကိုယ့်ညီမဖြစ်နေပြီ……
အားလုံး ငါ့အပြစ်တွေပါ… ရိုးသားတဲ့ သုတ ရဲ့ စိတ်ဓါတ်ကို ချိုးနှိမ်ခဲ့တာ ငါ့အပြစ်ပါ .. သုတ မင်းမှာ အပြစ်မရှိပါဘူး… ငါဘယ်လို လုပ်ရမလဲ… မင်းကို  ငါဘယ်လို ရင်ဆိုင်ရလဲ … မင်းတို့နှစ်ယောက်ရဲ့ ဖြူစင်ခြင်းကို ငါ…. အရောင်ဆိုးခဲ့တာ…. မင်းရော ညီမလေးရော … ငါ့ကို မခွင့်လွှတ်ကြပါနဲ့….
ခု ငါ့ရင်ထဲမှာ …. ဒီအစိုင်အခဲကြီး တစ်ခုက ဝင်ရောက်ပြီး အချိန်ပြည့် စိုးမိုးနေတယ် … ငါအရမ်းခံစားရတယ် .. မင်းရဲ့ မေးခွန်းတွေကို ငါဘယ်လို ဖြေရမလဲ … တစ်ချိန်ကျရင် ငါနဲ့ နေရီ  မောင်နှမဆိုတာ မင်းသိလာမှာဘဲ … မင်းဘယ်လိုရင်ဆိုင်မလဲ … အတွေးတွေနဲ့ ရှုပ်လိုက်တာ… ဒီအပြစ်တွေကို ငါ…. ဘယ်မျက်နှာနဲ့ မင်းကို ပြောပြနိုင်မှာလဲ … ငါတို့တွေ ဝေးသွားကြရင် ကောင်းမယ် …
…………..
တံခါးဖွင့် … ဟေ့ … တံခါးဖွင့်အုံး …
``ဟာ …. သုတ  … မင်း နောက်ကျလှချည်လား ကွာ…``
``ဟင် … သုတ အရက်တွေ သောက်လာတယ်``
``ဟုတ်တယ်……``
``ထူးဆန်းလိုက်တာ …. ငါတို့လဲ မပါဘဲနဲ့ … ခါတိုင်း တိုက်ရင်တောင် သောက်တာ မဟုတ်ဘူး ဘာဖြစ်လာတာလဲ ``
``ဘာဖြစ်လာတာလဲ … ဟား… အရက် သောက်တယ်ကွာ … စိတ်ညစ်လို့ … ညစ်ယုံတင်မကဘူး … သေပစ်လိုက်ချင်တယ်… လောကကြီးရေ … ဒီကောင့်ကို သေခွင့်ပေးပါအေ့….``
``သိပ်မအော်နဲ့ …. ဘာဖြစ်လို့လဲ …``
``မင်းတို့လေ… မင်းတို့ … သုတ ဆိုတဲ့ ကောင်ရဲ့ သူငယ်ချင်းကောင်းကြီးတွေ ငါဆရာကိုးကွယ်မှားသွားပြီ… အေ့ … ဘဝမှာ ဂျူးသိပ်ကြိုက်လို့ ငါက ချစ်စနိုးနဲ့ ဂျူးဂျူး လို့ ခေါ်တာ… သူက ဒီနေ့ ငါ့ကို ဘာပြောတယ်မှတ်လဲ…. ငါ့တသက်မှာ… အကြောက်ဆုံး စကားတွေကို သူ့ပါးစပ်က ရက်ရက်စက်စက် ခြွေချရက်တယ်ကွာ…
``ရှင့်ကိုတခြား ယောက်ျားတွေနဲ့ မတူတဲ့ ယောက်ျားမျိုး မှတ်နေတာ… တဲ့ … ကျွန်မ ရှင့်ကို ပေးလိုက်တဲ့ အချစ်တွေဟာ အဆုံးစွန်ထိ ကုန်ဆုံးသွားပါပြီ… နောက်ဆိုရင် ကျွန်မနဲ့တွေ့ဖို့ ဘယ်တော့မှ မကြိုးစားပါနဲ့တော့တဲ့…
ကျွန်မ မုန်းတဲ့ ယောက်ျား အမျုိးအစားထဲမှာ ရှင်လည်း ပါသွားပါပြီ …. ကျွန်မ ရှင့်ကို မေ့လိုက်ပြီ … တဲ့ … ကွာ… ``
သု ကပြောရင်း … မျက်ရည်တွေနဲ့ ငိုပါတယ်…
ကျွန်တော်လဲ ဘာလုပ်ရမှန်း မသိအောင် ဖြစ်ပြီး သုတ ကျောကုန်းကိုဖက်ရင်း … မျက်ရည်ကျမိတယ် …
``သုတ … ငါ့ကို မခွင့်လွှတ်ပါနဲ့ကွာ … မင်းစိတ်ထဲမှာ ရှိသလောက် ဆွဲထိုးပစ်လိုက်စမ်းပါ … ငါခံပါ့မယ်… ငါလဲ ငါ့ကိုယ်ငါ မကျေနပ်ခဲ့တဲ့ ရက်တွေများပြီ … ငါမှားခဲ့ပါတယ်…. နောက်တလဲ ရတယ် …. ``
``မင်းတို့ အပြစ်ချည်းဘဲမဟုတ်ပါဘူး … ကိုယ့်ချစ်သူရဲ့ စိတ်အကြောင်းကို နားလည်နေတဲ့ ငါကိုယ်တိုင် အမှားကို ကျူးလွန်မိတာ .. ငါ့အပြစ်ပါ`` … ငါသိတယ် ဂျူးဂျူး ငါ့ကိုဘယ်တော့မှ ခွင့်လွှတ်တော့မှာမဟုတ်ဘူး … သေချာပါတယ်ကွာ … အေ့ .. ငါ့နှလုံးသား ကလည်း အောက်ဆီဂျင်မရှိတော့တဲ့ နှလုံးသားလို ကြာရင် ရပ်သွားမှာပါဘဲ … ကောင်းပါတယ်…``
ကုတင်ပေါ်ပစ်လဲကျသွားတဲ့ သုတကို ကြည့်ရင်း စိတ်ထဲမှာထိခိုက်ကြွေမွကုန်သလို ခံစားရတယ် … ကျွန်တော် ဝရံတာဘက် ထွက်လာခဲ့တယ် … လကြီး သာပေမဲ့ တစ်ခြမ်းပဲ့ နေတယ် … ဒီလို နက်ရှိုင်းတဲ့ ခံစားမှုမျိုး တခါမှ မခံစားဘူးတာမို့ … ဒီတစ်ခါတော့ ပြင်မရတဲ့ အမှားတွေဟာ ဘယ်အချိန်ထိ ဒါဏ်သင့် နေအုံးမလဲ .. တွေးရင်း … ကြောက်လာမိတယ် …
ဖွင့်ဟ ဝန်ခံခွင့် မရှိတဲ့ ငါ့အပြစ်တွေကို …… ငါကိုယ်တိုင် ခံစား ရင်းနဲ့ဘဲ ပြန်ပေးဆပ်ပါရစေတော့………  

ပိတောက်မြေ မဂ္ဂဇင်း
ချောအိမာန်(မန္တလေး)
11.10.05 : 10:00 P.M

9 comments:

ချော(အစိမ်းရောင်လွင်ပြင်) said...

ဒီပိုစ့်လေးကို ခုခေတ်ကောင်လေးတွေ၊
ကိုယ့်ချစ်သူမိန်းခလေးတွေကို တန်ဖိုးထားရမှန်း မသိတတ်ကြတဲ့သူတွေကို ပေးဖတ်ချင်မိတယ်..
အလွယ်တကူရရင် တန်ဖိုးမထားတတ်ကြတဲ့ လူတွေရဲ့သဘာဝကို မိန်းခလေးတွေလဲ ကောင်းကောင်းသဘောပေါက်စေချင်တယ်..
ကျေးဇူးပါ ဒီပိုစ့်လေးအတွက်။

Anonymous said...

စကားတစ်ခွန်း

တကယ်တော့ ပြဿနာရဲ့ဇာစ်မြစ်ဟာ ကျွန်မစတင်ခဲ့ခြင်း မဟုတ်သလို ကျွန်မက ပြဿနာရှာခဲ့ခြင်းလည်း မဟုတ်ပေ...။ ပြဿနာတွေက ကျွန်မဆီကို တိုက်ရိုက်တစ်မျိုး သွယ်ဝိုက်တစ်မျိုး ရောက်ရှိလာခြင်းဖြစ်တယ်။ဥပမာ တဖွဲ့တနွဲ့ပြောရလျှင် ကျွန်မဟာ အေးစက်နေတဲ့ သံလိုက်တုံးလိုဖြစ်ပြီး ပြဿနာ အစတွေက ထိုသံလိုက်တုံးပေါ် အလျှိုလျှိုနှင့် လာရောက်ကပ်ငြိပတ်သက်နေခြင်းပဲ ဖြစ်တယ်။ကျွန်မဟာ ပြဿနာတွေကို အလွန်မုန်း တတ်သူဖြစ်ပြီး ပြဿနာလုပ်သူ၊ ပြဿနာရှာသူတွေကိုလည်း အလွန်မုန်းသူဖြစ်သည်။ စိတ်ရှင်း ပြီး ရိုးရိုးစင်းစင်းဘဝကို အေးချမ်းစွာ ဖြတ်သန်း ချင်ပေမဲ့လည်း အဲဒီနေ့က မယုပြောပြတဲ့ စကားကြောင့် ရွှေရည်စိုး ဟာ အတော်စကားကို ဗလောင်းဗလဲ ပြောတတ်တဲ့သူဆိုတာကို ကောင်းစွာ သိလိုက်ရ တယ်။ အဲဒီလိုသိလိုက်ရ တဲ့ ခဏမှာပဲ ဆုံးဖြတ်ချက်ချလိုက်တော့တယ်။ ဒါဟာ ဘယ်သူ့ ပယောဂမှ မပါဝင်ဘူးဆိုတာ ကျွန်မကိုယ်တိုင်အသိဆုံးပါပဲ...။
“စကားတစ်ခွန်းကြောင့် လူတစ်ဦးဟာ ပြစ်မှုကြီးသွားနိုင်သလို စကားတစ်ခွန်း ကြောင့် မိတ်ဆွေဖြစ်သွားနိုင်သလို ရန်ဘက်လည်း ဖြစ်သွားနိုင်တယ်။
အဓိကက အဲဒီစကားတစ်ခွန်းဟာ စိတ်ရင်းမှန်ကန်ဖို့လိုတယ်”
`သိပ်သေချာတာပေါ့ မယု။ ကျွန်မ ပြောခဲ့တဲ့စကားအတွက် တာဝန်ယူရဲသလို စိတ်ရင်း အမှန်နဲ့ဆိုတာ ကျိန်တောင်ပြောရဲပါတယ်။ ကျွန်မစကားဟာ သူ့အတွက် သတိပေးစကားပါ။ ဒါကြောင့် စေတနာဟာ လူတိုင်းနဲ့ မထိုက်တန်ဘုးလို့ ထွက်လာ တာပေါ့။ ကျွန်မ လိပ်ပြာ သန့်ပါတယ်”
ရွှေရည်စိုးကို ကျွန်မနဲ့သိတဲ့ အမျိုးသားတစ်ဦးအကြောင်းကို ပြောပြဖူးတယ်။ အဲဒီ အမျိုးသားက ကျွန်မအပေါ် မရိုးသားဘူးလို့ တပ်အပ်မပြောပေမဲ့ လိုတာထက် ပိုကောင်း နေတဲ့ အပြောအဆို အသုံးအနှုန်းတွေနဲ့ ကျွန်မအပေါ်ထားတဲ့ သဘောထားတွေကို သူ့ကို ပြောခဲ့တာက စေတနာနဲ့။ ရွှေရည်စိုးက အဲဒီအမျိုးသားကို အကုန်ပြောပြတယ်။ သူ့ပြန်ပြောတော့ ဟိုအမျိုးသားဘက်က ရိုးသားတယ်၊ ကျွန်မက မရိုးသားတာတဲ့။ သူ့အပေါ်ကိုတော့ ရိုးသားပါတယ်တဲ့။ ကဲ..ရယ်စရာမကောင်းဘူးလား။ စေတနာထားပြီး ပြောမိတဲ့ ကိုယ့်ပါးစပ်ကို အပ်နဲ့သာ ပစ်ဖောက်ဖို့ ကောင်းတယ်။ ကျွန်မ သူ့စိတ်ဓာတ်ကို တော်တော်လေး Lock Down ဖြစ်သွားတယ်။
“တကယ်ဆို ချို့ကိုမေးသင့်တာပေါ့နော်”
“မမေးချင်လည်း နေလေ။ ထင်ရာတော့ လျှောက်မပြောနဲ့ပေါ့။ ကျွန်မ စိတ်ပြတ်တယ် မယု။ စိတ်ထဲမှာ လက်မခံနိုင်တော့ရင် လက်မခံနိုင်တဲ့အတိုင်းပဲ ထားတယ်။ ဟန်မဆောင်ချင်ဘူး။ ကျွန်မ တော်တော် စိတ်ကုန်သွားတယ် မယု...။ သူ အဲဒီလောက်ပဲ အတွေးတိမ်ရသလား။ ကျွန်မဆန္ဒကတော့ ရွှေရည်စိုး ပြောပြတဲ့ စကားတွေအပေါ် သဘောမကျတာ အမှန်ပဲ”
“အေးပါ...ချိုရယ်”
ကြားထဲကနေ စိတ်ရှုပ်နေပုံရတဲ့ မယုကို လည်း အားနာမိတယ်။ မယုနဲ့တွေ့ပြီး ပြန်လာ တော့ စိတ်ထဲ တင်းကျပ်မှုတွေက မသက်သာ။ ရွှေရည်စိုးမျက်နှာကို စေ့စေ့ ကြည့်ကာ ပြောပစ်ချင်ခဲ့တယ်။ ဒါပေမဲ့ ကျွန်မ မမှားတဲ့အတွက် ပြောစရာမလိုတော့ပါ။ငယ်သူငယ်ချင်းလည်းမဟုတ်...။ ပြောမနာဆိုမနာ အတိုင်းအတာထိလည်းမရှိ။ ဒါပေမဲ့ လုပ်ငန်းတူချင်း သွားရာလမ်းတစ်ခုမှာ ခုနစ်နှစ် ကျော်တိုင်တိုင်အထိ မိတ်ဆွေ သူငယ်ချင်းအဖြစ် ပေါင်းဖော်ခဲ့ဖူးပါတယ်။ တချို့နေရာတွေမှာ စိတ်ဓာတ်ချင်းမတူမှန်း သိပေမဲ့ တချို့နေရာမှာတော့ အဆင်ပြေပြေပေါင်းဖော်လို့ရခဲ့ဖူးပါတယ်။သူ့နာမည် ရွှေရည်စိုး။ သူက ရွှေသိပ် ကြိုက်တယ်လို့ ပြောဖူးတယ်။ ဒါကြောင့်လည်း သူ့အမေက အမည်ပေးခဲ့တယ်။ ရွှေရည်စိုးလို့။ သူ့ကို ကြည့်လိုက်ရင် လက်ကောက်၊ ရွှေဆွဲကြိုး၊ နားကပ်တွေ တစ်မျိုးပြီးတစ်မျိုး ကိုယ်ပေါ်မှာ ရှုပ်ယှက်ခတ် နေတတ်တယ်။
သူ့အမေသေတော့ အမွေရထားတဲ့ စိန်နားကပ်ကြီးဝတ်ပြီး နားဟောင်းလောင်း ဖြစ်နေတဲ့ ကျွန်မကို နားကပ်တစ်ရံတော့ ဝယ်သင့်တယ်လို့ မကြာခဏ ပြောဖူးတယ်။ ကျွန်မက ဝါသနာမပါ။ တစ်ခါတလေမှသာ ဖန်စီနားကပ်လေး ဒါမှမဟုတ် ပုလဲနားကပ် သေးသေးလေးသာ ပန်တတ်တယ်။
သူမက အဝတ်အစားတွေကိုတော့ ပိုက်ဆံရှိသူပီပီ ကြေးတန်တန်တွေကို ကိုင်တတ်တယ်။ လိုအပ်တာထက် ပိုတတ်တဲ့ အယူအဆ၊ အနေအထိုင်၊ ခံယူချက်နဲ့ အတ္တတွေရှိတယ်လို့ သူမ မိတ်ဆွေတချို့က ဝေဖန်တာကို ကြားဖူးခဲ့တယ်။ တကယ်လည်း အဲဒီလိုပဲဖြစ်ပြီး တစ်ခါတလေ သူမစိတ်တွေဟာ အစွန်းရောက်ခြင်းကနေ ကြောက်စရာ အသွင်သဏ္ဌာန်ကို ကူးပြောင်းသွား သလားလို့တောင် ထင်ရတယ်...။
သူငယ်ချင်း ဆရာဝန်က normal မဖြစ်နိုင်ဘူးလို့ ပြောတယ်။

Anonymous said...

“ကျွန်တော်သိသလောက် ချို့မိတ်ဆွေကို ဝေဖန်ရရင် သူဟာ ကိစ္စကြီးကြီး တစ်ခုကို ရင်ထဲကနေ နက်နက်ရှိုင်းရှိုင်း ဆုံးရှုံးထားခဲ့ပုံရတယ်။ ဒါကြောင့် သူ့ရဲ့လက်ရှိ စိတ်တွေဟာ အမြဲအနိုင်လိုချင်နေတယ်။ ဘယ်နေရာမှာပဲဖြစ် ဖြစ် အမြဲဆုံးရှုံးမှာ ကြောက်နေတယ်။ လူအများရှေ့မှာ သိမ်မွေ့ယဉ်ကျေးတဲ့ ဟန်အမူအရာတွေရှိပေမဲ့ သူတစ်ဦးတည်းရှိချိန်ဆို ခပ်ဆိုးဆိုး စရိုက်ကြမ်းတွေ ရှိနေတတ်မယ်။ စိတ်ကူးမယဉ် သလိုလိုနဲ့ စိတ်ကူးအင်မတန်ယဉ် နေတတ်ပြီး သူ့ရဲ့စိတ်ကို အမှန်မမြင်ရအောင် အမြဲတစ်ခုခု ကာဗာလုပ်ထားလိမ့်မယ်။ မရွှေရည်စိုးရဲ့ မျက်လုံးတွေဟာ တစ်ခါတလေ တော်တော်ကြီးကို ကြောင်စီစီနိုင်လိမ့်မယ်”
ဟုတ်တာပေါ့။ ကျွန်မ အပါအဝင် ကျွန်မ မိတ်ဆွေတွေတောင် သူ့မျက်လုံးတွေကို သတိထားမိတယ်။
`ချို...ရှင့်သူငယ်ချင်းတွေက တစ်ခါတလေ ကြောင်စီစီနဲ့...။ ဘယ်လိုကြီးလဲ မသိ ဘူးနော်...’တဲ့။
“ဆရာ ကျွန်မသူ့ကို အင်မတန်ပွင့်လင်း ခဲ့သူလို့ ယူဆခဲ့တယ်။ ဒါပေမဲ့ ကျွန်မ နောင်မှ သိလိုက်ရတာက ကာဗာတစ်ခုအတွက် ကိုယ်ကိုယ်တိုင် ပွင့်လင်းရိုးသား ချင်ဟန်ဆောင်တာပါ”
“လူတစ်ယောက်ဟာ ကိုယ့်စိတ်အမှန်ကို ကာကွယ်ချင်ရင် သူ့မှာရှိတဲ့ အကောင်းဆုံး အရည်အချင်းတစ်ခုကို ပေါ်ပေါ်ထင်ထင် ပြသပြီး ကာကွယ်တတ်တယ်။ ဒါမှလည်း သံသယမရှိမှာလေ။
သူ့မှာ ပုံမှန်နဲ့မတူတဲ့ ဘယ်လိုအပြုအမူတွေ ရှိလဲ”
“ကျွန်မ သူနဲ့ ခရီးလေးခေါက်လောက် ထွက်ဖူးတယ်ဆရာ။ တောင်ကြီး၊ မြစ်ကြီးနား၊ လားရှိုး၊ မုံရွာပေါ့။ ညတွေဆို သူ သိပ်ညဥ့်နက်မှ အိပ်လေ့ရှိတယ်။ ဖြစ်ရိုးဖြစ်စဉ်မဟုတ်တဲ့ အတိုင်းထက်အလွန် ရွံရှာမှုတွေရှိတယ်။ ဥပမာ ပိုးဟပ်တစ်ကောင် အတွက် သူ့ရဲ့ရွံရှာမှုက အိပ်မပျော်နိုင်အောင် ကဲကဲစပ်ဖြစ်တယ်။ သောက်ရေခွက်ကို အတူတူ သောက်လေ့မရှိဘူး။ နောက် ရှက်ချင်တဲ့ကိစ္စဆို အရမ်းရှက်။ ဂုဏ်သိက္ခာ၊ ကိုယ်ကျင့်တရားနဲ့ ပြောတတ်ပြီး တစ်ခါတလေ မရှက်ချင်မရှက်ဘူး။ ဒီလိုဆရာရယ်... ရှက်သင့်ကိစ္စကို မရှက်ဘဲ မရှက်သင့်တဲ့ကိစ္စကျ ရှက်နေတာ။ စိတ်အစွန်းရောက်သလို အဲ...အဝတ်အစားတွေကိုလည်း အကြိမ်ကြိမ် ပြန်လဲတတ်တယ်။ ပစ္စည်းချင်းအတူတူ ဆိုင် တစ်ဆိုင်ထဲက အတူတူ ဝယ်တာတောင် သူ့ ပစ္စည်းက ပိုကောင်းတယ်လို့ ထင်တဲ့အစားမျိုး။ ယောကျာ်းတွေကိုတော့ မုန်းတီးစိတ် နည်းနည်း ရှိပုံရတယ်”
“ဘာဖြစ်လို့လဲ။ သူက အပျိုလား”
“အပျိုပါ။ သူ သိပ်ချစ်တဲ့ အမျိုးသား တစ်ဦးနဲ့ ကွဲပြီးနောက်ပိုင်း အချစ်ခံစားမှုကို အလေး မထားဘဲ နေနေတော့သလိုပဲ”
“အဲဒါ အဓိကအချက်ပဲ ဖြစ်လိမ့်မယ်”
“အခု ကျွန်မအမျိုးသားနဲ့ကိစ္စကို ချိုက ငွေမက်လို့ ဆိုပြီး ပြောတယ်။ ကျွန်မ သည်းခံ ပါတယ်။ အတိုင်းထက်အလွန် စည်းလွန်တဲ့ ကိစ္စတွေကိုတော့ လက်မခံနိုင်ဘူး ဆရာ။ သူ့ အကြောင်းတွေကို ကျွန်မ ကောင်း၏ ဆိုး၏ ဘာမှ မဝေဖန်ဘူး။ ဒါက လူတစ်ယောက်မှာ ရှိတဲ့ အခွင့်အရေးနဲ့ right ကို ထည့်တွက်ရ မယ်။ အဲဒီလို ထည့်မတွက်တဲ့သူဟာ သူငယ်ချင်းမိတ်ဆွေလို့ ပြောပေမဲ့ ကျွန်မ မယုံနိုင်တော့ဘူး”
“ငွေမက်လို့ဆိုတော့ ချို့အနေနဲ့ ဘာတွေမှာ အကြီးအကျယ် ပြောင်းလဲနေလို့လဲ”
“ဟုတ်တယ်လေ။ သူ ဒီစကားကို မပြောသင့်ဆုံးပဲ ကျွန်မ တော်တော်လေးဒေါသ ဖြစ်မိသလို စိတ်မကောင်းလည်း ဖြစ်မိပါရဲ့။ ဒီတော့ ဆရာ ကျွန်မတို့ ဆက်ဆံရေးဟာ ကောင်းနိုင်ပါဦးမလား။ ကျွန်မက မချမ်းမြေ့တဲ့စိတ်တွေကို သယ်ဆောင်မသွားဘဲ နင်းချေပစ်ချင်တာ။ တစ်ယောက်တန်ဖိုးကိုတစ်ယောက် နားလည်ရင် မကောင်းဘူးလား ဆရာ။ ဒါပေမဲ့ အဲဒီလို ဖြစ်မလာခဲ့ဘူး။ ဆန့်ကျင်ဘက်နှစ်ခုဟာ ကြာရှည်စွာ မနေအပ်ဘူး ဆိုတဲ့အတိုင်းပဲ။ ကျွန်မက ပုဂ္ဂလိကခံစားမှုတွေ၊ မျှော်လင့်ချက်၊ ဆာလောင်မှုတွေ လိုအင်တွေနဲ့ ဘဝကို တိမ်တိမ်လေး ဖြတ်သန်းချင်တာမှ မဟုတ်တာ။ လောက အပေါ် တာဝန်ကျေမှ လွတ်လပ်တာလေ။ ဘဝကိုနားလည်မှ လောကအပေါ်မှာ တာဝန် ကျေကြတာပါ။ ဟန်ဆောင်တာဝန်ကျေတာ ဘာလုပ်ဖို့လဲ။ ဘဝကို တည်ဆောက်ခွင့်ရနေ တာကိုက ပျော်စရာကောင်းနေတာလေ။ မဟုတ် ဘူးလား ဆရာ”
“သိပ်ဟုတ်တာပေါ့။ အခု ချိုပျော်နေပြီ လား”
“ပျော်နေပါတယ်။ သက်သောင့်သက်သာ နဲ့ကို ပျော်တတ်နေပါပြီ။ ဆရာတို့လို အဘိုးကြီး အရွယ်ကို ကျွန်မတို့က မကြာခင် ရောက်လာ တော့မှာလေ။ စတာနော် ဆရာ”
“ရပါတယ် ချိုရယ်။ ဆရာက ဘယ် ပြဿနာမဆို စိတ်ဝင်စားတတ်တဲ့Óဉ် ရှိ ပါတယ်”
“ချို့မိတ်ဆွေအကြောင်း ဆက်ပါဦး”
“ဟုတ်ပါရဲ့ လမ်းလွဲသွားတယ်။ သူနဲ့ ကျွန်မ ပဲခူးနဲ့ပုဂံလို အရှေ့နဲ့အနောက်တွေ ဖြစ်လာတယ်။ သူ့ဘက်ကကြည့်ပြီး သူမှန်တယ်လို့ ယူဆချင်လည်း ယူဆမှာပေါ့။ သူ ကျွန်မ အပေါ်မှာ မှားတဲ့အမှားတွေကိုတော့ ဖုံးကွယ် ထားတတ်တယ်။ ကျွန်မစိတ်ထဲမှာ နာကျင်စရာ တွေ များတာနဲ့အမျှ ပေါက်ကွဲလုလုတွေ ဖြစ်ချိန် မှာ...အိမ်က ဆင်ခြင်ဖို့ ပြောပါတယ်။ ကျွန်မ ဆင်ခြင်မိပါတယ်။ ဒါပေမဲ့ လှေကားထစ်တွေ က ရှိနေတော့ တက်ချင်နေတာပေါ့ဆရာ။ စည်း ဆိုတဲ့စကားကို နားမလည်ကြဘူးထင်ပါရဲ့။ စည်းဆိုတာ သူ့ဘက်ကိုယ်ဘက် ပိုင်ဆိုင်တယ်လေ။ စေတနာကို အစော်ကားခံလိုက်ရသလို ခံစားရတယ်။ စိတ်လည်းကုန်သွားတယ်”

Anonymous said...

“ချို...ဒါမျိုးတွေ ကြုံတွေ့ရတတ်ပါ တယ်။ ကိုယ်က ဆရာဝန်ဆိုတော့ ပိုဆိုးတယ်။ အမျိုးသမီးနဲ့ ကိုယ့်ကြားမှာ အမြဲဖြေရှင်းနေရ တယ်။ သူတို့ပါးစပ်လှုပ်တိုင်း လိုက်လှုပ် လိုက်ရှင်းနေရရင် အချိန်ကုန်တယ်။ ဥပေက္ခာနဲ့ နေလိုက်တော့ အေးရော”
“ဟုတ်ပါတယ်ဆရာ။ မလိုလားအပ်တဲ့ အတိုက်အခိုက်တွေကလည်း လူမမြင်ရဘဲ အများကြီးပါ။ ကျွန်မ ရယ်ချင်နေတာက အပြု အမူနဲ့ စိတ်ဓာတ်တွေကိုပါ။ လူတွေ ကိုယ့် အလုပ်ကို ကိုယ်လုပ်ရင် ဘယ်လောက်ကောင်း မလဲလို့။ နောက်ကွယ်ကနေ ကျွန်မကို အလဲထိုးဖို့ စဉ်းစားအကွက်ချလုပ်တော့ အကျိုးတွေ သိပ်ရှိသွားရောလား။ ကျွန်မရဲ့ အပြုအမူတိုင်းဟာ အမှန်တွေလို့တော့ မပြောလိုပါဘူး။ ဒါပေမဲ့ ကျွန်မ သူများအပေါ် စိတ်ပုပ် စိတ်ယုတ်နဲ့ မယုတ်ညံ့ခဲ့တာတော့ သေချာပါတယ်။ အားလုံး ကိုယ့်သမိုင်း ကိုယ်ရေးကြတာ မှန်ပေမဲ့ ကိုယ်တိုင်ကရော ဘယ်လောက်အကျိုးပြုသမိုင်း တွေ ရေးပြီးထားကြလို့လဲ”
“ဟုတ်ပါတယ် ချို။ လူတွေဟာ ဒီလိုပါ ပဲ။
ကဲ...ချို ကိုယ်ပြန်ဦးမယ်။ စကားလည်း ပြောကောင်းပါရဲ့။ နောက်နေ့ မနက် အရေးကြီးတဲ့ လူနာတစ်ဦး ကြည့်စရာရှိတယ်”
“ကောင်းပါပြီဆရာ”
“နောက်မှ ဆက်ဆွေးနွေးကြတာပေါ့”
“ဒီတစ်ခါတော့ ဆရာ့အတွေ့အကြုံအသစ် အဆန်းတစ်ခု ပြောပြပေါ့”
“ကောင်းပါပြီဗျာ...”
ဆရာ့ကားထွက်သွားတာကို ခပ်ဝေးဝေးအထိ လိုက်ကြည့်နေမိတယ်။ ဒီလိုပါပဲ ဆရာနဲ့ ကျွန်မဆုံတိုင်း ခေါင်းစဉ်တစ်ခုအောက်မှာ ဆွေးနွေးကြတာ။ သူ့အကြောင်း၊ ကိုယ့်အတွေ့ အကြုံတွေအကြောင်းပြောရတာ။ ကျွန်မတို့ နှစ်ယောက်စလုံး သဘောကျ ကျေနပ်မိကြတယ်။
တစ်ခါတလေ အတ္တဆိုတာက လူသားတို့ ရဲ့ သာယာချမ်းမြေ့တဲ့ အရိပ်အမြုံကို တိုက်ခိုက် တဲ့ တရားခံစင်စစ်။ ကျွန်မလည်း ပုထုဇဉ် လူသားမို့ အတ္တရှိမှာပါပဲ။ ဒါပေမဲ့ ပါးနိုင် သလောက် ပါးနိုင်အောင် လှီးထုတ်နေကြရတာ မဟုတ်လား။ ကျွန်မ မနှစ်မြို့နိုင်တဲ့ ကိစ္စတွေကို တော့ မလုပ်နိုင်တာ ကျွန်မအတွက် ဖြစ်သင့်ဖြစ်ထိုက်သော အမှန်တရားပင်။ရွှေရည်စိုးကို မုန်းစိတ်မရှိပါ။ သို့သော် မပေါင်းသင်းလိုသော ဆန္ဒက ကျွန်မမှာ အပြည့် အဝရှိနေခဲ့တယ်။ ကျွန်မအပေါ် အပြောခံခဲ့ရတဲ့ စကားအခွန်းတိုင်းကို မမှတ်သား တတ်ပေမဲ့ စကားတစ်ခွန်းကြောင့် စိတ်ပျက်မှုကိုတော့ ကျွန်မဦးနှောက်နဲ့ နှလုံးသားက အလိုလို မှတ်သားခဲ့ပြီးဖြစ်တယ်။ စကားတစ်ခွန်းနဲ့ နောက်စကားတစ်ခွန်း အခွန်းတွေ ဆက်ပြီးလို့ တွေးမိတော့ အမေပြောတာကို သတိရမိတယ်။
“သမီး သူများကို ပြောတော့မယ်ဆိုရင် အထူးဂရုစိုက်ရမှာက ကိုယ့်စကားတစ်ခွန်း အတွက် တစ်ဖက်သားရဲ့စိတ်ထဲမှာ ထိခိုက် နစ်နာမသွားစေဖို့ ဂရုစိုက်ရမယ်။ ကိုယ့်အတွက်ကတော့ ဘာမှမဟုတ်လောက်၊ မဖြစ်လောက်တဲ့ စကားဖြစ်ချင်ဖြစ်မယ်။ တစ်ဖက်သားဟာ ကိုယ့် စကားတစ်ခွန်းအတွက် ခံစားသွားရမှာ၊ နာကျင်သွားရမှာ ဒါမှမဟုတ် စိတ်ပျက်၊ စိတ်ကွက်သွား မှာ ဘယ်တော့မှမဖြစ်စေနဲ့ သမီး”
ခုချိန်မှာတော့ ရွှေရည်စိုးကြောင့် ကျွန်မမှာ လုံလောက်တဲ့ စိတ်ပျက်မှုနဲ့ စိတ်ဒဏ်ရာတွေ ရှိနေခဲ့ပြီ။ အမေပြောသလို ကျွန်မကတော့ ဘာမှ ပြန်လည်တုံ့ပြန် တော့မှာ မဟုတ်တာတော့ သေချာလှပါတယ်။
“ဘာရယ် ဆရာ။ ပြန်ပြောပါဦး”

Anonymous said...

“ဟုတ်တယ်။ ရွှေရည်စိုးဟာ ကိုယ့် သူငယ်ချင်းရဲ့ စိတ်ဝေဒနာရှင် အနုစားလူနာ အနေနဲ့ တိတ်တိတ်လေး ဆေးကုသမှုခံယူနေတယ်။ သူတို့က ဆွေကြီးမျိုးကြီးတွေမဟုတ် လား။ ပကာသနတွေ လွှမ်းမိုးနေသူတွေဆိုတော့ လူ မသိစေချင်ဘူးလေ။ ရွှေရည်စိုးဟာ အရွယ် မတိုင်ခင် အိမ်ထောင်ကျခဲ့တယ်။ နှစ်ဦးနှစ်ဖက် သဘောမတူညီမှုတွေကြားမှာ ကိုယ်ဝန်ဆောင် ခဲ့ရတယ်။ အဲဒီရခဲ့တဲ့ကိုယ်ဝန်ကို သူ့အိမ်က ဖျောက်ဖျက်လိုက်ကြတယ်။ အိမ်ထောင်က လည်း ကွဲသွားပြီဆိုတော့ အဲဒီကစလို့ ချစ်တဲ့ လင်ယောကျာ်းကို ဆုံးရှုံးရသလို ကလေးကို လည်း ဆုံးရှုံးလိုက်ရတဲ့အတွက် အနုစား စိတ်ဝေဒနာ တွယ်ကပ်လာခဲ့တယ်။ အရာရာကို ဟန်ဆောင်စိတ်တွေနဲ့ ဖုံးလွှမ်းပြီး စိတ်အလို မကျမှုတွေ များသည်ထက် များလာတယ်။ အခု ချိုနဲ့ တွေ့ချိန်ဟာ အရင်ကထက်စာရင် အများကြီး ကောင်းလာတာလို့ ပြောလို့ရမယ်။ သူ့ပတ်ဝန်းကျင်မှာ သူ့ကို နားလည်ခွင့်လွှတ် သည်းခံပြီး ပေါင်းမယ့်သူနည်းတယ်။ သူ့ဒဏ်မခံနိုင်ရင် စွန့်ခွာ သွားကြတာပဲတဲ့”
“ဪ...ဟုတ်လား”
“ကိုယ်သိတာကတော့ ရွှေရည်စိုးက ငါ့စကား နွားရ ပြောတတ်တယ်။ သူ့ရဲ့အကျင့် စရိုက်နဲ့ စကားတစ်ခွန်းကြောင့်ပဲ လင်မယား ကတောက်ကဆ ဖြစ်၊ ယောက္ခမတွေ၊ မိဘတွေ ပါရာကနေ နှစ်ဖက်ညှိမရအောင် ပြဿနာ အကြီးအကျယ် တက်ခဲ့ကြတယ်လို့ ပြောတယ်။ နောက်ဆုံးတော့ ရွှေရည်စိုးက သူ့ယောက္ခမတွေဆီ ဒူးထောက်ပြီး တောင်းပန် တာတောင် မရဘူးတဲ့။ ရွှေရည်စိုးက အဲဒီအမျိုးသားကို တကယ်လည်းချစ်တော့ စွန့်လွှတ် ရတဲ့အတွက် အတော့်ကို မခံချိမခံသာဖြစ်ရင်း သေကြောင်းကြံစည်ခဲ့လို့ ဆေးရုံတစ်ခါ ရောက်ခဲ့သေးတယ်တဲ့”
“ဪ်...သူ့ကြည့်တော့ မထင်ရဘူးနော်။ အပျိုအတိုင်းပဲ... ဒီကိစ္စတွေ ချို မသိခဲ့ဘူး...”
“ချို သူ့ကို နောက်ဆုံး ဘာပေးနိုင်သလဲ”
ဆရာ့အမေးကို ကျွန်မ တော်တော် အံ့ဩသွားတယ်။ ဆရာဘာကို ဆိုလို တာပါလိမ့်... အခုချိန်မှာ စိတ်ဝေဒနာရှင်လို့ မပြောရလောက်အောင် သူ ပြန်ကောင်း နေပြီဖြစ်တယ်။ လမ်းမှာ တွေ့တဲ့ ဝေဒနာရှင်တွေကို မေတ္တာ၊ ကရုဏာ၊ မုဒိတာတရားတို့နဲ့ ဆက်ဆံကူညီနိုင်ပေမဲ့ သူမရဲ့ စကားတစ်ခွန်းကြောင့် ကျွန်မဘက်က နောက်ဆုံးပြန်ပေး နိုင်တာ ဥပေက္ခာပဲဖြစ်တယ်။
ဒီအဖြေကို ဆရာသဘောပေါက်ကျေနပ် လိမ့်မယ်လို့ ထင်ပါတယ်။ ကျွန်မက ဆရာ့ကို အဖြေပြန်မပေးရသေးခင်မှာ ဆရာက ပြုံးပြီး ခေါင်းညိတ်တယ်။
“ဆရာ့လိုပဲပေါ့ ဆရာ”
“အဦးဆုံးလို့သတ်မှတ်ထားတဲ့ လူသားနှစ်ဦးဟာ ဘယ်လိုပဲဖြစ်ဖြစ်၊ ဘယ်လို အကြောင်းတရားတွေပဲရှိရှိ တစ်ယောက်အပေါ် တစ်ယောက် ကောင်းသည်ဖြစ်စေ၊ မကောင်း သည်ဖြစ်စေ၊ တံတိုင်းတွေ ကာရံထားကြတာ သဘာဝပါပဲ။ ဒါတွေကို သဘောပေါက်ဖို့လိုတယ်။ ကိုယ့်ဇနီးအတွက်၊ ကိုယ့်မိသားစုအတွက် ကိုယ်ဟာ အမြဲတံတိုင်းအဖြစ် ရှိနေရမယ်။ လုံခြုံမှု ပေးနိုင်ရမယ်။ ကိုယ့်ဘက်က စိတ်ရင်းမှန်ပြီး အကြောင်းတရားမှန်ကန်တယ် ဆိုရင် ရွှေရည်စိုးခေါင်းစဉ်ကို ချိုပိတ်ပစ်လိုက် ပါတော့”
“ဟုတ်ပါတယ်ဆရာ။ နောက်ဆုံးတော့ ကိုယ့်စိတ်က ကိုယ့်ကို ပြန်ဒဏ်ခတ်ကြတာ ချည်းပါပဲ...။ ဘာမှ မဟုတ်တာတွေကို ကျွန်မ စိတ်၊ ကမ္ဘာထဲကို သယ်ဆောင်မသွားပါဘူး။ ကျွန်မအတွက် `စကားတစ်ခွန်း’ ဟာ ဘယ်အတိုင်းအတာအထိ အရေးကြီးပြီး ထိရောက်မှု ရှိသလဲ၊ ဘယ်လောက်ဂရုစိုက်ရမလဲ ဆိုတာ ကျွန်မကိုယ်တိုင် ခံစားရလို့ ကျွန်မ ပိုသိသွားပါ ပြီ ဆရာ”
ဆရာက ကျေနပ်စွာ ပြုံးရင်း ကျွန်မ အိမ်ရှေ့ကနေ ကားကို ညင်သာစွာ မောင်းထွက်သွားတယ်။
`စကားတစ်ခွန်း’ ဆိုတဲ့ခေါင်းစဉ်ကို ထိုတစ်ပတ်မှာ အပြီးသတ်ခေါင်းစဉ်တစ်ခု ဖြစ်သွားပါတော့တယ်...။
ချောအိမာန်(မန္တလေး)

sosegado said...

ချစ်လို့ဖြစ်သွားကြရင်တော့ သဘာဝပါ၊ မြောက်ပေးလို့ဖြစ်သွားရင်တော့ အသုံးမကျလို့ပဲ၊

Anonymous said...

Delmar is the best???

Brice

Anonymous said...

မချောအိမာန်ကအာပျိုကြီးလား

nigonethwe said...

ဝမ်းနည်းတတ်သူရဲ့ အပြုံး

Happy Birthday မာမီ။ ဒီကနေ့ မာမီရဲ့ ၉၇ နှစ်မြောက် မွေးနေ့ပေါ့။ ကျွန်မ နှုတ်မဆက်ခင် ကပဲ ကျွန်မ အဘိုး(ဒယ်ဒီ) ၉၃ နှစ်က အပြုံးချိုချို၊ အနမ်းဖွဖွနဲ့ အိပ်ရာထဲမှာတင် နှုတ်ဆက်ပြီးပြီ ဆိုတာ ကျွန်မ သိတယ်။

မာမီ့ကို စတီးလ် ၀ှီးချဲလေးပေါ် ၀ိုင်းတင်ပေးပြီး ထမင်းစားခန်းထဲကို ခေါ်ခဲ့တယ်။ ဒီနေ့ မာမီ့မွေးနေ့ဆိုတာ သိလားဆိုတော့ မာမီက ခေါင်းညိတ်တယ်။ ညာလက်နဲ့ ညာခြေက လေဖြတ်ပြီး မသန်တာကြောင့် မျက်နှာသစ်ရင် ဘယ်လက်နဲ့ သစ်တယ်။ ပါးစပ်ထဲက သွားတုကြီးကိုတော့ မနက်ရောက်မှပဲ ဖြုတ်ဖြုတ် ဆေးပေးရတယ်။

ညကို ချွတ်ထားရင် မနေတတ်လို့တဲ့။ မျက်နှာသစ်ပြီး ဘိုကေ ဆံပင်လေးကို ၀ှီးချဲ နောက်အိတ်ထဲမှာ ထည့်ထားတဲ့ ဘီးနဲ့ ထုတ်ဖြီးပေးလိုက်တယ်။ မနေ့ညနေက ၀ယ်ထားတဲ့ မွေးနေ့ ကိတ်လေးကို ထုတ်ပြီး Happy Birthday လို့ ပြောပြီး ကိတ်မုန့်လေးကို စခွဲလိုက်တယ်။ မာမီ့ကို ချောင်းဆိုးမှာ စိုးလို့ ခရင်မ်တွေ မကျွေးဘူး။ မာမီက မနက်တိုင်း လက်ဖက်ရည် တစ်ခွက်၊ ကြက်ဥတစ်လုံးနဲ့ ပေါင်မုန့်တစ်ချပ်၊ ထမင်းရည် တစ်ပန်းကန် သောက်ပါတယ်။

အစာအိမ်နဲ့ နှလုံးဆေးလေးကို ပန်းကန်လေးထဲထည့် ရေတစ်ခွက် ချပေးထားရတာ နေ့စဉ်ပေါ့။ အသက် ၈၀ ကျော် နှစ်ပိုင်းကတည်းက ကျန်းမာရေး ယိမ်းယိုင်စ ပြုလာတဲ့ မာမီဟာ ဂရုစိုက်ရင်း ကြားကပဲ ခြေထောက် ကျိုးဖူးသလို မကြာခင်မှာ လက်လည်း ကျိုးဖူးတယ်။ အအေးမိ လေဖြတ်သွားတော့ မသန်ရာကနေ ပြန်ကောင်းလာတော့ ကုလားထိုင် ကနေ ပြုတ်ကျလို့ ခြေထောက်တစ်ခါ အဆစ်လွဲ သွားပြန်တယ်။ အဲဒီကနေ လမ်းမလျှောက်နိုင် ဖြစ်သွားပြီး အစာအိမ် သွေးကြောပေါက် ရောဂါကို အကြီးအကျယ် ခံစားရပြီး ဆေးရုံကို တစ်နှစ်တစ်ကြိမ်နှုန်း တက်ရပါတယ်။ တစ်ခါတစ်ခါ ဆေးခန်းတက်ရင် ဆယ်သိန်းနီးနီး ရှင်းရပါတယ်။မာမီရဲ့ ပင်မရောဂါက အစာအိမ်နဲ့ သွေးတိုးရောဂါ ဖြစ်ပြီး မနှစ်က ဆေးရုံတက်လိုက်ရတုန်းကတော့ ဆရာဝန်ကြီးတွေ ကိုယ်တိုင် အတော်ကို ခေါင်းခဲစေမယ့် ရောဂါပါ ပါလာပါတယ်။ နှလုံး ဆရာဝန်၊ အစာအိမ် ဆရာဝန်၊ ခွဲစိတ်ဆရာဝန် သုံးယောက်ညှပ် ကုရပြီး ဆေးရုံနှစ်ခါ ပြန်တက် လိုက်ရ တယ်။ ဆရာဝန်ကြီးတွေ ခေါင်းခဲသလို ကျွန်မတို့လည်း အတော့်ကို စိတ်ဆင်း ရဲခဲ့ရတယ်။ အသက်အရွယ်က အရမ်း စကားပြောတဲ့ အတွက် ၉၇ နှစ် လူနာကို ကုသရတာ အတော်လေး ဦးနှောက် စားရပါတယ်။