Tuesday, August 24, 2010

စိတ်တံခါး

 
(၁)
ဖေက ကျွန်တော့်ကုပ်က ကော်လာစကိုဆွဲကိုင်ရင်း ဒေါသမျက်လုံးတွေနဲ့ ကြည့်ပါတယ်။ ဖေ့ပုံစံကိုစိုက်ကြည့်နေရင်း ကျွန်တော်ရင်တုန်လှုပ်ရှားနေခဲ့တယ်။ ဖေက ကျွန်တော့်ကို မင်းထိုင်စမ်းဆိုပြီး ဆိုဖာကို လက်ညှိုးထိုးပြီးပြောတယ်။
``အသုံးမကျတဲ့ကောင် မင်းကို ငါဘယ်နှခါပြောရမလဲ``
``သီချင်းဆိုတာ အပြစ်လား ဖေ``
ဖေဒေါသဖြစ်နေမှန်းသိပေမယ့် လည်ချောင်းထဲကထွက်လာတဲ့အသံနဲ့ ညှစ်ထုတ်ရင်း ပြောမိတယ်။ တုံ့ပြန်မှုက ကောင်းမှာမဟုတ်ဘူးဆိုတာ သိပေမယ့် မတက်နိုင်ဘူး။
``မင်းက တကယ်ပဲ အဆိုတော်ဖြစ်ချင်တာလား``
``ဟုတ်ကဲ့``
``မဖြစ်နိုင်ဘူး လုံးဝမဖြစ်နိုင်ဘူး။ ငါလောင်းရဲတယ်``
``ဖေက သက်သက်အထင်သေးတာ။ လူပဲ ဖြစ်အောင်လုပ်ရင်ဖြစ်မှာပါ``
``ငါက မင်းအဖေကွ။ ဖြစ်နိုင်၊ မဖြစ်နိုင်ကိုဘေးကလူက ပိုသိတယ်။ မင်းအခု ရပ်ကွက်တီးဝိုင်း၊ မင်္ဂလာဆောင်လေးဘာလေး တက်ဆို။ ငါမသိဘဲနဲ့ ပြိုင်ပွဲသဘောမျိုးတွေဝင်ပြိုင်။ လမ်းဘေးအဆောင်ရှေ့ အုတ်ခုံပေါ်မှာလည်းဆိုနဲ့ ဘယ်လောက်ကြာပြီလဲ``
``အခုနာမည်ကြီးတဲ့ လေးဖြူတို့လည်း အဆောင်ရှေ့ဆိုခဲ့တာပဲ``
``အေး… အဲဒါ နေရာတစ်ခုပဲ တူချင်တူမယ်။ လေးဖြူက Talent အပြည့်ရှိတယ်ကွ။ မင်းမှာ ဂီတနဲ့ပတ်သက်တဲံ Talent မရှိဘူး။ အဲဒါကြောင့်လည်း ဒီနေ့ထိ ဘာမှ မဖြစ်သေးတာပေါ့။ မင်းက ဝါသနာပါတာပဲရှိတာ။ နေရာမှန်ကို မရွေးတက်သေးဘူး။ ကိုယ့်ရဲ့စွမ်းရည်ကို အများဆုံးပြသခွင့်ရမယ့်နယ်ပယ်ကို မင်းမရွေးနိုင်သေးဘူး။ အဲဒီအမြင်ကိုလည်း မင်းမစူးစမ်းဘူး။ စိတ်ထင်ရာကိုပဲ လုပ်နေတာ။ ဝါသနာပါရုံနဲ့လည်း မပြီးဘူးကွ၊ ပါရမီလည်း ပါရဦးမယ်။ ကောင်မလေးတွေကြည့်သွားတိုင်း ငါ့ကိုကြွေနေပြီလို့မထင်နဲ့။ သီချင်းလေးဆိုတက်တိုင်း အဆိုတော်ဖြစ်နိုင်တယ်လို့လည်း မထင်နဲ့။ ရှင်းလား။ မင်း သီချင်းဆိုတာကို မကြိုက်ပေမယ့် သုံးနှစ်ကျော်လွှတ်ပေးထားခဲ့တာ မင်းသိလာအောင်လို့။ အဲဒီသုံးနှစ်ကျော်မှာ ဒီပုံက ဒီပုံပဲ ဘာတိုးတက်လာလဲ။ မင်းကိုယ်တိုင် ပြန်သုံးသပ်ခဲ့လား။ မင်းက ဂီတကိုရူးသွပ်တယ်လို့ဆိုပေမယ့် ငါထင်သလောက် မရူးသွပ်သေးပါဘူး။ ရူးသွပ်တာရဲ့နောက်မှာ ထက်ကြပ်မကွာလိုက်နေတဲ့ အင်တိုက်အားတိုက် မပါသေးဘူး။ အဲဒီ Strong မပါသရွေ့ သေလောက်အောင်ကြိုးစား။ မင်းဘာမှဖြစ်လာမှာမဟုတ်ဘူး။ အလုပ်တစ်ခုကို ပေါ့ပေါ့လေးမတွေးနဲ့။ လူဆိုတာ ပြင်းထန်တဲ့စိတ်မရှိရင် ဘာမှ ဖြစ်လာမှာမဟုတ်ဘူး။ ဖြစ်လာလည်း ကျဆုံးဖို့ လွယ်လွယ်လေးပဲ။ မင်းအတွက်လည်း နေရာမရှိဘူး။ ငါပြောတာ မင်းနားလည်လား။ ဒီအချိန်မှာ မင်းဘာဖြစ်သင့်တယ်ဆိုတာ နားလည်သင့်ပြီ။ မင်းကို ငါအချိန်ပေးခဲ့တာ မနည်းပါဘူးနော်``
``ကျွန်တော်က ဘာလုပ်ရမှာလဲဖေ။ ကျွန်တော်အောင်မြင်အောင်လုပ်မယ်လို့ ရည်မှန်းထားတာ``
``တော်တော့ အချိန်တွေကုန်တယ်။ မင်းသူများတွေကို အကြည့်နဲ့ပဲ အားကျလိုက်တော့။ ကိုယ်တိုင်လိုက်လုပ်စရာ မလိုတော့ဘူး။ ရည်မှန်းချက်ဆိုတဲ့နေရာမှာ မင်းကသာ အောင်မြင်အောင်လုပ်မယ်ပြောနေတာ မင်းတကယ်လုပ်မယ်ဆိုရင် ဒီနှစ်တွေအတွင်း တစ်ခုခုဖြစ်နေပြီပေါ့။ မဟုတ်ဘူးလား။ ငါပြောတာ မှားလား။ ပြောစမ်း။ မင်းကိုယ့်ကိုယ်ကိုယ် ဘယ်နေရာမှာ Talent ရှိမှန်း မသိဘူးလား။ ငါဘေးကလူက သိတယ်ကွ။ အဲဒါ မင်းတွေ့အောင်ရှာ။ ဒီသီချင်းဆိုတဲ့အလုပ်ကို ဒီနေ့ကစပြီးရပ်ပါ။ အိမ်မှာ၊ ဆိုင်မှာ အပျင်းပြေဆိုလို့ရတယ်။ အလုပ်တစ်ခုအနေနဲ့ကတော့ ဆောရီးပဲ``
ဖေက ပြောဆိုပြီးထသွားတယ်။  ကျွန်တော်ဧည့်ခန်းထဲမှာ အကြာကြီးထိုင်ပြီး စိတ်ပျက်စွာ စဉ်းစားနေမိတယ်။ ဝါသနာပါတဲ့အလုပ်ကို စွန့်လွှတ်ရတော့မှာမို့ ပြင်းထန်စွာထိခိုက်မိတာ အမှန်ပဲ။ အခန်းထဲဝင်ခဲ့ပြီး စာရေးစားပွဲပေါ်ထိုင်မိတော့ အလိုလိုဝမ်းနည်းရင်း မျက်ရည်တွေကျလာတယ်။ နံရံမှာထောင်ထားတဲ့ ဂီတလေးက လှောင်နေသလို အပေါင်းအသင်းတွေကိုလည်း ဘယ်လိုပြောရမှန်း မသိတာ့ပါ။ ရင်ထဲမှာ ဝမ်းနည်းတစ်ဆို့ကြီးနဲ့ ခံစားရခက်လွန်းလို့ ရေးနေကျ ဒိုင်ယာရီ မဟုတ်တဲ့ မှတ်တမ်းစာအုပ်လေးထဲ ရင်ထဲက ခံစားချက်တွေကို အိတ်သွန်ဖာမှောက်ရေးမိတယ်။
ကျွန်တော့်မှာ ရည်းစားလည်း မရှိဘူး။ ဒီရူးသွပ်ခွင့်လေးကို ဖေက ဘာလို့ ဆက်မပေးတာလဲ။ ဖေ့ကို ရက်စက်တယ်လို့ မပြောချင်ပေမယ့် ကျွန်တော့်ရင်ထဲမှာတော့ ဖေက ရက်စက်ခဲ့တယ်။
ညဟာ အထီးကျန်သွားသလို ပိုပြီးအေးစက်ခြောက်ကပ်သွားစေခဲ့တယ်။ ကျွန်တော့ရင်ထဲက စီးဆင်းခဲ့တဲ့မြစ်ဟာလည်း တံတိုင်းတွေ ပိတ်ဆို့သွားခဲ့ပြီပေါ့။ ကျွန်တော့မှာ မခံချင်စိတ်နဲ့ လုပ်ပြချင်တဲ့ဆန္ဒရှိပေမယ့် အဖေတစ်ယောက်ရဲ့ဆန္ဒကို ဘယ်လိုအားမျိုးသုံးပြီး တွန်းလှန်ရမှာလဲ။ ကျွန်တော်ကပဲ ညံ့တာလား။ ကျွန်တော်သိတယ်။ ဖေက ကျွန်တော့ကို နံပါတ်(၁)ဖြစ်စေချင်တာ။ သာမန်လေးနဲ့တင်းတိမ်နေမှာကို မကြိုက်တာ။ ဟုတ်လား ဖေ။ ဖေက ကျွန်တော့် ကို အရုပ်တွေကို ပဲ့ကိုင်နိုင်တဲ့ ပဲ့ကိုင်ရှင်ဖြစ်စေချင်တာမဟုတ်လား။ ကျွန်တော် ပေါ်ပြူလာမဖြစ်ချင်ပါဘူး။ သီချင်းဆိုချင်တာပါ။ ဖေပြောတဲ့ အမှန်တရားကို ကျွန်တော် မရှာဖွေတက်ဘူး။ သီချင်းဆိုတာပဲသိတယ်။
ကျွန်တော့်အတွေးတွေ မွန်းကျပ်သွားတယ်။ အဲဒီနေ့ မနက်သုံးနာရီထိ စာအုပ်တစ်အုပ်လုံးကုန်အောင် စာထိုင်ရေးနေခဲ့တယ်။ ထွက်ပေါက်ရဲ့လမ်းက ဒါပဲရှိတော့တယ်။ အရင်က မှတ်တမ်းဟောင်းလေးတွေလည်း ထုတ်ကြည့်ခဲ့တယ်။ တစ်အုပ်က ဖေနဲ့မေရဲ့ ပြန်ပေါင်းထုတ်သွားတဲ့ဇာတ်လမ်းလေး ။ အဲဒီနေ့က ကျွန်တော့်ဘဝမှာ အပျော်ဆုံးပဲ။ ဖေနဲ့မေ ဘာလို့ကွဲခဲ့ကြသလဲဆိုတာ သေချာမသိသလို ဘာလို့ပြန်ပေါင်းခဲ့သလဲဆိုတာလည်း သေချာမသိခဲ့ရဘူး။ နောက်တစ်အုပ်ကတော့ ဖေ ကျွန်တော့ကိုလုပ်ခွင့်မပေးခဲ့တဲ့ ဂီတအကြောင်း။ နောက်တစ်အုပ်ကတော့ စွန့်လွှတ်ခြင်းအကြောင်းကို မျက်ရည်နဲ့ရေးခဲ့တာပေါ့။ ဝမ်းအနည်းဆုံးနေ့တစ်နေ့အဖြစ် ကျွန်တော့်ဘက်မှာပါဝင်သွားပြီ။ ဘာတက်နိုင်သလဲ။ တကယ်ဘာမှမတက်နိုင်ခဲ့ဘူး။ လောကကြီးမှာကိုယ်လုပ်ချင်တာ လုပ်ခွင့် မရနိုင်တာလောက် ကြေကွဲစရာကောင်းတာ ဘာမှမရှိသေးဘူး။
ကျွန်တော်စိတ်ညစ်လွန်းလို့ ဖေ့ဆီခွင့်ပန်ပြီး အဒေါ်တွေရှိတဲ့ ပြင်ဦးလွင်မှာ သုံးလလောက်သွားနေဖို့ ခွင်တောင်းလိုက်တယ်။ ကျွန်တော် သီချင်းမဆိုဘူးလို့လည်း ဖေ့ကိုပြောလိုက်တယ်။ ဒါတော့ သေချာတယ်။ ပေးပြီးသားကတိကို ကျွန်တော်ဖောက်ဖျက်မှာမဟုတ်ဘူး။ ဖေက ဘာမှမမေးဘူး။ သွားလို့ပြောတယ်။ ကျွန်တော့်အတွက် ဘာပဲပြောပြော နည်းနည်းကျေနပ်မိသွားသေးတယ်။
အဒေါ်တွေက ကျွန်တော့်ကိုချစ်တာမို့ ကျွန်တော်လာနေတော့် ပျော်နေကြတယ်။ အဒေါ်နှစ်ယောက်က မေ့ညီမတွေ။ ပန်းစိုက်ခင်းတွေ ရှိတယ်။ မက်မန်းခြံ ရှိတယ်။ ကျွန်တော့်ကို သူတို့က သီချင်းဆိုခွင့်ပေးမှာ။ သူတို့ကလည်း ဖေ့ကိုကြောက်ကြတယ်။  ပြင်ဦးလွင်မှာ လွတ်လပ်စွာနေရင်း ဘေးခြံက စာရေးတဲ့ကဗျာဆရာတစ်ယောက်နဲ့ သိကျွမ်းခွင့်ရခဲ့တယ်။ တိုက်ဆိုင်လို့ အံ့သြသွားတယ်။ သူ့ကဗျာတွေကို ကျွန်တော်သိပ်ကြိုက်တာ။ သူနဲ့ခင်သွားတော့ ကျွန်တော့်ကို ပန်းခင်းတွေကြားမှာ ကဗျာတစ်ပုဒ်ကို အသံနေအသံထား ဟန်အပြည့်နဲ့ ရွတ်ပြတာ ကောင်းလိုက်တာဗျာ။ သူ့ကို ကျွန်တော်လေးစားသွားတယ်။ သူ့ဘဝမှာ သူလုပ်ချင်တာကို အပြည့်လုပ်ခွင့်၇ှိတယ်။
အဲဒီကဗျာဆရာက ကျွန်တော့်ကို ညီလို့ခေါ်တယ်။ သူ့ဘဝမှာ ကဗျာဟာ သူ့အသက်တဲ့။ ဘယ်လောက်လှပလိုက်တဲ့ တင်စားမှုလဲ။ ကျွန်တော့်ဘဝမှာဂီတဟာ ကျွန်တော့်အသက် မဖြစ်နိုင်ခဲ့ဘူး။ ကျွန်တော့်အကြာင်းတွေကိုတော့ ပြောမပြဖြစ်တော့ပါဘူး။
အဲဒီကဗျာဆရာက တွေ့ကရာကို ကဗျာလုပ်ပစ်နိုင်စွမ်းရှိတယ်။ အံ့သြစရာပဲ။ သူက ကျွန်တော့်ကို မင်းဘာဝါသနာပါလဲတဲ့။ ကျွန်တော်ဘာမှ  ပြန်မပြောဘဲ ခေါင်းရမ်းလိုက်တယ်။ သူက ကျွန်တော့်ကို မဟုတ်သေးဘူးဆိုတဲ့ပုံစံနဲ့ ခေါင်းရမ်းတယ်။
``လူဆိုတာ တစ်ခုခုကို ရူးသွပ်စွာလမ်းဖောက်ရဲရတယ်ကွ``တဲ့ ။ ``မင်းက ဘာကိုမှမရူးသွပ်ဘူးဆိုတော့ ညီ မင်းက ဗလာကြီးပေါ့``
ကျွန်တော့်ရင်ဘက်ထဲမှာ ရူးသွပ်ခြင်းတွေအပြည့်ဆိုတာ သူဘယ်သိပါ့မလဲ။
``မင်း စာရေးဆရာလုပ်ပါလား``
ရုတ်တရက် ကဗျာဆရာပြောလိုက်တဲ့စကားကြောင့် ကျွန်တော်  တဟားဟားရယ်မိတယ်။ ဘယ်နှယ့်ဗျာ မဆီမဆိုင် ကျွန်တော်ရယ်တာကို သူက အိုးတိုးအမ်တမ်းဖြစ်ရင်း `
``ဘာလဲ မဖြစ်နိုင်ဘူးလား``
``အစ်ကိုကလည်း ဘယ်ဖြစ်နိုင်ပါ့မလဲ။ စာရေးရတဲ့အလုပ်က လွယ်တာမှမဟုတ်တာ``
``မင်းမသိလို့ပါ။ ဟိုတစ်နေ့က မင်းခြံထဲလာတုန်း ခုံပေါ်မှာတင်ထားတဲ့ မင်းမှတ်တမ်းစာအုပ်လေးကို ယူဖတ်ကြည့်မိတယ်။ မဆိုးဘူး။``
``အစ်ကိုကလည်း``
``စာရေးတယ်ဆိုတာ ပါရမီရှိမှကွ။ ငါစာသိပ်ရေးချင်တယ်။ ဒါပေမဲ့ ကဗျာကလွဲပြီး ဘာစာကြောင်းမှ ကျမလာခဲ့ဘူး။ မင်းစာတွေကို အခုမှမဟုတ်ဘူး။ ငါအရင်ကတည်းက ဖတ်ဖူးတာ``
``ဗျာ``
``မအံ့သြနဲ့ ငါ့ညီ။ မင်းမှာစာရေးတဲ့ အရည်အသွေးကောင်းကောင်းရှိတယ်။ Talent ရှိတယ်ပေါ့ကွာ``
``ဗျာ``
``လာပြန်ပြီ တဗျာဗျာနဲ့။ အဲဒီအရည်အသွေးကို မင်းမသိဘူးမဟုတ်လား။ အဲဒါကျ ဘေးလူက ပိုမြင်တယ်။ အရင်တုံးက မင်းအမေဆီရေးတဲ့ စာတွေကို ငါကိုယ်တိုင် စာတိုက်မှာသွားရွေးပြီး မင်းအမေပြလို့ ဖတ်ခွင့်ရခဲ့တယ်။ မင်းအမေက မင်းစာတွေကို အမြဲမျှော်နေတာ။ မင်းရဲ့စာထဲက ရေးထားတဲ့ခံစားချက်တွေက မင်းအမေမပြောနဲ့ ငါ့ကိုတောင် ရင်ဆို့စေတယ်ကွ။ အဲဒီစာတွေဖတ်ရကတည်းက မင်းကိုမှတ်ချက်ပေးမိတယ်။ မင်းအမေက မင်းအဖေကိုပေါင်းရခြင်းရဲ့ အဓိကအကြောင်းအရင်းက မင်းစာတွေကြောင့်ပဲ။ အဲဒီတုန်းက မင်းအမေက စာဖတ်ပြီးအမြဲငိုတယ်။ ငါ့သားလေး အရမ်းခံစားနေရတယ်ဆိုပြီး``
``တကယ်လား အစ်ကို``
``တကယ်ပေါ့၊ ငါ့ညီက ရင်ထဲကခံစားချက်တွေကိုထိထိမိမိ ဖော်ထုတ်တက်တယ်။ အစ်ကိုဆို အဲဒီလိုမရေးတက်ဘူး``
``ဟုတ်တယ်။ အဲဒီတုန်းက အမေ့ဆီကို တစ်ပတ်တစ်စောင်စာရေးတယ်``
ကျွန်တော်အဖြစ်စေချင်ဆုံးဆန္ဒဟက ဖေနဲ့မေ ပြန်ပေါင်းဖို့ပဲ။ အခုမေက တရားစခန်းအပြီးဝင်သွားပြီ။ ကောင်းပါတယ်။ မေပျော်မွေ့တဲ့ နေရာမှန်ပေါ့။ ကျွန်တော် ကျေနပ်တယ်။
``ဖေကတော့ ကျွန်တော့်ဆန္ဒတွေကို ပယ်ဖျက်တယ်။ ချုပ်ချယ်တယ်။ ကျွန်တော်လုပ်ချင်တာကို လုပ်ခွင့်မပေးဘူး။``
``ငါ့ညီက ဘာဖြစ်ချင်တာလဲ``
``သီချင်းဆိုချင်တာ၊ အဆိုတော်ဖြစ်ချင်တာ``
``ဟား.. ဟား.. ဟား…``
``အစ်ကိုက ဘာရယ်တာလဲ``
``မင်းသီချင်းညည်းတာလေး၊ ဆိုတာလေးတောင် မကြားဖူးလို့ပါ။ စကားပြောရင်တောင် အသံလေးက တိုးသလို ရှတတနဲ့ သီချင်းဆိုရင် ကောင်းပါ့မလား``
``ကောင်းတယ်လို့တော့ မပြောချင်ပါဘူး။ ဒီလိုအသံတွေကနေ အောင်မြင်နေတာ အများကြီးပဲ``
``ကဲပါ ထားပါတော့။ တစ်နေ့လောက် ဆိုပြကွာ။ ငါ့အမြင်ကတော့ ငါ့ညီကို အဆိုတော်တစ်ယောက်ဖြစ်လာဖို့ မမြင်မိဘူး။ စာရေးကောင်းတဲ့သူတစ်ယောက်လို့ပဲ မြင်မိတယ်``
``ကျွန်တော် စာရေးရင်ရော အောင်မြင်ပါ့မလား``
``ဒါ မင်းအပေါ်မှာပဲ အများကြီးမူတည်တယ်။ မင်းမှာ အဲဒီ Talent ၇ှိနေပြီပဲ။ ကြိုးစားအားထုတ်ကြည့်ဖို့ပဲလိုတယ်``
``ဖေ ကျွန်တော့်ကိုပြောဖူးတဲ့ ကိုယ့်ဆီမှာရှိနေတဲ့ Talent ဆိုတာ အဲဒါလား။ အဲဒါသိရင် ရွေးချယ်ရမယ့်နယ်ပယ်ကို သိလာလိမ့်မယ်တဲ့``
``ဒါပေါ့ကွ ။ အစ်ကို့မှာဆို ကဗျာ Talent ကလွဲပြီးမပါတော့ ဝါသနာပါပေမယ့် စာလည်း ရေးမရ၊ ပန်းချီလည်း ဆွဲမရနဲ့``
``ဒါပေမဲ့ ကျေနပ်တယ်။ ကဗျာဟာ အစ်ကို့ဘဝအတွက် ရှင်သန်ခြင်းတစ်ခုပဲ။ မသက်ဆိုင်သူတွေကြားရင် ရယ်ကြလိမ့်မယ်။ ဒါကတော့ ကိုယ့်ခံယူချက်နဲ့ကိုယ် မတူညီလို့ပေါ့ကွာ။ ငါ့ညီကြိုးစားကြည့်ပါ။ မင်းသီချင်းဆိုပြတာထက် မင်းစာတစ်ပုဒ်ဖတ်ဖို့အတွက် ပိုရူးသွပ်တယ်။ အိုကေ ညီ၊ အစ်ကို ခြံဘက်သွားလိုက်ဦးမယ်``
(၂)
ကျွန်တော် ပြင်ဦးလွင်ရောက်တာ နှစ်လရှိသွားပြီ။ ဒီနှစ်လမှာ ကျွန်တော် မည်မည်ရရဘာမှ လုပ်ခဲ့တာမိရှိဘူး။ ကဗျာဆရာအစ်ကိုပြောတဲ့ စကားတွေကို စဉ်းစားနေမိတယ်။ ဒီရောက်ကတည်းက သီချင်းမဆိုမိအောင် ထိန်းထားခဲ့တယ်။ ခံစားချက်တွေကိုတော့ စကားလုံးတွေအဖြစ် ချရေးဖြစ်တယ်။ ကျွန်တော်ငယ်ငယ်ကတည်းက ခံစားချက်တွေကိုရေးတာ စွဲစွဲမြဲမြဲဝါသနာပါမိတယ်။ အစ်ကိုပြောသလို စာရေးဖို့ ကိုတော့ တစ်ခါမှ မစဉ်းစားမိဘူး။ အစ်ကိုပြောမှပဲ ကျွန်တော် ရေးထားတဲ့ဟာတွေဟာ ဝတ္ထုဆန်နေသလိုလားပဲ။ ပြန်ဖတ်ကြည့်မိရင်း အတွေးများစွာနဲ့ အိပ်ပျော်သွားမိတယ်။  စိတ်ကူးထဲမှာတော့ ကဗျာဆရာ အစ်ကို့ကိုပေးဖို့ စာတစ်ပုဒ်ရေးမိတယ်။
နောက်တစ်နေ့မှာ ဖေ့ဆီက စာအုပ်လေးတစ်အုပ် လူကြုံနဲ့ရောက်လာတယ်။ ဖောက်လိုက်တော့ မဂ္ဂဇင်းစာအုပ်တစ်အုပ်။ ဘာလို့ပို့လိုက်တာလဲ နားမလည်ဘူး။ စာအုပ်အထဲကို လှန်ကြည့်လိုက်တော့မှ စာတစ်စောင်ထွက်လာတယ်။
``သား မိုးမြေ
နေကောင်းရဲ့လား
စာအုပ်ပို့လိုက်ခြင်းအပေါ် နားမလည်နိုင်ဖြစ်နေတယ်မဟုတ်လား။ သားရေးထားတဲ့ ဂီတအပေါ် ရူးသွပ်မှု အကြောင်းလေးကို ဖေသဘောကျလို့ ဖတ်ကြည့်ရင်း၊ ဖေ့မိတ်ဆွေကလည်း အိမ်လာရင်း တွေ့သွားတော့ သဘောကျပြီး အဲဒီအကြောင်းအရာလေးကို မဂ္ဂဇင်းမှာသုံးပါရစေဆိုပြီး တောင်းယူသွားလို့ ဖေပေးလိုက်တယ်။ ငါ့သားရေးထားတာလေး မဂ္ဂဇင်းမှာပါလာလို့ ဖေပို့ပေးလိုက်တယ်။ နောက်ထပ်လည်း လိုချင်သေးကြောင်း ပြောနေတယ်။ မဂ္ဂဇင်းစာမျက်နှာမှာ ပုံနှိပ်စာလုံးလေးနဲ့ ပထမဦးဆုံးမြင်ခွင့်ရတဲ့ပီတိကို သားခံစားကြည့်လိုက်ပါဦး
                                                                             ဖေ ``
ဟား…….
ကျွန်တော် ဖေ့စာကိုဖတ်ပြီး အရမ်းပျော်သွားတယ်။ ရင်ထဲမှာလည်း လှုပ်ရှားနေလိုက်တာ မပြောပါနဲ့တော့။ မဂ္ဂဇင်းထဲရှာကြည့်တော့ မိုးမြေဆိုတဲ့ ကလောင်နာမည်နဲ့ ``ဂီတရဲ့တံခါး`` လို့ အမည်ပေးထားတဲ့ စာစုလေးကို သရုပ်ဖော်ပန်းချီ ဂီတာပုံလေးနဲ့ တွေ့ရတာမို့ အရမ်းအံ့သြနေမိတယ်။ ကျွန်တော်ရေးထားတဲ့ စာလုံးလေးတွေဟာ ပုံနှိပ်စာလုံးအသွင်နဲ့ သပ်သပ်ရပ်ရပ်လေးဖြစ်လို့။
အခေါက်ခေါက်အခါခါ ဖတ်နေမိတယ်။ ဘယ်နှကြိမ်မှန်းကို မသိတော့ဘူး။ နောက်ဆုံး တစ်ခေါက်ဖတ်ပြီး အစ်ကို့ကို သွားသတိရတယ်။ အဒေါ်တွေကိုကြွားဖို့ အိမ်မှာမရှိကြဘူး။ ကျွန်တော် အစ်ကို့ခြံဘက်ပြေးသွားတယ်။ အစ်ကိုက စိုက်ခင်းတွေဘက်ရောက်နေတယ်။ ခပ်လှမ်းလှမ်း က အစ်ကို့ကို လှမ်းခေါ်လိုက်တယ်။
``အစ်ကို``
``အေး ငါ့ညီ စောစောစီးစီးပါလား``
``စောဆို ပြောစရာရှိလို့။ ကြွားစရာလည်း ရှိလို့``
``အိုကေ လာပြီ လာပြီ``
အစ်ကိုက ပြေးရင်း ကျွန်တော့်ဆီရောက်လာတယ်။
``ဘာလဲကွ။ မင်းမျက်နှာ မှိုရနေသလိုပဲ``
``အစ်ကို ကျွန်တော့်စာကိုဖတ်ရဖို့ ရူးသွပ်တယ်ဆိုလို့ လာပြတာ။ ဒီမှာ မဂ္ဂဇင်းထဲပါလာတယ်``
အစ်ကိုက စာအုပ်ကို သေချာဖတ်ရင်း…
``မိုးမြေ.. ``ဂီတရဲ့တံခါး`` ဟား တယ်ဟုတ်ပါလား။ အစ်ကို မပြောဘူးလား``
``ကျွန်တော့်ဖေရဲ့ စေတနာပါ။ သူပို့ပေးတာ။ ကျွန်တော်ရူးသွပ်သွားပြီဗျာ။ စာတွေရေးကြည့်မယ်။ ဖေက မဂ္ဂဇင်း ကျွန်တော့်ဆီပို့ပေးလိုက်တာ``
``ဟုတ်လား။ ဒါပဲကွ။ မင်းအဖေက သိအောင် ရွေးချယ်ပေးလိုက်တာပဲ။ ရှားတယ်```
``အစ်ကို ဖေ့ဆီ ကျွန်တော်ဖုန်းဆက်ပြီး Thank You လုပ်လိုက်ဦးမယ်။ ဒီလကုန်ရင် ပြန်လာတော့မယ့်အကြောင်းလည်း ပြောလိုက်ဦးမယ်။ ကျွန်တော် အိမ်ကထွက်လာတာ ကြာပြီဆိုတော့ သူလည်းပျင်းနေတော့မှာ။ စာအုပ် ညနေကျမှ ယူမယ်``
``အိုကေ ငါ့ညီ``
အစ်ကို့စိုက်ခင်းတွေထဲကနေ ဖြတ်ပြေးလာရင်း ပေါ့ပါးလန်းဆန်းလာတယ်။ စာတွေလည်း ရေးချင်စိတ်ပြင်းပြလာတယ်။
ကျွန်တော် အမှန်တကယ် လျှောက်လှမ်းရမယ့် နယ်ပယ်ကိုလည်း တွေ့ရှိသွားသလိုပဲ ကျွန်တော့်ရဲ့ စိတ်တံခါးတွေကို ဖွင့်လှစ်ခဲ့တဲ့ ဖေ့ကို ကျေးဇူးတင်ပါတယ်။ 
 ချောအိမာန်(မန္တလေး)

Sunday, August 8, 2010

ကွန်ကရက်ကျူလေးရှင်း စိတ်ကူးချိုချို


စိတ်ကူးချိုချိုစာအုပ်တိုက်ရဲ့ (၁၁) နှစ်ပြည့်တိုင်ခဲ့ပြီ ဖြစ်တဲ့ အတွက် အထူး ဝမ်းသာပါတယ်။
ကိုစန်းဦး+မဝင်းမာ မိသားစု ယခုထက်တိုင် အောင်မြင်ပါစေလို့ ဆုတောင်းပေးပါတယ်….
စိတ်ကူး ချိုချို စာအုပ်တိုက်ရဲ့ (၁၁) နှစ်ပြည့်အတွက် အထူးအစီအစဉ် အနေနဲ့ ထုတ်ဝေလိုက်တဲ့ စာအုပ် (၁၁)အုပ်ကို အွန်လိုင်း ပရိသတ်များအတွက် မျှဝေပေးလိုက်ပါတယ်….
 ချောအိမာန် (မန္တလေး)

``စာအုပ်အညွှန်း``

  
၂၀၁၀ ပြည့်နှစ် မတ်လတွင် (၁၁) နှစ်ပြည့်ခဲ့သော စိတ်ကူးချိုချိုစာအုပ်တိုက်၏ အမှတ်တရ စာအုပ်ရောင်းပွဲကို ရန်ကုန်မြို့ပန်းဆိုးတန်း အောက်ဘလောက်ရှိ လောကနတ်ပြခန်း၌ ဇူလိုင်၂၇ရက်မှ သြဂုတ် ၆ ရက်အထိ၊ နံနက် ၉နာရီ မှ ညနေ ၅နာရီအထိ ကျင်းပခဲ့ပြီး စာအုပ်များကို ၁၅ ရာခိုင်နှုန်းမှ ၄၀ ရာခိုင်နှုန်းအထိ ဈေးလျှော့ ရောင်းချပေးခဲ့ပါတယ်။ ထို့အပြင် READING အမည်ပေးထားသော ပန်းချီ ခင်မောင်ရင်၊ မောင်ညိုဝင်း၊ မောင်ဒီ၊ မောင်မောင်သိုက်၊ မြင့်မောင်ကျော်၊ ကျော်ဖြူခံ၊ မုတ်သုန်၊ ဇော်မောင်၊ နေမျိုးဆေး၊ ချမ်းငြိမ်းကျော်၊ မင်းဇော်၊ လင်းဝဏ္ဏ၊ ဘဌေးကြည်၊ ကိုကိုနိုင်၊ မောင်နိုး နှင့် ကေစာချို တို့ရဲ့ ပန်းချီကားများကို ပွဲတော်ရက်အတွင်း ပြသခဲ့ပါတယ်။

            ယခု စိတ်ကူးချိုချို (၁၁) နှစ်ပြည့် စာအုပ် (၁၁) အုပ်ဟာ ဆယ်ကျော်သက်ရွယ် လူငယ်များ အတွက်ရည်ညွန်းထုတ်ဝေသည့် စာအုပ်များဖြစ်ပါသည်။ စာဖတ်ပရိသတ်အတွက် ကြိုက်နှစ်သက်ရာ ခေါင်းစဉ်အလိုက် ဝယ်ယူနိုင်ပါတယ်။ 



စာအုပ် (၁၁) အုပ်ထဲမှာ ပါတဲ့ အတွေးအခေါ်ပိုင်းဆိုင်ရာဒဿန လေးတွေကို စာအမြည်း အနေနဲ့ ဖော်ပြပေးသွားမှာ ဖြစ်ပါတယ်....
 
လူမှု့ဆက်ဆံရေး


ဆက်ဆံရေး၌ ကောင်းစွာပြုမူ ဆက်ဆံမှု အစစ်သည် နှလုံးသားမှ ပေါ်ထွက်လာသည်။ ထို့ကြောင့် တစ်ကိုယ်ကောင်းသမား၌ ကောင်းမွန်သောပြုမူ ဘယ်သောအခါမှ မရှိချေ။ သူတစ်ပါး တို့ကို အမြဲထောက်ထားမှုရှိလျှင် သင့်မှာ ကောင်းမွန်သော အပြုအမူအမြဲရှိပေမည်။

လူမှု့ဆက်ဆံရေး
အောစကား- ဝိုင်းလ်ဒ်
အင်္ဂလိပ်စာရေးဆရာကြီး





မိဘဆရာ


သင်ယခုခံစားနေရသော ကောင်းကျိုးများကို ပြန်တွေးတောသုံးသပ်ပါ။ လူတိုင်းမှာ ကောင်း ကျိုး များစွာ ရရှိကြသည်။ သင်၏ဆိုးကျိုး ဒုက္ခကို မတွေးတောမသုံးသပ်နှင့်။

မိဘဆရာ
ချားလ်စ်ဒစ်ကင်းန်စ်
အင်္ဂလိပ်ဝတ္တုရေးဆရာကြီး






သိပ္ပံပညာ


သိပ္ပံပညာရှာဖွေတွေ့ရှိမှုများအား လူသားတို့က လွဲမှားသည့်နေရာ၌ အသုံးပြု နေကြသည်။ အလွန်ပြင်းထန်သော လက်နက်မျိုးစုံကို တီထွင်အသုံးပြုပြီး၊ လူသားအန္တရာယ်၊ လေထု၊ ရေထု ညစ်ညမ်းမှုများဖြစ်ပေါ်ပြီး နည်းပညာကို အလွဲအသုံးပြုမှုများ မပြုလုပ် ကြရန်လိုအပ်ပါသည်။

သိပ္ပံပညာ
သိပ္ပံဂျပိုး





ဥာဏ်ပညာ


အနှုတ်လက္ခဏာအတွေးကို အပြုသဘောနဲ့အစားထိုးပါ၊ အဲဒီ အနှုတ်ကို အပေါင်းဖြစ်အောင်အစားထိုးရပြန်ပါမယ်။ မိမိရှေ့မှာ ပုံရိပ်နှစ်ခုကို တပြိုင်နက်မြင်နေရရင် ဘယ်ပုံရိပ်ကိုယူမလဲဆိုတာ မိမိဘာသာရွေးချယ်ပြီး မရွေးတဲ့ပုံရိပ်ကို ဥပက္ခာပြုလိုက်ဖို့ပါပဲ။

ဥာဏ်ပညာ
ရွှေကူမေနှင်း







သမိုင်းနှင့်ယဉ်ကျေးမှု 


လူမိုက်ဆိုလျှင်ရှောင်သွေလွဲလို့
မမှီဝဲနဲ့ကင်းအောင်နေ
မင်္ဂလသုတ်၌ဆိုထားသော မြန်မာ့ယဉ်ကျေးမှုတစ်ရပ်ဖြစ်သည်
လူမိုက်နှင့်ပေါင်းလျှင် ပေါင်းသူပါ လူမိုက်သဘောကူးစက်ပြီး၊ လူမယဉ်ကျေး၊ လူမိုက် ဖြစ်သွား တတ်သည်။

သမိုင်းနှင့်ယဉ်ကျေးမှု
ပါရဂူ




သဘာဝပတ်ဝန်းကျင်
 


မြစ်တွေကို ရင်ခုန်သည့် ကျွန်မသည် ထိုမြစ်သို့ နောက်တစ်ကြိမ်ပြန်သွားဖြစ်မလား၊ မသွားဖြစ်လား မသေချာ သောကြောင့်သက်သေခံအမှတ်တရ အဖြစ် တစ်ခုခုကို သယ်ယူခဲ့ချင်သည့်အခါ… ရေနှင့်စာလျှင် ကျောက်တုံးကပိုပြီး လက်တွေ့ကျလို့ဖြစ်ပါသည်။ ထိုကျောက်တုံးလေးတွေကို ခုတင်အောက်မှာထားပြီး ညအိပ်သည့်အခါမြစ်တို့၏ ရေစီးသံကိုပြန်လည်ကြားယောင်နိုင်သည်၊ ကျောက်တုံးလေးများသည် သူတို့နယ်မြေဒေသခံတို့၏ ကျန်းမာရေး၊ ပညာရေး ကိုဆုံးဖြတ်ပေးမည့်မြစ်တို့၏ကြမ်းခင်း အစိတ်အပိုင်းဖြစ်သည်။ မြစ်၏ဒုက္ခဝေဒနာ၊ သုခဝေဒနာကို သူတို့အသိဆုံးဖြစ်သည်။

သဘာဝပတ်ဝန်းကျင်
ဂျူး

ရဲစွမ်းသတ္တိ


            ရဲစွမ်းသတ္တိဆိုရင်  တိုက်တာ၊ ခိုက်တာ၊ သတ်တာ၊ ဖြတ်တာ တွေဘဲ ပြေးမြင်ကြလိမ့်မယ် စိတ်ဓါတ်ပိုင်းဆိုင်ရာ ခိုင်မာမှုမရှိရင် ရဲစွမ်းသတ္တိရှိတယ်လို့ မဆိုနိုင်ဘူး ကြံ့ကြံ့ခံနိုင်တဲ့ သတ္တိဟာ စွမ်းရည်သတ္တိလဲပါတာဘဲ… ရဲစွမ်းသတ္တိပြည့်စုံတဲ့လူရဲ့စိတ်ဓါတ်ကိုဘာနဲ့မှ ခုတ်လဲလို့မရနိုင်ဘူး။

``ရဲစွမ်းသတ္တိ``
စိုးမြင့်လတ်






 ကွန်ပျူတာနဲ့အိုင်တီ

            နည်းပညာပြောင်းလဲမှု ဆင့်ကဲဖြစ်စဉ်ဟာ နေ့ချင်း၊ ညချင်း ဆိုသလို ရှင်သန် ပေါက်ရောက်လာတယ်ဆိုတာ မှန်ပါတယ်၊ ဘယ်အကြောင်းအရာမဆို အမှားအမှန် အဆိုးအကောင်းတွေ ဒွန်တွဲရှိနေပြီးသားဖြစ်လို့ ယနေ့လူငယ်တွေအနေနဲ့ နည်းပညာ ရေစီးကြောင်းကို လက်တွေ့အကျိုးရှိရှိ အသုံးချရာမှာ အသိဥာဏ်ကိုပါ ထည့်သွင်း ဆင်ခြင်တတ်ဖို့လိုအပ်ပါတယ်....
ကွန်ပျူတာနဲ့ပါတ်သက်ပြီး မလုပ်အပ်တဲ့အချက်တွေကတော့…

  •  မဖွယ်မရာစာတွေ၊ ဓါတ်ပုံတွေမပို့ရပါ။
  • မူပိုင်ခွင့် သတ်မှတ်ထားတဲ့ Software တွေကို မကူးနဲ့၊ မခိုးနဲ့
  •  အခြားသူတွေရဲ့ အချက်အလက်တွေ၊ အဖွဲ့အစည်းတွေရဲ့ အချက်အလက်တွေကို ချိုးဖေါက်ရယူဖို့ မကြိုးစားပါနဲ့၊  အဲဒါကစားနည်းမဟုတ်ဘူး၊ ရာဇဝတ်မှုမြောက်တယ်
  •  အင်တာနက်သုံးပြီး တခြားသူကို အနိုင်မကျင့်နဲ့
  • မဖွယ်မရာ၊ ဆဲရေး တိုင်းတွာတဲ့စာမျိုးတွေကို (မပြန်နဲ့) လူကြီးတွေကိုတိုင်ပါ။

ကွန်ပျူတာနဲ့အိုင်တီ
ခင်မောင်ညို (ဘောဂဗေဒ)

အနုပညာ


            တစ်ချို့က အနုပညာသဘောကိုသင်လို့မရဘူး၊ ဗီဇကပါလာမှရတယ်၊ ဗီဇက ပါလာရင်မသင်ရဘဲနဲ့တတ်တယ်၊ နည်းတွေစနစ်တွေဟာ တစ်ယောက်ယောက်ရဲ့ လက်ကျတွေပါ။ ကိုယ့်နည်းနဲ့ကိုယ်လုပ်တာအကောင်းဆုံး၊ အနုပညာဆိုတာမျိုးဟာ တတ်နိုင်သမျှ အချုပ်အချယ်လွတ်ရမယ်၊ နည်းတွေစနစ်တွေမလိုဘူး…

အနုပညာ
ထင်လင်း






အားကစားနှင့်ကျန်းမာပျော်ရွှင်ခြင်း


            ကျန်းမာခြင်းက ပို၍တန်ဖိုးကြီးကြောင်း ထင်ရှားစေသောအချက်မှာ အမွဲဆုံးသော လူတစ်ယောက်သည် သူ့ကျန်းမာမှုကိုငွေနှင့်လဲမည်မဟုတ်၊ သို့သော် အချမ်းသာဆုံးလူကမူ  ကျန်းမာမှုကိုသူ့စည်းစိမ်းနှင့် ဝမ်းပန်းတသာလဲမည်သာ။

ကာလက်စီ ကော်တန်








စာအုပ်(၁၁) အုပ်တွင်ပါဝင်ရေးသားကြတဲ့ စာရေးဆရာ အချို့အမည်များ......

- ငြိမ်းမင်း                                   - ညီပုလေး                                 - ဇော်နိုင်ဦး
- မြင့်မောင်ကျော်                          - ချစ်ဝင်းမောင်                             - စံဇာဏီဘို
- ထင်လင်း                                  - ရွှေကူမေနှင်း                             - ကေ
- ဆန်နီညိမ်း                                - လူထုဦးစိန်ဝင်း                           - မင်းသုဝဏ်
- ကြူးနှစ်                                    - ချစ်စံဝင်း                                   - ညီစေမင်း
- ခင်မောင်ညို (ဘောကဗေဒ)           - ဖေမြင့်                                     - ပါရဂူ
- သစ္စာနီ                                     - အောင်သင်း                               - မောင်သာချို
- ကျော်ဝင်း                                  - မောင်မိုးသူ                                - ချောအိမာန် (မန္တလေး)
- ပီမိုးနှင်း                                    - နန်းအိအိဇာ                               - မောင်ထင်
- စိုးမြင့်လတ်                                - ခင်စောတင့်                               - ကြည်လင်အေး
- ချစ်နိုင် (စိတ်ပညာ)                      - မစန္ဒာ                                       - တက္ကသိုလ်ရွှေရီဝင်း
- မင်းယုဝေ                                  - ထက်မြက်                                  - သိန်းဖေမြင့်
- လေးကိုတင်                               - တက်တိုး                                   - မင်းခိုက်စိုးစံ
- မောင်ဝံသ                                  - တိုက်စိုး                                    - ဂျူနီယာဝင်း
- သိမ်းတင်သား                             - ခင်မျိုးချစ်                                  - မအိ
- ကိုတာ                                       - မောင်သော်က                            - ဦးဖေမောင်တင်
- ကြည်နိုင်                                    - ဂျူး                                          - လူထုဒေါ်အမာ
- ကြည်မင်း                                   - မောင်ကိုကို (အမရပူရ)                 - စောမုံညင်း       
- နေဇင်လတ်                                 - ဘဌေးကြည် ၏ တကွက်ကာတွန်းများ (မျက်နှာဖုံးသရုပ်ဖေါ်ပုံများ)



ချောအိမာန်(မန္တလေး)