Wednesday, February 10, 2010

ဖီးနစ်မြို့



*၁၈၈၅-၁၉၄၈
အလံများ လွှင့်ဖူးခဲ့သလို
အလံများကျခဲ့။
*၁၈၈၅-၁၉၄၈
ဆည်းလည်းသံများသံခဲ့သလို
သေနတ်သံများညံခဲ့။
*ဒီမှာ
ရန်သူမျိုး ၅-ပါး ပြဇာတ်များ
ကပ်ကြီး ၃-ပါး အော်ပရာများ။
*ဒီမှာ
ညကို ကြယ်များပြန်လည်တပ်ဆင်ကာ
ပြာပုံထက်က အကြိမ်ကြိမ်ထ။
*ဘယ်တော့မှ ပါတော်မမူတဲ့စိတ်ဓာတ်က
ထီးဖြူကိုမိုး ပလ္လင်ကိုခံ။
*ဘယ်တော့မှ နေမဝင်တဲ့ချစ်စိတ်က
သိုင်းကိုဆွဲ ကျိုင်းကိုင်။
*သည်မြေ သည်ရေ သည်လေဟာ
ခန္ဓာကိုယ်ကိုလည်ပတ် သွေးအုပ်စုတစ်စု။
*သည်ဂုဏ်၊ သည်အဆင်း၊ သည်အချင်းဟာ
အသက်ရှူမှုအတွက် အကူကိရိယာ။
*ငရဲမှာလည်း ခံဖူးခဲ့သလို
နတ်ပြည်မှာလည်း စံဖူးခဲ့ရာ။
*အခု.....
သင့်တောင်ပံအတွက် ရွှေဆိုင်းတစ်ချပ်
အလွမ်းနဲ့ခတ်လို့ လှူဒါန်းလိုက်တယ်ဆိုပါစို့။
စံငြိမ်းဦး(မန္တလေးနှစ်၁၅၀ပြည့်အထိမ်းအမှတ်ကဗျာစာအုပ်မှ)

ချောအိမာန် (မန္တလေး)

No comments: