Sunday, February 14, 2010

ဇာတ်သိမ်းခန်း

ကျွန်မ ရဲ့ ဘလော့ထဲမှာ လာရောက်ကြသူ အပေါင်းကို မင်္ဂလာပါလို့ နှုတ်ခွန်းဆက်ပါတယ်။ ``မိုးမာန်`` စိတ်ကြိုက် မြန်မာ ၀တ္ထုတိုများ စာအုပ်ကို အရဲစွန့်ပြီး အတက်နိုင်ဆုံး ပရိသတ် အတွက် စေတနာထားပြီး လုပ်ခဲ့တာပါ…  ဒီစာအုပ်လေးကို လက်ဝယ် ရောက်ရှိပြီး ဖတ်ရတဲ့ စာဖတ်ပရိသတ် အားလုံးက ကြိုက်နှစ်သက်ကြတယ် ဆိုတဲ့ အတွက် အလွန်ဝမ်းမြောက်မိပါတယ်… ဒီအတွက် ကျွန်မဘက်က ကျိုးစားရကျိုး နပ်ကြောင်း ပြောချင်ပါတယ်။

လတ်တလောမှာ မဂ္ဂဇင်း နဲ့ ပေါ်ပြူလာ ဂျာနယ် အတွက် ဆောင်းပါး မပြတ်ရေးနေရတဲ့အတွက် ပရိသတ်များ နားလည်ပေး စေချင်ပါတယ်.။

ပေါ်ပြူလာ မှာ ပါဝင်ခဲ့တဲ့ ဆောင်းပါးတွေကို လက်ရွေးစင် ရွေးချယ်ပြီး တင်သွားပါဦးမယ်။

အခု ကျွန်မရဲ့ ပရိသတ်များအတွက် ``ဇာတ်သိမ်းခန်း``  ``ပင်ချစ်သူ``ဆိုတဲ့  ၀တ္ထုတို အသစ်စက်စက် နှစ်ပုဒ် တင်ပေးလိုက်ပါတယ်။

*******



ဇာတ်သိမ်းခန်း

(၁)

အိပ်ခန်းထဲက စာရေးစားပွဲခုံပေါ်ကနေ နာရီကိုတစ်ချက်လှမ်းကြည့်လိုက်တယ်။ ဆယ်နာရီထိုးဖို့ စက္ကန့်ပိုင်းပဲ လိုတော့တယ်။ စာရေးခြင်းကို ခေတ္တမဟုတ် ဒီနေ့အတွက် အပြီးရပ်နားလိုက်တော့တယ်။ ကျွန်မအဖို့ မအိပ်ချင်ပေမယ့် ဆက်ရေးနိုင်မှာမဟုတ်တာ သေချာတယ်။ ဖုန်းအနီလေးဆီ အကြည့်ရောက်သွားတယ်။ တကယ်တမ်းဆို ဒီကြိုးဖုန်းပလပ်ကို ဖြုတ်ပစ်လို့ ရနိုင်တာပဲ။ ဟန်းဖုန်းလေးကတော့ စားပွဲပေါ်မှာ…..

အပြင်က လေအေးတစ်ချက် ဝေ့တိုက်ခိုက်လာမှုကြောင့် မှန်ပြတင်းတံခါးပိတ်ပြီး လိုက်ကာကို ဆွဲစိလိုက်တယ်။ အမှန်ဆိုရင် ဒီကနေ့ရေးလက်စ၀တ္တုတစ်ပုဒ်ဟာ ပြီးကိုပြီးသင့်နေပြီး။ ဒါပေမယ့် ဆက်ပြီးရေးလို့မရ ဇာတ်ကောင်နဲ့ ကျွန်မကိုယ်တိုင်လည်းတသားတည်းမဖြစ်နဲ့……။ အနုပညာကို ဖန်တီးသူနဲ့ပရိသတ် အကြား တူညီတဲ့ခံစားမှုမရှိဘဲ ကွာဟနေခဲ့ရင် ဒီဝတ္ထုတစ်ပုဒ်ဟာ အကျိုးထိရောက်နော့မှာ မဟုတ်တော့။ ဒါကြောင့် စာအုပ်ကို အပြီးအပိုင် ပိတ်ပစ်လိုက်တော့တယ်။

ရေခဲသေတ္တာထဲက ရေအေးတစ်ခွက်ကို ထုတ်သောက် စဉ်မှာ ကြိုးဖုန်းအနီလေးကနေ အသံမြည်လာပါတယ်။

တီ…..တီ…

ကျွန်မ အိပ်ရာပေါ်ထိုင်ပြီးဖုန်းကို အသာကောက်ကိုင်လိုက်တယ်။

``ဘယ်လိုလဲ ဆရာမ``

တဖက်ကလူရဲ့ အသံကပြတ်သားစွာပေါ်လာတယ်။

``ကျွန်တော်ပြောခဲ့တာတွေကို  စဉ်းစားပြီးပြီလား``

သူ့အသံက သြဇာသံလိုလိုနဲ့…….

``စဉ်းစားပါတယ်။ ဒါပေမယ့် ရှင်ကတိတစ်ခုတော့ ပေးရလိမ့်မယ်။

``ဆိုပါဦး``

``ရှင်အဲဒီ အလုပ်တစ်ခုကို မလုပ်ပါဘူးလို့``

``အိုး… အို..ဆရာကို ပြောကတည်းကကျွန်တော့်ရဲ့ ဦးတည်ချက်၊ ရည်ရွယ်ချက်က ဒါပဲလေ``

``အဲဒီကတိကို မပေးနိုင်ဘူးဆိုတဲ့ သဘောလား``

``ဟုတ်တယ် ဆရာမရေးထားတဲ့ အမှားကိုပဲ လူတွေက သိနေကြတာ။ တကယ်တမ်းအမှန်တရားကို ဘယ်သူမှ မသိတာ။ အဲဒီ အမှန်တရားကို ပြန်ဖော်ထုတ်ဖို့က ဆရာမမှာ တာဝန်ရှိတယ်``

``ကျွန်မက အမှားတွေ အမှန်တွေသိခဲ့တာမှ မဟုတ်တာ ကျွန်မမွေးထားတဲ့ ဇာတ်ကောင်ကို ကျွန်မကိုယ်တိုင် ကြိုက်ရာ လုပ်ပိုင်ခွင့် ရှိတာပဲ``

``အဲဒီဇာတ်ကောင်က အခြားသူမှ မဟုတ်တာ ကျွန်တော်လေ။ ကျွန်တော့်ကို ဆရာမ၀တ္တုထဲမှာ စုတ်ပြတ်သတ်နေအောင် မွေးဖွားခဲ့တာ။ ကျွန်တော်ဟာ တကယ့်ကို ရွံ့စရာ သတ္တ၀ါ……``

``တော်ပါတော့ရှင်``

``အဲဒီအတွက် ဆရာမမှာ ကျွန်တော့်ရဲ့ အမှတ်တရားကို ပြန်ရေးပေးဖို့ တာဝန်မရှိဘူးလား``

``ကျွန်မ ရှင်မှန်းလည်း မသိဘူး။ ကျွန်မဟာ ကိုယ်တည်နေရာအနေအထားကနေ ဖန်တီးခဲ့တာပါ။ ရှင်နဲ့ မဆိုင်ဘုးလို့ ထင်တယ်``

``ကျွန်တော် ဟိုးရှေ့က ပြောခဲ့သလိုပဲ ဒီအကြောင်းကို ဆရာမတစ်နေရာကနေ ကြားသိရပါလိမ့်မယ်။ အဲဒါကတော့ သေချာပေါက်ပဲ။ ဆရာမတို့လို  စာရေးဆရာတွေဟာ နားတွေ၊ မျက်လုံးတွေကို အမြဲဖွင့်ထားတယ်ဆိုတာ ကျွန်တော်သိပါတယ်။ ဆရာမ ၀န်မခံပေမယ့် ကျွန်တော်သိတယ်။ တကယ်တမ်းစဉ်းစားကြည့်ပါ။ အမှန်တကယ် ဆုံးရှုံးခဲ့ရတာ ဘယ်ဘက်ကလဲ ဆိုတာ ကို ကျွန်တော့ညီကို သိပ်ချစ်တယ်။ ကျွန်တော်မရှိခိုက်မှာ ဖြစ်ပျက်ခဲ့တာတွေဟာ အံ့သြစရာတွေပဲ။ အဲဒီမိန်းမ အဲဒီလောက်ထိ ရက်စက်လိမ့်မယ်လို့ လုံးဝမထင်ခဲ့ဘူး။ အကွက်ကွင်းကျကျနဲ့ ညီ့ကို သတ်ပစ်ခဲ့တာ။ ဒါကို သူမသိဘူး မဟုတ်လား။ အခုတော့ တစ်နေရာမှာ ခြေရာဖျောက်နေပြီး သူက ကျွန်တော်အထင်နဲ့ ပျော်နေမှာ။ ညီ့ကို ဆုံးရှုံးရသလို သူလည်းဆုံးရှုံးရစေမယ်။ သူဟာ တကယ့်မြွေဟောက်မပဲ။ ကျွန်တော့်ကို သူသစ္စာအရင် ဖောက်ခဲ့တာ။ ဒါကို သူ့ပတ်ဝန်းကျင်ကရော ဆရာမရော မသိဘူးမဟုတ်လား။ အမေဆိုသူ့သားစိတ်နဲ့ အိပ်ရာထဲ လဲခဲ့ရတာ အခုချိန်ထိပဲ။ ဒါကြောင့် တစ်ယောက်တည်းကျန်ခဲ့တဲ့ ကျွန်တော့်ကို နိုင်ငံခြားကနေ ပြန်ခေါ်ခဲ့တာ။ တကယ်တမ်း သူရခဲ့တဲ့ ကိုယ်ဝန်ဟာ ကျွန်တော့် နဲ့ ရတာ မဟုတ်ဘူး။ အဲဒါကို ကျွန်တော် အသေအချာပြောရဲတယ်။

ခုတော့ သူ မြွေတစ်ကောင်ကိုဖမ်းလိုက်ပြန်ပြီ ပါးစပ်က လွှတ်မယ့်ပုံမပေါ်ဘူး။ အဲဒီအတွက် ပွဲက ပိုလှသွားပြီ ဆရာမ။ ဆရာမစောင့်ကြည့်ပါ။ ဆရာမ တောင်းတဲ့ ကတိကို မပေးနိုင်တဲ့ အတွက် ဆာရီးပါ။ ဆရာမ ကျွန်တော့်ကို အပြင်မှာ တွေ့ချင်စိတ်ရှိလာပြီးဆိုရင်တော့ အချိန်မရွေးပေးထားတဲ့ ဖုန်းကို ဆက်လိုက်ပါ။ ဒီလောက်ဆိုရင် ကျွန်တော် ညာတာမဟုတ်မှန်း ဆရာမသိလောက်ပါပြီ။ ကဲ ဒါပဲလေ``

``အဲ… နေပါဦး။ ရှင် အဲဒီလိုလုပ်တော့ရော သံသရာတွေလည်မနေဘူးလား။ ကျွန်မကတော့ ဘာမှ မဖြစ်စေချင်ဘူး။``

``ဆရာမ ၀န်ခံပြီမဟုတ်ဘူး။ ဒါဟာ အပြင်မှာ တကယ်ရှိနေတယ်ဆိုတာ။ အဲဒီလိုဆို တရားပါ့မလား။ ကျွန်တော်ဟာ တိုင်းသိပြည်သိ မဂ္ဂဇင်းစာမျာက်နှာပေါ်လည်းတင်ခံရသေးတယ်။ သူသိဖို့လိုအပ်တယ်။ နောက်ပြီးဆရာမမှာ တာဝန်ရှိတယ်ဆိုတာ မမေ့ပါနဲ့ ကဲ…….ဘိုင့်ဘိုင် Have a nice dream! ``

ဖုန်းချသွားပြီ။ ကျွန်မက သူ ဆုတောင်းသလို ဘယ်လိုလုပ် အိပ်မက်မက်လှလှမက်နိုင်မှာလဲ။ သက်ပြင်းတွေကို ရှည်လျားစွာ မှုတ်ထုတ်လိုက်တယ်။  စာရေးနေတဲ့ သက်တမ်းတစ်လျှောက် အထူးခြားဆုံး ဖြစ်ရပ်တစ်ခုလို ခံစားရတယ်။  သူနဲ့ပတ်သက်ပြီး တကယ်တမ်းကျွန်မမှာ တာဝန်ရှိနေသလားလို့ တွေးမိနေတယ်။

ဒီဖြစ်ရပ်ကို ကြားသိရစဉ်မှာ အဲဒီအမျိုးသမီးရဲ့ စရိုက်ကို ကြက်သီးထလောက်အောင် အံ့သြခဲ့တယ်။ သူ့ရဲ့ လုပ်ရပ်တွေက ၀တ္ထုတောင်ဆန်နေခဲ့တယ်။ သူ့ရဲ့နာကျည်းမှုကို သူ့လုပ်ရပ်တွေနဲ့ တစ်ဖက်လူကို ခြောက်ခြားသွေးပျက်စေခဲ့တာ။ အစီအစဉ်တွေကို သေချာဆွဲပြီး ကလဲ့စားခြေခဲ့တာက ရုပ်ရှင်ကားတစ်ကားကို ကြည့်ရသလို မျက်စိထဲမှာ  မြင်ယောင်လာတယ်။ ဒီဇာတ်လမ်းကို ကြားခဲ့ရတာကတဆင့် မဟုတ်ဘဲ နှစ်ဆင့်လောက်က သိခဲ့ရတာ။ ဒါကြောင့် သမရိုးကျမဟုတ်တဲ့ ဇာတ်လမ်းလေးမို့ရေးခဲ့တာ။ အဲဒီ ၀တ္ထုပါတော့ သူငယ်ချင်းတစ်ယောက်က ဖုန်းဆက်တယ်။ ဆက်မဖတ်နိုင်အောင်ကြောက်မိတယ်။ ရင်တွေလည်း တုန်လာတယ် တဲ့။ အဲဒီ အမျိုးသမီး တကယ်ရှိသလားမေးတော့ ကျွန်မက ရှိတယ် လို့ ပြောလိုက်သေးတယ်။

တချို့က အဲဒီလို ခပ်ကြမ်းကြမ်းဇာတ်လမ်းကို ကြိုက်ပေမယ့် တချို့ကတော့ အဲဒီလို မရေးပါနဲ့လို့ ပြောကြတယ်။

ဇာတ်ကောင် အမျုိးသားဟာ ဒီဇာတ်လမ်းမှာ ကောင်မလေးကို ဗိုက်နဲ့ပစ်သွားခဲ့တယ်။ တစ်နေရာ မှာ သွားမွေးပေမယ့်ကလေးက ဆုံးသွားတယ်။ သုံးနှစ်လောက်နေတော့မှာ အသွင်ပြောင်းလဲပြီးသူ့ချစ်သူကို ပြန်တွေ့ခဲ့တယ်။ သူ့ချစ်သူက အဲဒီအချိန်မှာ မင်္ဂလာဆောင်တော့မှာမို့ စီစဉ်နေပြီး။ သူတို့ မင်္ဂလာပွဲပျက်အောင် စိတ်အနှောင့်အယှက်ဖြစ်အောင် ဖုန်းတွေဆက် စာတွေရေး ခြိမ်းခြောက်ခဲ့တယ်။ သတို့သမီးဝတ်စုံချုပ်ပြီးသားကို ကပ်ကြေးနဲ့ကိုက်ပြီးဖျက်စီး၊ မှာထားတဲ့ သစ်ခွတွေကို ယူခိုင်းတာ ဆိုပြီး တစ်ခြံလုံး ၀ယ်ပစ်လိုက်တယ်။ သွေးပုလင်းရည်တွေနဲ့ ကားအဖြူလေးပေါ်လောင်းချ။ တစ်စက်စက်ကျနေတဲ့ သွေားရည်တွေဟာ ကားအဖြူလေးပေါ်မှာ ချက်ချင်းရုပ်ပျက်သွားစေခဲ့တယ်။ သတို့သမီးဆီ ဖုန်း အကြိမ်ကြိမ်ဆက်နဲ့ နောက်ဆုံး သူတို့ ဖိတ်စာတွေယူပြီး အပြန်နောက်ကနေ လိုက်ပြီး ဖုန်းဆက် ခြိမ်းခြောက်မှုတွေ မျိုးစုံလုပ်တော့ ကားတိုက်မှုဖြစ်ပြီး ကောင်လေး ဆုံးပါးသွားတယ်။ ကောင်မလေးကတော့ ဆေးရုံမှာ လချီပြီး တော်တော် ကုလိုက်ရတယ်။

ကျွန်မလည်း အဲဒီဇာတ်လမ်းကို ကြားရသလောက်အတိအကျပဲ ရေးခဲ့တယ်။ ``မုန်းတိုင်းမိုး`` ဆိုတဲ့ အဲဒီဝတ္တုဟာ Fashion Image မှာ စက်တင်ဘာ ၂၀၀၆  ကပါခဲ့တာ။ ခုဆိုရင် သုံးနှစ်ရှိခဲ့ပြီ။ ဒီလိုနဲ့ မထင်မှတ်တဲ့ ဖုန်းမြည်သံတစ်ခုကြောင့် ကျွန်မအတွေး တွေ ရှုပ်ထွေးသွားစေတယ်။

ကျွန်မဆီကို ဖုန်းဆက်ခဲ့တာ ၀တ္ထုထဲက ဇာတ်ကောင်။

တကယ်တမ်း သေဆုံးသွား တာက သူ့ညီဖြစ်ပြီး သူတို့က ခွဲမရအောင်ကို တူနေတဲ့ အမွှာတွေတဲ့ တကယ်တမ်း သူနိုင်ငံခြားမှာ အလုပ်သွားလုပ်နေတုန်း ပြန်လာရော။ သူ့ချစ်သူက နောက်တစ်ယောက်နဲ့ တွဲနေတာကို သိခဲ့ရတယ်။ သူတို့ ဆွေးနွေးခဲ့ပေမယ့် အဆင်မပြေခဲ့ဘူး။ သူ့ချစ်သူက ငြင်းတယ်။ ဒါနဲ့ သူလဲ စိတ်တိုပြီး နိုင်ငံခြားကို ပြန်ထွက်သွားတယ်။ သူ့ညီက နယ်မှာ အမေတို့နဲ့နေတာ။ နောက်မှ မန္တလေးကို ပြောင်းလာခဲ့တာ။ သူ့ညီ  ကို သူ့အထင်နဲ့ မင်္ဂလာဆောင်ခါနီးမှာ သူ့ရဲ့ ရက်စက်မှုကြောင့် သေဆုံးခဲ့တယ်တဲ့။

ခု အဲဒီအမျိုးသမီး ကိုယ်ဝန်ဟာ သူမဟုတ်ဘူးလို့ သေသေချာချာပြောတယ်။ ဒီကြားထဲမှာ လျှို့ဝှက်ချက်တစ်ခုတော့ ရှိရမယ်။ ခုတော့ သူဟာ အဲဒီ အမျိုးသမီးကို ပြန်လက်စားချေဖို့ ရည်ရွယ်နေပြီ။ အဲဒီ  အမျိုးသမီးက သူပြောသလိုဆို မြွေတစ်ကောင်နဲ့ မင်္ဂလာဆောင်တော့မယ်တဲ့။

ဘယ်လိုပဲ ပြင်းထန်တဲ့ ခံစားချက်တွေ ရှိရှိ၊ ကလဲ့စားပြန်ချေတဲ့အလုပ်ကြီးကို မလုပ်စေချင်။ တန်ပြန်တဲ့ သက်ရောက်မှုတွေ သူ့အလိုလိုရှိနေတာကို လစ်လျှူရှု့လို့ မရနိုင်ပါဘူး။ ဒါကြောင့် သူ့ကို အပြင်မှာ တွေ့ဖို့ လိုအပ်လာတယ်။ ဟုတ်တယ်။ တွေ့ဖို့ လိုအပ်လိမ့်မယ်။ ကျွန်မ သူ့ကို တွေ့ဖို့ ဆုံးဖြတ်လိုက်တယ်။

*******



ဇာတ်သိမ်းခန်း

(၂)

ကျုံးဘေးက Café Brolly မှာတွေ့ဖို့ ကျွန်မသူ့ကို ဖုန်းဆက်လိုက်တယ်။ တစ်ဖက်က သူ့အသံက အရမ်း ၀မ်းမြောက်သွားတဲ့ပုံပဲ။

``ရှင့်နာမည် ဘယ်သူ``

``ဆရာမကလည်း မေ့တက်တာပဲ ဘုန်းနေလ လေ``

``ကောင်းပါပြီ မနက်ဖြန် ညနေ ၅ နာရီနော်``

``အိုကေ ကျွန်တော်စောင့်ပါ့မယ်``

ကျွန်မ ၀တ္ထုပါတဲ့ မဂ္ဂဇင်းကို ပြန်ဖတ်ရင်းအိပ်ပျော်သွားခဲ့တယ်။ ရေးစဉ်တုန်းက ဒီလို ပြဿနာတွေ ရှိလာလိမ့်မယ် လို့ဘယ်လိုမှ မထင်မှတ်ခဲ့ဘူး။ သူ့နေရာမှာ ၀င်ခံစားကြည့်တော့လည်း နှစ်ဦးနှစ်ဖက်ကြားမှာ နားလည်မှုအလွဲတွေနဲ့ အခုလိုဆိုရင် မိန်းကလေးဘက်က အများကြီးကို လွဲမှားနေခဲ့ပြီ။ ကိုယ့်ကြောင့် လူတစ်ယောက် နစ်နာဆုံးရှုံးသွားပြီ။ ဒါကို ဘုန်းနေလဘက်က လုံးဝ မကျေနပ်၊ သူကရော ဘယ်လို ကလဲ့စားချေခြင်းမျိုးတွေနဲ့ စီရင်ဦးမှာလဲ။

တွေးရင်း တွေးရင်း ကျွန်မ သိသိသာသာ ရင်မောလာရတယ်။ ကျွန်မရဲ့ ရေးသားဆဲ ၀တ္ထုတိုတွေလည်း ဆက်မရေးနိုင်အောင် ရပ်တန့်နေခဲ့ပြီး။ ကြားဖောက်ဝင်လာတဲ့ ဒီအကြောင်းအရာကို အမြန် ဖယ်ထုတ်ပစ်နိုင်မှသာ ကျွန်မအတွက် အဆင်ပြေလိမ့်မယ်။

*********



ကျွန်မ ဆိုင်လေးထဲကို ၀င်လာပြီး လျှောက်လှမ်းတွေကိုလျှောက်ရင်း သူ့ကို ရှာမိတယ်။ သူက ကြိမ်ခုံပေါ်ကနေ မတ်တပ်ရပ်ပြီး ကျွန်မကို လက်လှမ်းပြတယ်။ အသားဖြူဖြူ အရပ်ရှည်ရှည်နဲ့ သူက မော်ဒယ်ဘွိုင်းတွေနဲ့တောင် ခပ်ဆင်ဆင်ပဲ။

``ရှင် ကျွန်မကို သိသားပဲ``

``စာအုပ်တွေထဲမှာ ဆရာမကို ကျွန်တော်မြင်ဖူးထားပါတယ်``

``ကဲ ဆရာမ မှာချင်တာ မှာပါ။ ဒီနေ့အတွက် ဒကာက ကျွန်တော်ပေါ့``

``ရပါတယ်။ ကော်ဖီအေးဆိုရပြီ။ ``

``ကော်ဖီအေး ၀မ်း၊ နာနတ် Juice ၀မ်း``

``ဆရာမ ကျွန်တော်နဲ့ တွေ့ဖို့ ခက်ခဲမယ် ဆရာမ အချိန်တွေ ဖဲ့ထုတ်ရမယ်ဆိုတာ ကျွန်တော်သိပါတယ်``

``ရှင်အသက်ဘယ်လောက်ရှိပြီလဲ```

``နှစ်ဆယ့်ရှစ်``

``ကျွန်မက သုံးဆယ်ကျော်ပြီဆိုတော့ ရှင်ထက်တော့ အသက်ကြီးတယ်။ အဲဒီတော့ ကျွန်မပြောတာကို နားထောင်စေချင်တယ်``

``ကျွန်တော့်ဆန္ဒကိုရော ဆရာမ ပြန်မပေးနိုင်ဘူးလား``

``၀တ္ထုအသစ်ထပ်ရေးပေးဖို့လား``

``ဟုတ်တယ်။ ကျွန်တော့်အကြောင်းကို အမှန်ဖြစ်ဖို့လေ``

``ကောင်းပြီလေ။ ဇာတ်သိမ်းကတော့ ကျွန်မကြိုက်တဲ့ ဇာတ်သိမ်းဖြစ်မှ ရေးနိုင်မယ်။ နောက်ပြီး ရှင့်ရဲ့ Plan တွေကို ပြောပြပါဦး``

``ကျွန်တော် မနေ့က ပြောသလိုပဲ သူလည်း ဆုံးရှုံးစေရမယ် ခု သူတို့ ၀ယ်ဖို့ သေချာပေါက်ဈေးဆိုင်ထားတဲ့ တိုက်ခန်းက ကျွန်တော့်သူငယ်ချင်း တိုက်ခန်းဖြစ်နေတယ်။ အဲဒီ တိုက်ခန်းကို သူတို့ လက်ထဲမရောက်ခင် ကျွန်တော်ဝယ်ဖြစ်မယ်။

နောက်ပြီူး သူ ကျွန်တော့်အထင်နဲ့ လိုက်နှောက်ယှက်ခဲ့သလို သူတို့ နှစ်ယောက်သွားတဲ့ နေရာတိုင်းမှာ သူလုပ်တာတွေထက်သာအောင် သွေးပျက်အောင် ဆယ်ဆလောက်သာအောင် ခြိမ်းခြောက်ပစ်မယ်။ ကျွန်တော်ဟာ တစ်နေ့ကျ ဘွားကနဲ သူ ရှေ့ပေါ်လာပြီး ကျွန်တော်မှန်းသိသွားရင် သူ့ပုံစံဘယ်လိုဖြစ်သွားမလဲ။ ဆရာမ စဉ်းစားကြည့်လေ ``

``အဲဒီလို လုပ်ပြီးရင် ရှင်ကျေနပ်သွားနိုင်ပြီပေါ့ ဟုတ်လား``

``ဟုတ်တယ်``

``အဲဒီတော့ ဇာတ်သိမ်းက ``

``သူ့ကို ပြန်သေပေးလိုက်ပေ့ါ ဆရာမ``

``အို မဟုတ်သေးပါဘူး။ သူသေသွားင် ဇာတ်လမ်းက ပြီးသွားမှာပေါ့။ ဒါ ကျွန်မလိုချင်တဲ့ ဇာတ်သိမ်းလဲ မဟုတ်သေးဘူး။ ရှင့်ရဲ့လက်စားချေမယ်ဆိုတဲ့ စကားလုံးကြီးက မကောင်းပါဘူး။ ပညာပေးရုံလောက်နဲ့ ရှင်ဖြစ်စေချင်သလို ဖြစ်နိုင်တာတွေရှိပါတယ်။ ရှင့်အတွက် ပိုက်ဆံ ကုန်ကျစရိတ်လည်း မလိုဘူး။ သူလုပ်ခဲ့တဲ့ အတိုင်းအတာအတွက် ရှင်သူ့ရှေ့မှာ အရှင်လတ်လတ်တွေ့လိုက်ရတာနဲ့တင် ပွဲသိမ်းသွားပါပြီ။ သူ သိသွားရင် တသက်လုံး ခံစားပေတော့ပဲလေ။ မဟုတ်ဘူးလား။ ကျွန်မက အဲဒီလိုပဲ ဇာတ်သိမ်းချင်တယ်။ အဲဒီလို ဇာတ်သိမ်းခွင့်ရမယ်ဆိုရင် ရှင့်အတွက် ၀တ္ထုတစ်ပုဒ်ရေးပေးမယ်``

``ဆရာမ  ဇာတ်သိမ်းက ဘယ်လိုလဲ``

``တိုက်ဆိုင်မှုတစ်ခုပဲ အဲဒီမင်္ဂလာပွဲ ကျွန်မကို ဖိတ်ဖြစ်အောင် ဖိတ်လိမ့်မယ်။ကျွန်မက သတို့သားဘက်ကနေ သိတာ။ ကျွန်မလည်း မနေ့ကမှ သိတာ။ မနေ့က ကျွန်မသူငယ်ချင်းကို မေးကြည့်တော့ ပိုသေချာသွားတယ်။ အဲဒီ မင်္ဂလာဆောင်ကို ရှင် ကျွန်မ နဲ့ အတူလိုက်ခဲ့ပါ။ ကျွန်မရဲ့ ကာစင်အနေနဲ့ မိတ်ဆက်ပေးမယ်။ နောက်ပိုင်း အနေအထားကို ရှင်ပဲ ဆက်တွေးကြည့်တော့။ ညင်သာနူးညံ့တဲ့ ပညာပေးနည်းက ပတ်ဝန်းကျင်ကိုလည်း မထိခိုက်ဘူး။ ပိုက်ဆံ လည်း မကုန်ဘူး။ ရှင်လည်း ပင်ပန်းစရာမလိုဘူး။ ၀တ္ထုထဲမှာ ရှင်ဖြစ် ချင်သလို သေပေးလို့ရတယ်။ အပြင်မှာတော့ ဒီလောက်ထိလုပ်ဖို့ မလိုပါဘူး။ သူအရာအားလုံးကို သိသွားတဲ့ တစ်နေ့မှာ နောင်တ ရသွားလိမ့်မယ်။ ရှင်လည်း အမှားမကင်းတဲ့သူ မဟုတ်တော့ဘူး။ လိပ်ပြာလုံစွာ နေနိုင်တယ်။ ရှင့်ရဲ့ ရက်စက်မယ့် ပထမအစီအစဉ်ကို လုံးဝ  ပယ်ဖျက်လိုက်တော့။ အဲဒီလို ရုပ်ဆိုးအကျည်းတန်စေမယ့် ၀တ္ထုမျိုး ကျွန်မမရေးနိုင်ဘူး။ ဒီလို ဇာတ်သိမ်းမယ်ဆိုရင်တော့ ကျွန်မ ရေးဖို့ စဉ်းစားပေးမယ်။ ပြီးတော့ ရှင်ဘက်ကလည်း တကယ် ဇာတ်သိမ်းရမလိမ့်မယ် ``

သူက အအေးခွက်ထဲက Juice တွေကို အကုန်မော့သောက်ပြီး စဉ်းစားနေပုံရတယ်။ အတန်ကြာတော့

```ကောင်းပြီလေ ဆရာမ ကျွန်တော် ဆရာမ ဇာတ်သိမ်းအတိုင်း လုပ်ဖို့ ကတိပေးတယ်။ ဆရာမက စာရေးသူလို့ မပြောရဘူး။ သူမင်္ဂလာဆောင်မယ့်နေ့ကို ကျွန်တော့်သိတယ်ဆရာမ။ ကျွန်တော် လိုက်ခဲ့မယ်``

``အိုကေ ကောင်းပြီ``

******



ဇာတ်သိမ်းခန်း

(၃)

ဒီဇာတ်လမ်းမှာ ကျွန်မကိုယ်တိုင် ကြားက ပါဝင်ရပြီမို့ စိတ်ထဲမှာ တစ်မျိုးတော့ ခံစားရတယ်။ ကောင်လေးက မဆိုးပါဘူး။ ပြောရင်တော့ နားထောင်သားပဲ။ ဟုတ်တယ်လေ။ အပြင်ရော အထဲရော ရက်စက်၊ အကျည်းတန်မှုတွေနဲ့ ဇာတ်သိမ်းရမှာကို လုံးဝမနှစ်သက်တော့ဘူး ။ ကျွန်မရဲ့ပရိသတ်ကလည်း ကြိုက်မယ်မထင်ဘူး။

မင်္ဂလာဆောင်မယ့်နေ့ မတိုင်မီ ကျွန်မဆီ သူ ဖုန်းဆက်လာတယ်။ အဓိက ကျွန်မမေ့မှာစိုးလို့တဲ့။ မင်္ဂလာဆောင်က ဆီဒိုးနားမှာ။ နောက်တနေ့ နံနက်စောစော သူက ကျွန်မအိမ်ရောက်လာတယ်။ ရှပ်အင်္ကျီအဖြူ နက်တိုင်၊ စတိုင်ပန်နဲ့ ဆံပင်ကို သပ်သပ်ရပ်ရပ်ဖီးဖားတယ်။ တကယ့်ကို စိတ်ပါလက်ပါလာပုံပဲ။ ကောင်လေး သူ့ကိုမြင်ရင် ဘယ်လိုဖြစ်သွားမလဲ ဆိုတာ တွေးရင်း ကျွန်မတောင် ရင်တုန်တယ်။

မင်္ဂလာဆောင်က စည်းကားပါတယ်။ သူပြောသလို မြွေဆိုတော့လည်း ငွေလည်းရှိမှာပေါ့။ ခပ်ဝေးဝေးက လှမ်းမြင်ရတဲ့ ငွေရောင်ဝတ်စုံနဲ့ သတို့သမီးလေးက လှတယ်။ သတို့သားကတော့ အတော်ဝပြီး၊ အသားမည်းတယ်။

``ဆရာမ ယုံပြီမဟုတ်လား။ ငွေမျက်နှာနဲ့ မင်္ဂလာဆောင်တာ။ သူက အင်မတန်အလှအပကြိုက်တဲ့မိန်းမ``

ကိုယ်တော်က ချီမွမ်းခန်းတွေ စဖွင့်နေပြီ။ ဟုတ်တော့လည်း ဟုတ်ပါရဲ့။ မလိုက်ဖက်ဘူး။ ကျွန်မတောင် စိတ်ထဲ အံ့သြနေတာ။

သူတို့က တစ်ဝိုင်းပြီး တစ်ဝိုင်း လိုက်နှုတ်ဆက်တယ်။

``ကဲ ရှင် အသင့်ပြင်ထားနော်။ ကျွန်မတို့ စားပွဲဝိုင်းနားကို လာနေပြီ ``

``စိတ်ချပါ``

သတို့သား၊ သတို့သမီးက လိုက်ျွှုတ်ဆက်ရင်း ကျွန်မတို့ ၀ိုင်းကို ရောက်လာတယ်။ ဗီဒီယိုတွေကလည်း ရိုက်နေကြတယ်။ ဓာတ်ပုံတွေကလည်း တဖျတ်ဖျတ်။ ကျွန်မဘေးရောက်လာတော့ ထလိုက်ပြီး

``ကျွန်မ ဦးဝင်းမြင့် သမီးပါ``

``အော် ဟုတ်ကဲ့ခင်ဗျ။ တွေ့ရတာ ၀မ်းသာပါတယ်။ အဖေပြောဖူးတယ်။ စာရေးတယ်လို့လဲပြောတယ်``

``ဟုတ်ကဲ့ မိတ်ဆက်ပေးရဦးမယ်။ ဒါကျွန်မမောင်ဝမ်းကွဲပါ။ ဘုန်းနေလတဲ့။ နိုင်ငံခြားကပြန်ရောက်တာ မကြာသေးဘူး။ သူ့လိုက်ပို့ခိုင်းရတာ``

``ဟုတ်ကဲ့ခင်ဗျ တွေ့ရတာ ၀မ်းသာပါတယ်``

သတို့သားက လက်ဆွဲနှုတ်ဆက်တယ်။ နောက်ကျောပေးနေရာကနေ လှည့်အထ သတို့သမီးနဲ့ မျက်နှာချင်းဆိုင် အနီးကပ်ဖြစ်သွားတာမို့။ သတို့သမီးမျက်နှာ ဖြူဖျော့သွားပြီး ရုတ်ချည်း ဒူးခေါင်းကွေးညွတ်ကျသွားတယ်။ လက်ထဲမှာ ကိုင်ထားတဲ့ပန်းကလည်း အောက်ကို ပြုတ်ကျသွားတယ်။ သ တို့သားကလည်း လန့်ပြီး ချိတ်ထားတဲ့ သတို့သမီးလက်မောင်းကို ပြန်ဆွဲလိုက်တယ်။ အားလုံးလည်း လန့်သွားကြတယ်။

``မိုး ဘာဖြစ်တာလဲ။ ဘာဖြစ်သွားတာလဲ နေမကောင်းဘူးလား။ ခေါင်းမူလို့လား။ ကင်မရာမီးတွေငြိမ်းထားပေးပါ``

``မနက်က အစောကြီးထရလို့ထင်တယ``

``လာ  လာ ထိုင်ခုံဆီ ပြန်သွားရအောင်၊  လမ်းလျှောက်လို့ ရောရလား``

သတို့သမီး မျက်လွှာကို အောက်ကိုပဲ ချထားထယ်။ ဘယ်ကိုမှ မကြည့်တော့ဘူး။ နှုတ်ခမ်းတွေထောင် တုန်နေတယ်။ သူ ဘယ်လောက်တုန်လှုပ်သွားမလဲ။ ဘုန်းနေလကို လှမ်းကြည့်တော့ သူက ရှုတည်တည်မျက်နှာပေးနဲ့ လှမ်းကြည့်နေတယ်။ သတို့သမီးကို လူနည်းရာ ခုံတစ်ခုမှာထိုင်ပြီးယပ်ခတ်ပေးနေကြတယ်။ တော်တော်လန့်သွားပုံပဲ။ အခြေအနေက တော်တော်ဆိုသွားတယ်။ အားလုံး သက်ဆိုသူများကလည်း သတို့သမီးနား ၀ိုင်းအုံသွားကြတယ်။

``သွားကြစို့လား``

``ဟုတ်ကဲ့``

အခန်းပြင်ရောက်တော့

``ကဲ ဘယ်လိုလဲ ကျေနပ်သွားပြီလား``

``ဆရာမကို ကျေးဇူးတင်ပါတယ် ဒီလောက်နဲ့တင်လုံလောက်သွားပါပြီ။ သူ ကျွန်တော့်ကို ရုတ်တရက်မြင်လိုက်ရတော့ နှုတ်ခမ်းတောင် ဟသွားတယ်။ ရုပ်ပျက်ဆင်းပျက်ပဲ။

သူက ကျွန်တော့်ကို စိတ်ခေါ်ခဲ့တာကိုး။ ဆရာမ မရိုမသေစကားပြောရရင် သူ့ ကိုယ်ဝန်ကျွန်တော်နဲ့ မဟုတ်ဘူး။ ကျွန်တော် သူနဲ့ မငြိစွန်း ဘူး။ သူက ကျွန်တော့်ကို ဘာကြောင့် အသည်းအသန်ယူခိုင်းမှန်း နောက်မှ သဘောပေါက်တယ်။ သူနဲ့ ကျွန်တော် အပြင်းအထန်စကားများခဲ့ကြတယ်။ ဒါပေမယ့် ပတ်ဝန်းကျင်ကတော့ ကျွန်တော့် နဲ့ပဲ ပေါ်ပေါ်တင်တင် တွဲခဲ့တော့ ကျွန်တော်လို့ထင်တာပေါ့။

ကဲ ဆရာမစိတ်ကြိုက် ဇာတ်သိမ်းခဲ့တာနော်။ ကျွန်တော့်ဘ၀မှာ သူနဲ့ ပတ်သတ်ပြီး ပြည်ဖုံးကားချလိုက်ပြီ။ တကယ်လည်း ဇာတ်သိမ်းလိုက်ပြီ။ ဆရာမ ဘက်ကပဲ လိုတော့တယ်``

``ဟုတ်ပါပြီ။ ကျွန်မကလည်း ရှင့်ကို ပြန်ကျေးဇူးတင်တယ် ပြောပါရစေ ။ ကျွန်မရဲ့ ``ဇာတ်သိမ်းခန်း`` ၀တ္ထုကို မဂ္ဂဇင်းမှာ စောင့်ဖတ်တော့``

``အိုကေ ဆရာမ ။ ဆရာမကို ကျွန်တော်လေးစားပါတယ်``

``အရင်က ရှင် ကျွန်မကို တော်တော် လေး အမြင်ကတ်ခဲ့တာ မဟုတ်လား``

``အဲဒီလိုကြီးတော့ မဟုတ်ပါဘူး။ နားလည်ပါတယ်။ ဆရာမကြောင့် ကျွန်တော့်ရဲ့ ဇာတ်သိမ်းခန်းဟာ ပိုလှသွားပါပြီ``

``ဟုတ်တယ်လေ ကျွန်မက အဲဒီလို ၀တ္တုထဲကလို ရူးကြောင်ကြောင် အစွန်းရောက်လုပ်ရပ်တွေကို သဘောမကျတော့ဘူး။ ရှင် အဲဒီလိုများ လုပ်ခဲ့ရင် ရှင်ကလူသတ်မှုတစ်ခု ကျူးလွန်ပြန်ဦးမယ်။ အလကားနေရင်း ဘ၀တွေဆုံးရှုံးတယ်။ တစ်ဦးတည်းသာ ရှိတော့တဲ့ ရှင့်အမေကိုလည်း ပြန်ကြည့်ရဦးမယ်။  စိတ်ထင်တိုင်းလုပ်လို့မရဘူး။ နောက်ဆုံးကျ ကိုယ်လုပ်ခဲ့တဲ့ အမှုက ကိုယ်ပဲ တာဝန်ပြန်ယူရတယ်။ ရှင့်ကို အဲဒီလို မဖြစ်စေချင်ဘူး``

သူက ခေါင်းငြိမ့်လိုက်ပြီး ကားကတ်ဆက်ထဲက သီချင်းသံနဲ့အတူ စည်းချက်လိုက်နေတယ်။ သူ့ကြည့်ရတာ ပေါ့ပါးသွားသလိုပဲ။

မထင်မှတ်ဘဲ ဒီဝတ္ထုအတွက် ခေါင်းစဉ်ကိုလည်း ``ဇာတ်သိမ်းခန်း`` လို့ပဲ အမည်ပေးမယ်လို့ ဆုံးဖြတ်လိုက်တော့တယ်။

ချောအိမာန် (မန္တလေး)

၃၀.၇.၀၉

၈း၀၀ AM

6 comments:

ချော said...

လှပသွားတဲ့ ဇာတ်သိမ်းခန်းလေးကို ကျေနပ်စွာ ဖတ်သွားပါတယ် မချောအိရေ..
ဖတ်ခွင့်ရတာ ကျေးဇူးအများကြီးတင်ပါတယ်ရှင်....

ဖိုးထိန် said...

ဇာတ်သိမ်းသွားတာတောင် ဆက်ဖတ်ချင်သေးတယ်ဗျာ ။ အားပေးပါတယ်မချောအိ ။ နောက်ထပ်များများရေးနိုင်ပါစေနော် :)

မြသွေးနီ said...

" ဇာတ်သိမ်းခန်း" ရဲ့ အကောင်းဆုံး ဇာတ်သိမ်းလေးကြောင့် ဖတ်ရတာတော်တော့ကို ကျေနပ်မှုရသွားပါတယ်ရှင်။

marionette125 said...

ဘယ်လိုများဇာတ်သိမ်းတော့မှာလဲလို့ ။ အရင်စာကိုလဲ ဖတ်ဘူးပါတယ်။ တကယ်အမှန်တွေပါလားမမ။ ဇာတ်သိမ်းလေးလှသွားပါတယ်။

ချစ်ကြည်အေး said...

ဇာတ်လမ်းရော ဇာတ်သိမ်းရော ကောင်းတယ် ချောအိရေ...:)

ကေသရီ said...

ဇာတ်သိမ်းပိုင်းရဲ့ အရင်ဝတ္တုကို ညီမ ဖတ်ဖူးပါတယ်အစ်မရေ။ လှပတဲ့ ဇာတ်သိမ်းခန်းလေးကို ဖတ်လိုက်ရတဲ့ အတွက် ကျေးဇူးပါ။