Thursday, February 11, 2010

စီစဉ်သူ့ စကား

မိုးမာန် စိတ်ကြိုက်မြန်မာ ၀တ္ထုတိုများ

V9 copy

စိတ်ထဲမှာ အာသိသတစ်ခု ကပ်ငြိနေခဲ့တာကြာပြီ။ တခြားတော့ မဟုတ်ပါဘူး။ ရသဖန်တီးသူတွေနဲ့ တွေ့ဆုံနှုတ်ဆက်စကားတွေ ပြောင်းတိုင်း ဆရာ၊ ဆရာမတို့ရဲ့ ၀တ္ထုတိုလေးတွေကို စုစည်းပြီး စိတ်ကြိုက်မြန်မာဝတ္ထုတိုများ စာအုပ်အဖြစ် စုစည်းထုတ်ဝေချင်စိတ် ပေါ်မိတယ်။ ဒါနဲ့ ၂၀၀၈ ဇူလိုင်လထဲ မှာ စပြီးအကောင်အထည်ဖော်ဖြစ်ခဲ့တယ်။ ဟိုအရင်ကတည်းက ဖတ်ခဲ့ရပြီး မှတ်မှတ်သားသားဖြစ်နေခဲ့ရတဲ့ ၀တ္ထုတိုလေးတွေ၊ နောက်ပိုင်းဖတ်ဖြစ်ခဲ့တဲ့ ၀တ္ထုတိုလေးတွေထဲက နှစ်ခြိုက်စရာလေးတွေ `တို့` ထားမိခဲ့တယ်။ အဓိကကတော့ ကျွန်မ နှစ်သက်ခဲ့တဲ့ ရသ၀တ္ထုတိုတွေကို ပြန်လည်မွေးဖွားခြင်းပါ။

ရသစာပေ ဖန်တီးသူတွေက ရန်ကုန် ၊ မန္တလေး၊ မကွေး၊ ချောက်၊ မုံရွာ၊ မိုးကုတ်တွေက ဆိုတော့ အဲဒီ ဆရာ၊ ဆရာမများကို ပိုပြီး နားပူရတယ်။ ဒီလို နားပူလို့ပဲလားမသိဘူး ပြောပြီးပြီးချင်း တစ်ပတ်အတွင်းကို  စာမူတွေ ပို့ပေးကြတယ်။

ပထမတော့ စိတ်ကူးက တစ်မျိုး၊ နောက်ထပ်ဝင်လာတဲ့ စိတ်ကူးတွေက တစ်ဖုံ .. ဒီလိုနဲ့ စိတ်ကူးထဲက ရွှံ့ခဲကြီးကို တဖြည်းဖြည်းချင်း ဖဲ့ချ။ ပြန်လုံး၊ ပြန်ကပ်နဲက ကျွန်မ မြင်ချင်တဲ့၊ လိုချင်တဲ့ ရုပ်လုံးသဏ္ဍာန်ရဖို့ စိတ်ရှည်ရတယ်၊ အချိန်ယူရတယ်။ နောက်ဆုံး ကိုယ်စုစည်းထားတဲ့ `၀တ္ထုတို` တွေကို တစ်စုတစည်းထဲ မြင်လိုက်ရတော့ စိတ်ထဲ ကျေနပ်မိတယ်။

ဒီစာအုပ်စီစဉ်ထုတ်ဝေရခြင်းရဲ့ ရည်ရွယ်ရင်းကတော့ ဖြစ်ချင်တဲ့ဆန္ဒနဲ့ အိပ်မက်ကို အကောင်အထည်ဖော်ကြည့်ခြင်းပါပဲ။ နောက် ၀တ္ထုတိုတွေ ပိုမိုများပြား ရှင်သန်စေချင်တဲ့ ရည်ရွယ်ချက်လည်း ပါပါတယ်။ ရသစာပေ ဖန်တီးသူတိုင်းဟာ ၀တ္ထုလေးတစ်ပုဒ်ကို တော်ရုံတန်ရုံ စိတ်ကူးမှုမျိုးနဲ့ မွေးဖွာ ဖြစ်ခဲ့ကြတာ မဟုတ်ဘူးဆိုတာ သိစေချင်တဲ့အတွက် ဖန်တီးသူ ရဲ့ ရေးဖြစ်ရခြင်း အကြောင်းအရင်းလေးကို ကဏ္ဍတစ်ခုအနေနဲ့ ဖော်ပြပေး လိုက်ပါတယ်။

ဒီစာအုပ်ဖြစ်လာဖို့ အချိန်တွေ၊ စိတ်ကူးတွေ အများကြီး ယူရတာနဲ့ အမျှ စာဖတ်သူတို့ရဲ့ လက်ထဲကို တန်ဖိုးရှိရှိ ရောက်စေချင်တယ်၊ နှလုံးသား အာဟာရကိုလည်း ပေးချင်တယ်။ ဒီဝတ္ထုစုစည်းမှုစာအုပ်မှာ စာရေးဆရာ ကြီး ၊ လတ်၊ ငယ် ဆရာ ဆရာမများအားလုံး စုစည်းပြီး တစ်အုပ်ထဲမှာ အတူဆုံဆည်း ပေးခွင့်ရတဲ့အတွက် ပိုပြီးလည်း ရင်းနှီး၊ ပိုပြီးလည်း နွေးထွေးစေမယ်လို့ ယုံကြည်မိပါတယ်။

ကျွန်မစာအုပ်အတွက် စာမူတောင်းတဲ့အခါ ယုံကြည်စွာနဲ့ စာမူချီးမြင့်ခဲ့ကြတဲ့ ဆရာ၊ ဆရာမများအားလုံးကိုလည်း အထူးကျေးဇူးတင်ပါတယ်။ စာမူရှင် ဆရာ ဆရာမများနဲ့ ဆက်သွယ်ကူညီပေးခဲ့တဲ့ ဆရာ ဇော်ခိုင်ဦး၊ စာမူတွေကို စေတနာရှေ့ထားပြီး စာစီပေးခဲ့တဲ့ မမိုးသူဇာ (အောင်ပါစေ စာပေ) ၊ စာအုပ်ဖြစ်မြောက်ရေးအတွက် တိုက်တွန်းအားပေးခဲ့တဲ့ (MBA.Ca)။ စိတ်ကူးချိုချို စာအုပ်တိုက်မှ ကိုစန်းဦး၊ မျက်နှာဖုံးနှင့် အတွင်းသရုပ်ဖော်ပုံများကို ရေးဆွဲပေးခဲ့သော ဆရာမုတ်သုံနှင့် ကျွန်မရဲ့ `မိုးမာန် စိတ်ကြိုက်မြန်မာဝတ္ထုတိုများ` စာအုပ်ကို ဖတ်ရှုအားပေးကြမည့် စာဖတ်ပရိတ်သတ်များအားလုံးကို ကျေးဇူး အထူးတင်ရှိပ်ကြောင်း ပြောလိုပါတယ်။

ချောအိမာန် (မန္တလေး)

၅-၉-၂၀၀၉

ကျွန်မ စီစဉ်ထုတ်ဝေတဲ့ ``မိုးမာန် စိတ်ကြိုက် မြန်မာဝတ္ထုတိုများ`` စာအုပ် မိတ်ဆက်ပွဲတွင် အခန်းအနားမှူး အဖြစ်ဆောင်ရွက်ပေးပါသော ဆရာ ညီမင်းညို ...

မုဒိတာ နဲ့ အားပေးစကားများ ပြောကြားပေးခဲ့သော ဆရာ နေ၀င်းမြင့် ၊ ဆရာ မျိုးမြင့်ငြိမ်း ၊ ဆရာမ မိချမ်းဝေ တို့အား အထူးကျေးဇူးတင်ရှိပါတယ်။...

အဝေမှ ရောက်ရှိလာကြသော.. ဆရာ မျိုးမြင့်ငြိမ်း ၊ ဆရာ ဦးဆွေ(ဒဿနိက) ၊ ဆရာ ခြိမ့်သဲ ၊ ဆရာ ဂျိုဇော် ၊ ဆရာ မင်းချမ်းမွန် ၊ ဆရာ မြေလတ်မောင်မြင့်သူ ၊ ဆရာ မင်းဝေဟင်၊ ဆရာ ညီမင်းညို၊ ဆရာမ မိချမ်းဝေ ၊ ဆရာမ အဖြူရောင်(ရွှေ)၊ နှင့် တက်ရောက် လာကြသော မြို့ခံ ဆရာ ၊ ဆရာမ များ နှင့် မိတ်ဆွေ များ ၊ ဂျာနယ် သတင်းထောက်များ ၊ စာအုပ်ဖြန့်ဖြူးပေးသော စာအုပ်ဆိုင် ပိုင်ရှင်များ အား ကျေးဇူးအထူးတင်ပါတယ်.....။

မိုးမာန် စိတ်ကြိုက်မြန်မာ ၀တ္ထုတိုများ စာအုပ်ကို... ........

  • ရန်ကုန် -  မျိုးဆက်သစ် စာပေ .

  • မန္တလေး -  ရာပြည့် ၊ ထွန်းဦး ၊ နဂါး ၊ ညို တို့မှ အဓိက ဖြန့်ပါတယ်။


"Moe Mahn" Publishing House

No, 121 . 27 St. Bet: 76 & 77 , Mandalay.

မိုးမာန် စိတ်ကြိုက်မြန်မာ ၀တ္ထုတိုများ စာအုပ် မိတ်ဆက်ပွဲ

နေရာ     ။       ။ Green Elephant Restaurant

နေ့ရက်။        ။ 3.1.2010

ချောအိမာန် (မန္တလေး)

No comments: